مینگلور کے قصبہ کینّی گولی میں میاں بیوی کا بڑی بے رحمی کے ساتھ قتل؛ ملزم گرفتار
مینگلور 29/اپریل (ایس او نیوز) مینگلور کے قصبہ دمسکٹّے ، کینّی گولی میں میاں اور بیوی کا بڑی بے رحمی کے ساتھ قتل کیا گیا ہے جس کے تعلق سے پولس نے اُسی کے ایک پڑوسی کو قتل کے الزام میں گرفتار کرلیا ہے۔ واردات بدھ کی صبح پیش آئی۔
مرنے والوں کی شناخت وینسنٹ (50) اور اس کی اہلیہ ہیلن (45) کی حیثیت سے کی گئی ہے۔ بتایا جارہا ہے کہ قریب کی ایک جگہ کو لے کر کچھ ان بن چل رہی تھی جس کو لے کر پڑوس کے الفانسو نے چاقو اور دیگر دھاردار ہتھار سے ان دونوں کو بے رحمی کے ساتھ قتل کردیا ہے۔
پولس نے الفانسو کو گرفتار کرتے ہوئے اُس سے مزید معلومات حاصل کررہی ہے۔ بتایا جارہا ہے کہ مہلوک وینسنٹ سابق فوجی تھا جس کی موقع پر ہی موت واقع ہوگئی البتہ اس کی بیوی ہیلن نے اسپتال پہنچنے کے بعد دم توڑ دیا۔
واقعے کی اطلاع ملتے ہی پولس نے جائے وقوع پر پہنچ کر ضروری معلومات حاصل کی ہیں اور مزید چھان بین جاری ہے۔