بھٹکل کے آٹو رکشہ ڈرائیور بھی ایماندار؛ بھٹکل میں تین لاکھ مالیت کے زیورات سے بھری بیگ لے کر رکشہ ڈرائیور پہنچا پولس اسٹیشن

Source: S.O. News Service | By I.G. Bhatkali | Published on 15th October 2019, 2:12 PM | ساحلی خبریں |

بھٹکل 15/اکتوبر (ایس او نیوز)  بھٹکل میں  راستے پر  کوئی  قیمتی چیز کسی کو گری ہوئی ملتی ہے  تو اکثر لوگ  اُسے اُس کے اصل مالک تک  پہنچانے کی کوشش کرنا عام بات ہے،  بالخصوص مسلمانوں کو راستے میں پڑی ہوئی  کوئی قیمتی چیز مل جاتی ہے تو     لوگ یا تو خود سے سوشیل میڈیا  میں پیغام وائرل کرکے  اُسے اُس کے اصل مالک تک پہنچانے کی  کوشش کرتے ہیں یا پھر   ساحل آن لائن دفتر میں بھی لاکر  اُسے اصلی مالک تک پہنچانے کا کام کرتے ہیں۔ یہ الگ بات ہے کہ ان باتوں کی تشہیر نہیں ہوتی۔

 کئی بار ایسا بھی ہوا ہے کہ آٹو رکشہ پر قیمتی پرس اور کپڑوں کی بیگ بھول جانے پر ڈرائیوروں نے خود   اُن کے گھروں میں لے جاکر اُسے واپس لوٹایا ہے، مگر پھر بھی آٹو ڈرائیوروں کے تعلق سے  عام لوگوں میں   یہ احساس پایا جاتا ہے کہ وہ ایماندار نہیں ہوتے۔ حالانکہ بھٹکل کے اکثر آٹو   رکشہ ڈرائیور بھی ایماندار ہیں۔

بھٹکل میں پیش آئی تازہ واردات کے بعد  پھر ایک بار یہ  ثابت ہوگیا کہ  ایماندار آٹو ڈرائیور  آج بھی پوری ایمانداری کے ساتھ اپنی ڈیوٹی نبھاتے ہیں اور کوئی مسافر رکشہ پر کوئی چیز بھول جائے  تو  اُن   کی چیزوں کو پوری حفاظت کے ساتھ اور امانت داری کے ساتھ واپس بھی  لوٹاتے ہیں۔

تازہ واردات   پیر کو بھٹکل میں پیش آئی جب ایک خاتون  اپنا پرس جس میں تین لاکھ سے بھی  زائد مالیت کے سونے کے زیورات تھے آٹو رکشہ پر   ہی بھول کر  اُترگئی، پرس لاپتہ ہونے کے بعد خاتون کو لگا کہ وہ اپنے زیورات کھوچکی ہے مگر   آٹو رکشہ ڈرائیور  ایماندار نکلا جس نے اُس کا پرس سیدھے بھٹکل ٹاون پولس اسٹیشن  لے جاکر پولس کے پاس پہنچادیا۔

ساحل آن لائن  سے گفتگو کرتے ہوئے خاتون نے بتایا کہ اُسے پتہ ہی نہیں چلا کہ اُس نے اپنا  پرس آٹو رکشہ پر ہی چھوڑ دیا ہے، کافی دیر بعد جب پتہ چلا کہ سونے کے زیورات والا   پرس  اُس کے پاس  نہیں  ہے تو  اُس کو یہی لگا کہ  اُس کے قیمتی زیورات  اب ملنا ممکن نہیں ہے،   مگر جب  شام چھ بجے  پولس اسٹیشن سے  فون موصول ہوا اور اُسے بتایا گیا کہ اُس کی ایک پرس  پولس تھانہ پہنچ گئی ہے اور اُس میں منگل سوتر اور دو سونے کے چین بھی ہیں تو اُسے حیرت کا جھٹکا لگ گیا۔

جی ہاں،  بھٹکل تعلقہ کے بیلکے کی رہنے والی جینتی جگدیش موگیر پیر کی دوپہر  قریب 2:30  بجے   بھٹکل شہر کے ڈاکٹر روی راج کی کلینک سے  اپنے گھر بیلکے جانے کے  لئے رکشہ پر سوار ہوئی تھی، اُس کے ہاتھ میں ایک پرس تھا جس میں اُس کا پان کارڈ سمیت  ایک منگل سوتر اور دو سونے کے  چین تھے۔   جینتی موگیر نے بتایا کہ پرس میں  تین لاکھ مالیت سے بھی  زائد  کے زیورات  تھے  جو  اُس نے غلطی سے آٹو پر ہی چھوڑ دیا تھا، شام کو جب پولس تھانہ سے فون موصول ہوا تو پتہ چلا کہ اُس کے زیورات محفوظ ہیں، اُس نے فورا ً اپنی جانب سے ایماندار آٹو ڈرائیور کو چھوٹا سا انعام دینے کا فیصلہ کیا اور سیدھے پولس تھانہ پہنچ گئی۔

بھٹکل کے اسسٹنٹ ایس پی نکھیل کو واقعے کی جانکاری ملتے ہی وہ بھی  پولس تھانہ پہنچے اور  آٹو ڈرائیور  انپّا منگلا گونڈا کو تھانہ بلا کر اُس کی ایمانداری  کی ستائش کی اور اُس کی شال پوشی کرنے کے ساتھ ساتھ اُسے پھولوں کا ہار بھی پہنایا ۔ اُسی کے ہاتھوں  جینتی موگیر کی پرس اُس کے زیورات سمیت اُسے لوٹائے گئے۔ اس موقع پر جینتی نےتمام چیزیں واپس لوٹانے پرنہایت خوشی کا اظہار کرتے ہوئے اپنی جانب سے  ڈرائیور کو   انعام  پیش کیا۔

ایک نظر اس پر بھی

بھٹکل میں غیر قانونی طور پر جمع کرکے رکھا گیا 57 کینٹل چاول ضبط

گھر میں جمع کرکے رکھا ہوا  قریب  56.70 کینٹل چاول  کو  محکمہ  محصولات کے آفسران نے چھاپہ مارتے ہوئے   ضبط کرلیا۔ جس کے تعلق سے آفسران کا کہنا ہے کہ یہ چاول انّا بھاگیہ منصوبہ کے تحت تقسیم کرنے والا چاول تھا، جسے  غیر قانونی طور پر تعلقہ کے ہنومان نگر میں واقع رام چندرا نائک کے ...

کاروار میں غیر ملکی کرنسی کے ساتھ 2لوگوں کی گرفتاری کا معاملہ: بھٹکل میں دوگھروں پر پولیس کا چھاپہ اور تلاشی

گوا سے کسی بھی قسم کے قانونی دستاویز کے بغیر بھاری مقدار میں غیر ملکی کرنسی کرناٹک میں لانے کے دوران کاروار بس اسٹانڈ سے 2ملزمین کو تین دن قبل گرفتار کیا گیا تھا۔اس سے متعلقہ تحقیقات کے ضمن میں کاروار اور بھٹکل پولیس کی ٹیم نے مشترکہ طورپر جمعرات کی شب میں بھٹکل کے دو مکانات پر ...

سابق ضلع انچارج وزیر اور رکن اسمبلی آر وی دیشپانڈے کا بھٹکل دورہ۔ کانگریسی لیڈران کے ساتھ میٹنگ

ہلیال حلقے سے رکن اسمبلی اور سابق وزیر آر وی دیشپانڈے اس وقت دھارواڑ، شمالی کینرا اور اڈپی ضلع کے دورے پر ہیں۔ جمعہ کے دن بھٹکل پہنچنے پر انہوں نے کانگریسی لیڈروں اورکارکنان کے ساتھ ایک ہوٹل میں ملاقات کی۔

سرسی میں شرح سے زائد سود وصولی پر پولس افسران کے ساتھ قرض داروں کی میٹنگ : مسلم عورتوں کی خاصی شرکت پر سوال

شہر میں  مائیکرو فائنانس کے نام پر غریب ،مجبور وبے سہارا افراد   کا استحصال کرنےو الی کمپنیوں کے خلاف قرضہ دار قرض ادا کرنے سے لاچاری ظاہر کرنےپر سرسی کے اسسٹنٹ کمشنر ڈاکٹر ایشور اُلاّگڈی نے پولس افسران کو ہدایات جاری کرتےہوئے کہاکہ کمپنی افسران اور قرض داروں کے ساتھ میٹنگ ...

بھٹکل: جانوروں کو چراکرلے جانے کے الزام میں گاڑی کو روک کر زبردست توڑپھوڑ

یہاں تعلقہ کے گورٹے میں ایک اِنّوا کار میں جانوروں کو بھر کر لے جانے  کا الزام عائد کرتے ہوئے کچھ ہندو تنظیموں نے کار کو زبر دستی روکا ، پھر اُس میں زبردست توڑ پھوڑ کرتے ہوئے اپنی سخت ناراضگی کا اظہار کیا۔ واقعہ آج جمعہ صبح کو پیش آیا۔

کاروار میں 47و یں نیشنل چلڈرنس سائنس کنونشن کا ہوگا انعقاد۔ دلچسپی رکھنے والے طلبہ توجہ دیں

نیشنل کاونسل فار سائنس اینڈ ٹیکنالوجی کمیونی کیشن، گورنمنٹ آف انڈیا، سائنس اینڈ ٹیکنالوجی ڈپارٹمنٹ، محکمہ تعلیمات عامہ، کرناٹکا کے اشتراک سے ضلعی ریاستی اور ملکی سطح بچوں کا سائنس کنونشن منعقد کیا جارہا ہے۔