ہوناور :23؍فروری(ایس اؤ نیوز)تعلقہ کے اڈگونجی گرام پنچایت حدود کے کیلگی اڈگونجی میں دیر رات ایک قدیم گھرجل کر خاکستر ہونے کا واقعہ پیش آیا ہے۔
آگ کی نذر ہوکر خاک ہونےو الے قدیم گھر میں کنَّے ہنمنت گوڈا، انییا سنکوس گوڈا، منجوسنکوس گوڈا اور گنپیا سات گوا نامی چار خاندان رہائش پذیر تھے۔ گھروالے گہری نیند میں تھے تو گھر میں آگ لگی اور گھر کے اندر موجود سبھی لوگ کرشماتی طورپر جان بچانے میں کامیاب ہونے کی ذرائع نے خبر دی ہے۔
تین منزلہ قدیم گھر کی چھت گھاس سے بنائی گئی تھی ، درختوں کے تختوں سے دیوار یں بنائی گئیں تھی ۔ابھی تک آگ لگنےکی کوئی واضح جانکاری نہیں ملی ہے، البتہ شبہ جتایاگیا ہےکہ شارٹ سرکیوٹ سے آگ لگی ہوگی۔ سونےکے زیورات ، کپڑے ، سپاری سمیت کل 60لاکھ روپیوں کے نقصان ہونے کا محکمہ تحصیل کے افسر اسماعیل خان نے اندازہ لگایا ہے۔ رکن اسمبلی سنیل نائک، سابق رکن اسمبلی منکال وئیدیا سمیت کئی لوگوں نے جائے وقوع پہنچ کر ملاقات کی ہے۔