لڑکی سے عصمت دری کرنے کے الزام میں خود ساختہ بابا گرفتار، حیدرآباد سے ہوئی گرفتاری
حیدرآباد، 16 جون(ایس او نیوز/آئی این ایس انڈیا) حیدرآباد میں ایک خود ساختہ بابا کو 19 سال کی لڑکی کے ساتھ ریپ کے معاملے میں گرفتار کیا گیا ہے۔بابا کا نام اعظم بتایا جا رہا ہے۔اس کی گرفتاری ہفتے کی شام کو ہوئی۔ملزم بابا کو عدالتی حراست میں بھیج دیا گیا ہے۔چند ماہ قبل بھی بہار کے سپول میں ایک بابا کو گرفتار کیا گیا تھا،پکڑا گیا بابا کبیرپنتھ سے منسلک تھا،جس کی شناخت بابا منموہن کے طور پر ہوئی۔بابا کو ایک ساتھ دو بہنوں کے ساتھ کئی دنوں تک عصمت دری کرنے کے الزام میں گرفتار کیا گیا تھا۔معاملہ سپول کے مرونا تھانہ علاقہ کا ہے۔ملزم بابا پنچ بیٹا گاؤں کا رہائشی ہے۔ہندوستان اور نیپال میں اس کا آشرم ہونا بتایا جا رہا ہے۔سپول کے پولس سپرنٹنڈنٹ مرتیجی کمار چودھری اس سلسلے میں معلومات دیتے ہوئے بتایا کہ بابا منموہن عالمی کبیر پنتھ فارم سے منسلک ہے،جس کے خلاف مدھوبنی ضلع کی دو بہنوں نے سپول خواتین تھانے میں آکر شکایت درج کرائی کہ اس نے طویل ان کے ساتھ جسمانی تعلقات بنائے،ان کا جنسی استحصال کیا۔