ٹیکساس،23؍ستمبر(ایس او نیوز؍ایجنسی)  امریکی ریاست ٹیکساس کے شہر ہیوسٹن میں اتوار کی رات ہندوستانی وقت کے مطابق ساڑھے آٹھ بجے ’ہائوڈی مودی‘ کا آغاز رنگا رنگ پروگرام سےہوا۔ اس میں شرکت کےلیے فٹ بال اسٹیڈیم این آر جی میں پچاس ہزار سے زائد افراد شریک تھے۔تقریب کا آغاز کیرتن سے ہوا ۔ اس کے بعد ثقافتی شو پیش کیا گیا جس میں گروانی، جنوبی ہند پروگرام، ایکلا چلو رے، گجراتی گربا وغیرہ پیش شامل تھا۔وزیر اعظم مودی ہندوستانی وقت کے مطابق ساڑھے نو بجے اسٹیڈیم پہنچے۔ یہاں پہنچنے پر پورا اسٹیڈیم ’مودی مودی‘ کے نعروں اور تالیوں کی گڑگڑاہٹ سے گونج اُٹھا۔ انہیں ’کی آف ہوسٹن‘ دے کر اعزاز بخشا گیا۔ہائوس لیڈر اسٹینی ہوئر نے گاندھی جی اور پنڈت جواہر لعل نہرو کے قول کا حوالہ دیتے ہوئے کہا کہ ہندوستان امریکہ کے درمیان اشتراک وتعاون کے بڑے امکانات موجود ہیں۔انہوں نے کہاکہ جمہوریت کمزوروں کو بھی طاقت ور لوگوں کے برابر موقع فراہم کرتی ہے۔ اس کے بعد وزیر اعظم نریند مودی او رامریکی صدر ٹرمپ نے شرکاء سے خطاب کیا۔ وزیر اعظم نریندر مودی نے کشمیر سمیت مختلف امور پر ہندوستان کا موقف واضح کیا۔ انہوں نے امریکہ میں مقیم ہندوستانیوں کو تلقین کی کہ وہ امریکیوں کے سامنے ہندوستان کی بہترین تصویر پیش کرے۔ یہ پہلا موقع ہے جب وزیر اعظم مودی اور امریکی صدر ایک ساتھ ہندوستانیوں سے خطاب کیا۔ ہیوسٹن کے بعد وزیر اعظم مودی نیویارک جائیں گے جہاں ۲۷ ستمبر کو اقوام متحدہ کے اجلاس میں شرکت کریں گے۔ جس وقت اسٹیڈیم میں وزیر اعظم مودی خطاب کررہے تھے۔