ہبلی۔ انکولہ ریلوے لائن منصوبہ : عدالتی فیصلےکا ہوراٹا سمیتی نے استقبال کیا
کاروار:2؍ ڈسمبر(ایس اؤ نیوز) ہبلی۔ انکولہ ریلوے لائن منصوبے کو جاری کئےجانے سےجنگلی جانوروں پر ہونے والے اثرات کا مطالعہ کرنے ہائی کورٹ نے قومی وائلڈ لائف بورڈ کو حکم دینے پر ہبلی۔ انکولہ ریلوے ہوراٹا سمیتی نے استقبال کیا ہے۔
ہبلی ۔ انکولہ ریلوے لائن منصوبے کو ریاستی وائلڈ لائف بورڈ کی طرف سے ہری جھنڈی دکھائےجانےپر بیکار میں اعتراض جتاتے ہوئے چند لوگ عدالت گئے تھے۔ اب عدالت کی طرف سے صادر کئےگئے فیصلے سے ہماری کوششوں کو قوت ملنےکی بات سمیتی کے ذمہ داروں نےکہی ہے۔ اس سلسلےمیں سمیتی نے ریاستی وزیر اعلیٰ سے وقت مانگا ہے۔ وزیر اعلیٰ سےملاقات کے دوران وزیر اعلیٰ سے کہاجائے گا کہ منصوبے کو لےکر کئے گئے مطالعات میں سے مثبت رپورٹ قومی وائلڈلائف بورڈ کو سونپتے ہوئے منصوبے کے حق میں فیصلہ لانےکےلئے اقدام کریں۔ اور اس سلسلے میں مختلف پارٹیوں کے ارکان پارلیمان، ارکان اسمبلی اور اہم شخصیات سے ملاقات کرتےہوئے منصوبے کو نافذ کرنے میں مرکزی اور ریاستی حکومتوں سے حمایت لئے جانےکی ہبلی ۔ انکولہ ریلوے ہوراٹا سمیتی کے صدر رمانند نایک، سکریٹری وٹھل داس کامت ، سنچالک امیش نائک اور سمیتی کے سبھی عہدیداران موجود تھے۔
نگراں کاروزیر بھی خوش : ہبلی ۔ انکولہ ریلوے منصوبے کو لے کر ہائی کورٹ کی طرف سے صادر کئے گئے فیصلے پر اترکنڑا ضلع نگراں کار وزیر شیورام ہیبار نے خوشی کا اظہار کرتےہوئے فیصلہ کا استقبال کیا ہے۔
وزیرموصوف نے کہاکہ عدالت کا فیصلہ دراصل ہماری سب سے بڑی جیت ہے۔ ریاستی حکومت نے بھی اسٹے کو خارج کرانے کےلئے وکلاء نامزد کئے تھے۔ اب قومی وائلڈ لائف بورڈ کو بھی منصوبے سےہونے والے فوائد بتاکر ان کی حمایت حاصل کرنے کی کوشش کی جائے گی۔