حوثی، سعودی عرب پر فوری حملے بند کریں: امریکا

Source: S.O. News Service | Published on 8th February 2021, 6:24 PM | خلیجی خبریں | عالمی خبریں |

دبئی،8 فروری (آئی این ایس انڈیا) امریکا نے حوثی ملیشیا سے مطالبہ کیا ہے کہ وہ یمن میں اپنی جارحانہ کارروائیاں اور سعودی عرب کے جنوبی علاقے میں سویلین اہداف کو نشانہ فوری طور پر بند کر دے۔

امریکی وزارت خارجہ کے بیان میں کہا گیا ہے کہ امریکی صدر یمن میں جنگ کے خاتمے کی کوششیں کر رہے ہیں۔ ادھر سعودی عرب نے بھی یمن بحران کے حل کی خاطر مذاکرات کی حمایت کی ہے، ایسے میں حوثیوں کے حملے جاری رہنے پر امریکا کو بہت تشویش ہے۔

امریکی دفتر خارجہ نے حوثیوں سے مطالبہ کیا ہے کہ سعودی عرب کے اندر عام شہریوں کو نشانہ بنانے کی خاطر کی جانے والی کارروائیاں فوری طور پر بند کرے اور یمن میں نئی فوجی کارروائیوں سے بھی گریز کرے کیونکہ ان کا یمنی عوام کی مشکلات میں اضافے کے سوا کوئی اور فائدہ نہیں۔

امریکی حکومت نے حوثیوں سے ایسے تمام اقدامات سے باز رہنے پر بھی زور دیا ہے جن سے خطے کے استحکام کو نقصان پہنچ رہا ہے۔ دفتر خارجہ نے حوثیوں سے کہا ہے کہ وہ یمن میں قیام امن کی خاطر اقوام متحدہ کے نمائندے مارٹن گریفتھس کی کوششوں کی حمایت کرے کیونکہ اس لڑائی کے خاتمے کے طریقوں پر غور کرنے کا وقت آ گیا ہے۔

ادھر اتوار کے روز امریکی وزارت خارجہ کے ترجمان سمیوئل ویرگ نے ’’العربیہ‘‘ کو بتایا کہ ان کا ملک ایران سے تمام آپشن کھلے رکھ کر بات کر رہا ہے۔ امریکا مذاکرات اور دباؤ دونوں کو ساتھ لےکر چل رہا ہے۔

انھوں نے کہا کہ ایران کے ساتھ جوہری معاہدے پر مذاکرات سے قبل امریکا یورپ اور مشرق وسطیٰ میں سعودی عرب سمیت اپنے حلیفوں سے مذاکرات کرنا چاہتا ہے۔

اتوار کے روز امریکی صدر جو بائیڈن نے ایک بیان کہا تھا کہ ہم ایران کو مذاکرات کی میز پر واپس لانے کی غرض سے تہران پر عائد پابندیاں ختم نہیں کر یں گے۔ انھوں نے امریکا کے اس موقف کا ایک مرتبہ پھر اعادہ کیا کہ تہران کو مذاکرات کی سمت واپسی سے قبل معاہدے کی تمام خلاف ورزیوں کارروائیوں کو ترک کرنا ہو گا۔

ایک نظر اس پر بھی

محفوظ عمرہ ماڈل کے نفاذ کے بعد 1 کروڑ افراد عمرہ ادا کر چکے ہیں : وزارت حج وعمرہ

سعودی وزارت حج و عمرہ کے اعلان کے مطابق محفوظ عمرہ ماڈل کے نفاذ اور عمرہ، نماز اور زیارت کی بتدریج واپسی کے بعد سے اب تک 1 کروڑ افراد کے لیے عمرے کی ادائیگی کو ممکن بنایا گیا۔ سال 1443 ہجری کے عمرہ سیزن کے آغاز کے ساتھ ہی مختلف ممالک کے لیے جاری عمرہ ویزوں کی تعداد 12 ہزار سے تجاوز کر ...

بھٹکل کمیونٹی جدہ کا سالانہ اجلاس؛ پروگرام میں "مرحوم زاہد رکن الدین ، ایک فرد ایک انجمن " کتاب کا بھی اجراء

بھٹکل مسلم کمیونٹی جدہ کا سالانہ اجلاس جمعرات مورخہ  26 اگست کو  جدہ کے گرین لینڈ  ہوٹل میں منعقد ہوا جس میں  جدہ جماعت سمیت بھٹکل مسلم خلیج کونسل کے سابق صدر مرحوم  سی اے زاہد رکن الدین صاحب کے  تعلق سے موصولہ تعزیتی قرار دادوں  اور تعزیتی خطوط پر مشتمل ایک کتاب "مرحوم زاہد ...

امریکہ اور فرانس میں تناؤ ٹرانس اٹلانٹک حکمت عملی کے لیے دھچکا

آسٹریلیا، برطانیہ اور امریکہ کے مابین نئے سہ فریقی سکیورٹی معاہدے پر فرانس کا ردعمل ٹرمپ کی صدارت کے دوران ایک امریکی اخبار کی طرف سے شائع ہونے والے ایک طاقتور کارٹون کو ذہن میں لاتا ہے، جب امریکی صدر کانگریس سے بچنے کے ایگزیکٹو آرڈر کے ذریعے حکمرانی کر رہے تھے۔

محفوظ عمرہ ماڈل کے نفاذ کے بعد 1 کروڑ افراد عمرہ ادا کر چکے ہیں : وزارت حج وعمرہ

سعودی وزارت حج و عمرہ کے اعلان کے مطابق محفوظ عمرہ ماڈل کے نفاذ اور عمرہ، نماز اور زیارت کی بتدریج واپسی کے بعد سے اب تک 1 کروڑ افراد کے لیے عمرے کی ادائیگی کو ممکن بنایا گیا۔ سال 1443 ہجری کے عمرہ سیزن کے آغاز کے ساتھ ہی مختلف ممالک کے لیے جاری عمرہ ویزوں کی تعداد 12 ہزار سے تجاوز کر ...

آسٹریلیا میں لاک ڈاؤن کی زبردست مخالفت، 270 مظاہرین گرفتار

آسٹریلیا کے میلبورن اور سڈنی میں لاک ڈاون مخالف ریلی کررہے تقریباً 270 لوگوں کو پولیس نے گرفتار کر لیا ہے۔ میڈیا رپورٹ کے مطابق پولیس نے ملبورن میں 235 اور سڈنی میں 32 لوگوں کو غیر قانونی طورپر لاک ڈاون مخالف ریلی نکالنے کے الزام میں گرفتار کیا ہے۔