سعودی عرب کی سمت بھیجا جانے والا حوثیوں کا ڈرون طیارہ تباہ کر دیا: عرب اتحاد

Source: S.O. News Service | Published on 7th February 2021, 10:41 PM | خلیجی خبریں |

ریاض،7فروری (آئی این ایس انڈیا)یمن میں آئینی حکومت کے حامی عرب اتحاد نے سعودی عرب کی سمت بھیجے جانے والے ایک دھماکا خیز ڈرون طیارے کو تباہ کر دینے کا اعلان کیا ہے۔

اتوار کی صبح عرب اتحاد کی افواج کے سرکاری ترجمان بریگیڈیئر جنرل ترکی المالکی نے اپنے بیان میں بتایا کہ آج علی الصبح دہشت گرد حوثی ملیشیا کی جانب سے بھیجے جانے والے ڈرون طیارے کو فضا میں تباہ کر دیا گیا۔ المالکی کے مطابق دھماکا خیز مواد سے بھرے اس ڈرون طیارے کو بھیجنے کا مقصد مملکت کے جنوبی حصے میں دانستہ اور منظم طور پر شہریوں کا نشانہ بنانا تھا۔

عرب اتحاد نے باور کرایا ہے کہ حوثی ملیشیا شہریوں کو نشانہ بنانے کی کوششوں کے ذریعے بین الاقوامی انسانی قانون کی دھجیاں اڑا رہی ہے۔ اتحاد کے مطابق مذکورہ خطرات کے ذرائع سے نمٹنے کے لیے بین الاقوامی انسانی قانون کے موافق عملی اقدامات کیے جا رہے ہیں۔

حوثی ملیشیا نے حملوں اور جاسوسی کے مقصد سے ڈرون طیاروں کے استعمال میں اضافہ کر دیا ہے۔ اقوام متحدہ کے ماہرین کے مطابق یہ ڈرون طیارے ان اجزاء کو جوڑ کر تیار کیے گئے ہیں جو یمن کے باہر سے آئے۔ یہ ڈیزائن اور صلاحیت کے اعتبار سے ایرانی ساختہ ڈرون طیاروں سے مطابقت رکھتے ہیں۔

ایک نظر اس پر بھی

محفوظ عمرہ ماڈل کے نفاذ کے بعد 1 کروڑ افراد عمرہ ادا کر چکے ہیں : وزارت حج وعمرہ

سعودی وزارت حج و عمرہ کے اعلان کے مطابق محفوظ عمرہ ماڈل کے نفاذ اور عمرہ، نماز اور زیارت کی بتدریج واپسی کے بعد سے اب تک 1 کروڑ افراد کے لیے عمرے کی ادائیگی کو ممکن بنایا گیا۔ سال 1443 ہجری کے عمرہ سیزن کے آغاز کے ساتھ ہی مختلف ممالک کے لیے جاری عمرہ ویزوں کی تعداد 12 ہزار سے تجاوز کر ...

بھٹکل کمیونٹی جدہ کا سالانہ اجلاس؛ پروگرام میں "مرحوم زاہد رکن الدین ، ایک فرد ایک انجمن " کتاب کا بھی اجراء

بھٹکل مسلم کمیونٹی جدہ کا سالانہ اجلاس جمعرات مورخہ  26 اگست کو  جدہ کے گرین لینڈ  ہوٹل میں منعقد ہوا جس میں  جدہ جماعت سمیت بھٹکل مسلم خلیج کونسل کے سابق صدر مرحوم  سی اے زاہد رکن الدین صاحب کے  تعلق سے موصولہ تعزیتی قرار دادوں  اور تعزیتی خطوط پر مشتمل ایک کتاب "مرحوم زاہد ...