کمپیوٹر کمپنی ایچ پی کی تنظیم نو، 9 ہزار ملازمتوں کی کٹوتیاں

Source: S.O. News Service | Published on 9th October 2019, 6:02 PM | عالمی خبریں |

 واشنگٹن  9اکتوبر (آئی این ایس انڈیا) کمپیوٹر، لیپ ٹاپ اور پرنٹر بنانے والی امریکی کمپنی ایچ پی اپنے ادارے کی تنظیم نو کے لئے تقریباً نو ہزار ملازمتیں ختم کر رہی ہے۔ اس سے بھارت میں بھی اس کی لگ بھگ 500 ملازمتیں ختم ہو جائیں گی۔اکنامک ٹائمز میں شائع ہونے والی ایک رپورٹ میں بتایا گیا ہے کہ ایچ پی کمپنی اپنے اخراجات میں کمی کے لیے سن 2022 تک عالمی سطح پر اپنے کارکنوں کی تعداد سات سے نو ہزار کے درمیان کم کرنے کی منصوبہ بندی کر رہی ہے۔ایچ پی نے اپنے ملازمتوں کی کٹوتی میں بھارت کو بھی شامل کیا ہے کیونکہ بھارت میں اس کے کمپیوٹروں کی فروخت گر رہی ہے۔کمپنی سے منسلک ایک عہدے دار نے اپنا نام صیغہ راز میں رکھنے کی شرط پر اکنامک ٹائمز کو بتایا کہ بھارت میں کارکنوں کی تعداد کم کی جا رہی ہے کیونکہ کمپیوٹر کے کئی ماڈلز ختم کر دیے گئے ہیں اور پرسنل کمپیوٹرز کی طلب مسلسل گھٹ رہی ہے۔ اسی طرح کمپیوٹرز کی خرید کے سلسلے میں حکومتی پراجکٹس میں بھی تسلسل نہیں ہے۔انہوں نے یہ نہیں بتایا کہ بھارت میں اس کے کارکنوں کی تعداد کیا ہے۔ تاہم مبصرین کا کہنا ہے کہ ملازمتوں کی کٹوتیوں کا سب سے کم اثر بھارت پر ہو گا۔چند روز پہلے ایچ پی کے سی ای او نے کہا تھا کہ کمپنی اس سال 9000 ملازمتیں ختم کرنے کے منصوبے پر کام کر رہی ہے۔کمپیوٹرز اور پرنٹرز کی معروف کمپنی 2022 تک اپنے اخراجات میں کمی کے لیے 16 فی صد کارکنوں کو فارغ کرنا چاہتی ہے۔یو ایس اے ٹو ڈے کی ایک رپورٹ میں بتایا گیا ہے کہ ایچ پی کے دنیا بھر میں کارکنوں کی تعداد 55000 کے لگ بھگ ہے جس میں سے وہ تقریباً 9000 ہزار کو نکال دے گی جس سے سالانہ ایک ارب ڈالر کی بچت ہو گی۔کمپنی اپنی تنظیم نو کے ایک تین سالہ منصوبے کو آگے بڑھا رہی ہے جس میں کیلی فورنیا میں اس کے مرکز سے 5000 ملازموں کی کٹوتیاں بھی شامل ہیں۔ 

ایک نظر اس پر بھی

دہلی تشدد، سی اے اے داخلی معاملہ، ہندوستان میں مسلمانوں سے تفریق نہیں ہوتی: ڈونلڈ ٹرمپ

امریکہ کے صدر ڈونلڈ ٹرمپ نے ہندستان میں مسلمانوں سے تفریق کئے جانے کے الزامات کو سرے سے خارج کرتے ہوئے شہریت ترمیمی قانون (سی اے اے) اور دہلی میں فرقہ وارانہ تشدد کو ہندستان کاداخلی معاملہ قرار دیتے ہوئے اس پر تبصرہ کرنے سے انکار کردیا۔

ڈونالڈ ٹرمپ نےسودے بازی کرنے میں مودی کو بتایا سخت ۔ ہند۔امریکہ کے درمیان 3/ارب ڈالر کے دفاعی معاہدوں کا اعلان

امریکی صدر ڈونالڈ ٹرمپ کا گجرات کے احمد آبادپہنچنے پر شاندار استقبال کیا گیا۔ وزیر اعظم نریندر مودی نے احمد آباد ہوائی اڈے پر امریکی صدر اور ان کی بیوی کا خیر مقدم کیا اور’نمستے ٹرمپ‘ پروگرام کے لئے موٹیر اسٹیڈیم کے راستے پر لوگ قطار میں کھڑے ہو کرہاتھوں میں ترنگا اور امریکی ...

سابرمتی آشرم میں ڈونالڈ ٹرمپ نے ’باپو‘ کا ذکر تک نہیں کیا

امریکہ کے صدر ڈونالڈ ٹرمپ نے سابرمتی آشرم پہنچ کر مہاتما گاندھی کو خراج عقیدت پیش کیا، لیکن حیرانی کی بات ہے کہ اس موقع پر انھوں نے باپو کا ذکر کرنا مناسب نہیں سمجھا۔ سابرمتی آشرم پہنچے ٹرمپ اور ان کی بیوی میلانیا کا استقبال ہندوستانی پی ایم نریندر مودی نے شال پیش کرتے ہوئے ...

افغانستان میں کرونا وائرس کے تین مریضوں کی نشاندہی

افغانستان میں صحت کے عہدے داروں نے بتایا ہے کہ ایران کی سرحد کے ساتھ واقع مغربی صوبے میں تین افراد کے بارے میں یہ شبہ ہے کہ وہ کرونا وائرس میں مبتلا ہو گئے ہیں۔ جب کہ ایران میں اس مہلک وائرس سے ہلاک ہونے والوں کی تعداد بڑھ کر کم ازکم 8 ہو گئی ہے۔