ریاست میں کبھی ہار کا منھ نہ دیکھنے والے سیاسی لیڈروں کی ذلت بھری شکست

Source: S.O. News Service | By I.G. Bhatkali | Published on 24th May 2019, 7:56 PM | ساحلی خبریں | ریاستی خبریں |

بھٹکل 24/مئی (ایس او نیوز) ریاست کرناٹکا میں انتخابی میدان میں کبھی ہار کا منھ نہ دیکھنے والے چند نامورسیاسی لیڈران جیسے ملیکا ارجن کھرگے، دیوے گوڈا، ویرپا موئیلی اورکے ایچ منی اَپا وغیرہ کو اس مرتبہ پارلیمانی انتخاب میں انتہائی ذلت آمیز شکست سے دوچار ہونا پڑا ہے۔ 

 معروف سیاست داں ملیکا ارجن کھر گے کو کلبرگی علاقے میں ان کے اپنے سیاسی شاگرد ڈاکٹر امیش جادو(بی جے پی) کے سامنے 95,168 ووٹوں کی بھاری اکثریت سے شکست ہوئی ہے۔یہاں یہ بات یاد رکھنے کی ہے کہ اس سے قبل کھرگے مسلسل 11مرتبہ جیت درج کرتے رہے ہیں۔اسی طرح کولار میں بی جے پی امیدوار ایس منی سوامی کے مقابلے میں کے ایچ منی اپا کو 2لاکھ سے زیادہ ووٹوں سے ہتک آمیز شکست ہوئی ہے۔اس طرح آٹھویں مرتبہ پارلیمان میں داخل ہونے کا منی اپا کا خواب چکنا چور ہوگیا ہے۔

 معروف کانگریسی لیڈرسابق وزیراعلیٰ کرناٹکا ویرپا موئیلی کو چکبالاپور حلقے میں بی جے پی کے امیدوار بی این بچے گوڈا کے مقابلے میں 1.81لاکھ ووٹوں کے فرق سے ہار کا سامنا کرنا پڑا ہے۔اس کے علاوہ سابق وزیراعظم اورجنتادل ایس سپریموجیسے ایچ ڈی دیوے گوڈا کوٹمکورو میں اپنی ضد اور ہٹ دھرمی سے کانگریس کے ہاتھوں سے چھین کر لی گئی سیٹ پربی جے پی امیدوار جی ایس بسواراجو کے ہاتھوں 12,387ووٹوں سے شکست کا منھ دیکھنا پڑا۔جس کی وجہ سے دیوے گوڈا کے پانچویں مرتبہ پارلیمان میں داخلے کی راہ فی الحال بند ہوگئی ہے۔لیکن ہاسن سے جیت درج کرنے والے ان کے پوتے پرجاول ریونا نے جیت کے دوسرے دن ہی اعلان کردیا ہے کہ وہ اپنی سیٹ سے مستعفی ہوکر دیوے گوڈا کے لئے ہاسن سے جیتنے اور پارلیمان میں داخل ہونے کی راہ ہموار کرنے کے لئے تیار ہے۔

 چکوڈی حلقے سے انتخابی میدان میں اترنے والے کانگریس جے ڈی ایس کے مشترکہ امیدوار پرکاش ہوکیری کو بی جے پی امیدوار انّا صاحب جولّے کے ہاتھوں 1.16لاکھ ووٹوں سے شکست کھانی پڑی ہے۔پرکاش تیسری مرتبہ پارلیمان میں داخل ہونے کا خواب دیکھ رہے تھے۔بلاری کے ضمنی انتخاب میں زبردست جیت درج کرنے والے وی ایس اوگرپّا کو بی جے پی کے دیویندرپّا نے 55,707 ووٹوں سے شکست دی ہے۔جبکہ چامراج نگر میں آر دھرونارائین کو بی جے پی کے امیدوار وی شرینواس پرساد کے ہاتھوں صرف1,347ووٹوں سے ہار کا سامنا کرنا پڑا ہے۔

ایک نظر اس پر بھی

بھٹکل میں موسلادھار بارش؛ بندر روڈ پر کمپاونڈ کی دیوار گر گئی؛ بائک کو نقصان؛ بارش سے دو بجلی کے کھمبوں پر بھی درخت گرگئے

شہر میں گذشتہ کچھ دنوں سے بارش  کا سلسلہ جاری ہے، البتہ  پیر اور منگل کی درمیانی شب سے  آج منگل شام تک کافی اچھی بارش ریکارڈ کی گئی ہے، ایسے میں  شام کو  ایک مکان کے کمپاونڈ کی دیوار گرنے کی واردات بھی پیش آئی ہے۔

کاروار میں کرناٹکا جرنالسٹ یونین اترکنڑا کے زیراہتمام یکم جولانی کو ہوگا یوم صحافت کا ضلعی پروگرام

کرناٹکا جرنالسٹ یونین اترکنڑا ضلعی شاخ کے زیر اہتمام یکم جولائی کو ضلع پتریکابھون میں ’’یوم صحافت ‘‘ کا پروگرام منعقد کیا جائے گا جس میں سورنا نیوز کے کرنٹ آفیرس ایڈیٹر جئے پرکاش شٹی کو ہرسال دئیے جانے والا ’ہرمن موگلنگ ‘ریاستی ایوارڈ سے نوازا جائے گا۔

بھٹکل اور اطراف کے عوام توجہ دیں: دبئی اور امارات میں حادثات کے بڑھتے واقعات؛ ہندوستانی قونصل خانہ نے جاری کی سفری انشورنس کی ایڈوائزری

دبئی سمیت متحدہ عرب امارات کے مختلف شہروں اور قصبوں  میں  مختلف حادثات میں شدید  طور پر زخمی ہوکر اسپتالوں میں ایڈمٹ ہونے کی  تعداد میں  اضافہ کو دیکھتے ہوئے  اور اسپتالوں  میں اُن کا کوئی پرسان حال نہ ہونے  کے واقعات کا مشاہدہ کرنے کے بعد  ہندوستانی سفارت خانہ کی طرف سے  عرب ...

جانوروں پر حکومت کی مہربانی۔اب دوپہر 12تا3بجے کے دوران رہے گی کھیتی باڑی کی مشقت پر پابندی

کھیتی باڑی اور دیگر محنت و مشقت کے کاموں میں استعمال ہونے والے مویشیوں پر ریاستی حکومت نے بڑے مہربانی دکھاتے ہوئے ایک سرکیولر جاری کیا ہے کہ گرمی کے موسم میں تپتی دھوپ کے دوران دوپہر 12سے 3بجے تک کسان اپنے جانوروں کو کھیت جوتنے یا دوسرے مشقت کے کاموں میں استعمال نہیں کرسکیں گے۔

کاسرگوڈ میں جانور لے جانے کے الزام میں دو لوگوں پر حملہ؛ بجرنگ دل کارکنوں کے خلاف معاملات درج کرنے پر مینگلور کے قریب وٹلا اور بنٹوال میں بسوں پر پتھراو

پڑوسی ریاست کیرالہ کے  کاسرگوڈ میں جانور لے جانے کے الزام میں دو لوگوں پر حملہ اور لوٹ مار کی وارداتوں کے بعد پولس نے جب  بجرنگ دل کارکنوں کے خلاف معاملات درج کئے  تو  مینگلور کے قریب  وٹلا اور بنٹوال  میں  بسوں پر پتھراو اور توڑ پھوڑ کی واردات پیش آئی ہے۔ پتھراو میں   نو ...