بیکانیر،8مارچ(ایس او نیوز؍آئی این ایس انڈیا) راجستھان کے بیکانیر میں ہندوستانی فضائیہ کا مگ 21 طیارے حادثے کا شکار ہو گیا ہے،غنیمت رہا کہ اس حادثے میں پائلٹ بال بال بچ گیا،ساتھ ہی یہ طیارہ رہائشی علاقے سے دور کھیت میں گرا۔بتایا جا رہا ہے کہ لڑاکا طیارہ مگ 21 کے گرنے سے پہلے اس کو اڑا رہے پائلٹ پیراشوٹ لے کر کود گئے،فی الحال پائلٹ محفوظ بتایا جا رہے ہیں،یہ لڑاکا طیارا بیکانیر کے پاس گرا اور اس میں آگ لگ گئی۔بتایا جا رہا ہے کہ راجستھان کے بیکانیر کے نال ایئر بیس سے پرواز کے بعد یہ جہاز ایک پرندے سے ٹکرایا اور حادثے کا شکار ہو گیا،اگرچہ حادثے کی وجہ کو لے کر ابھی تک مکمل تصویر واضح نہیں ہو پائی ہے،معاملے کی جانچ کے بعد ہی حادثے کی وجوہات کا پتہ چل پائے گا۔یہ پہلا موقع نہیں ہے جب مگ 21 کے ساتھ حادچہ ہوا ہے، اس سے پہلے بھی کئی بار مگ21 حادثے کا شکار ہو چکا ہے،اس کو لے کر مگ 21 پر مسلسل سوال اٹھ رہے ہیں،حال ہی میں جولائی 2018 میں ہماچل کے کانگڑا میں بھی مگ 21 کریش ہو گیا تھا،اس حادثے میں مگ 21 کو اڑا رہے پائلٹ میت کمار کی جان چلی گئی تھی۔راجستھان کے بیکانیر میں ہندوستانی فضائیہ کا مگ 21 اس وقت گر کر تباہ ہوا ہے، جب ہندوستان اور پاکستان کے درمیان کشیدگی عروج پر ہے،27 فروری کو ہندوستانی فضائیہ کے ونگ کمانڈر ابھینندن ورددھمان نے مگ 21 ہی ہندوستانی فضائیہ کے جدید ترین لڑاکا طیارے F۔16 کو مار گرایا تھا۔