ملک میں کہیں بھی قتل ہو تو مجرم پکڑے جاتےہیں لیکن بھٹکل ہوناور حلقہ میں قاتلوں کا پتہ کیوں نہیں چلتا ؟ منکال وئیدیا کا سوال

Source: S.O. News Service | By Abu Aisha | Published on 8th March 2019, 6:47 PM | ساحلی خبریں |

ہوناور:8 ؍مارچ (ایس او نیوز)  ملک کے کسی بھی کونے میں قتل ہوتا ہے تو مجرموں کو تلاش کرلیا جاتاہے اور اُسے پکڑ لیا جاتا ہے، لیکن بھٹکل ہوناور حلقہ میں کسی کا قتل ہوتا ہے تو اُن کے  قاتلوں کا پتہ ہی نہیں چلتا،  صرف اس اسمبلی حلقہ میں ایسا کیوں ہوتا ہے ؟ یہ سوال بھٹکل ۔ہوناور اسمبلی حلقہ کے سابق رکن اسمبلی منکال وئیدیا نے کیا۔ وہ یہاں ہوناور کے موڈگنپتی ہال میں منکی بلاک کانگریس صدر کی عہدہ منتقلی پروگرام میں خطاب کررہے تھے۔

 انہوں نے کہا کہ  ڈاکٹر چترنجن کا قتل ہوکر 20 سال کا عرصہ ہوچکا ہے،  تمپا نائک کا قتل دس برس پہلے ہواتھا، ہوناور میں پریش میستا کا قتل ہوکر ایک سال گذر چکا ہے، لیکن ابھی تک کسی بھی معاملے میں  قاتلوں کا سراغ نہیں لگا۔ قاتلوں کی گردن تک تحقیقاتی ایجنسیوں کا ہاتھ نہ پہنچ پانے سے اب تحقیقاتی ایجنسیوں پر سے بھی اعتماد اُٹھنے لگا  ہے۔  اب ایسا لگنے لگا ہے کہ انتخابات کے موقع پر ہی کسی نہ کسی  کو موت کے گھاٹ اُتارا جارہا ہے اور اسی کی بنیاد پر انتخابات جیتے جارہے ہیں۔

منکال وئیدیا نے  بی جے پی لیڈران پر جھوٹ بول کر عوام کو دھوکہ دینے اور  غلط اشتہاربازی کے ذریعے  انتخابات میں جیت حاصل کرنے کا الزام لگایا اور کسی کے  قتل پر سیاست کرکے اُس کا سیاسی فائدہ اُٹھانے کا الزام لگایا۔

بھٹکل کے سابق رکن اسبملی جے ڈی نائک نے بھی اس موقع پر خطاب کیا،خیال رہے کہ جے ڈی نائک گذشتہ اسمبلی انتخابات کے موقع پر بی جےپی میں شامل ہوئے تھے، پھر حال ہی میں انہوں نے  دوبارہ کانگریس میں شمولیت اختیار کی تھی۔  سابق وزیر آر این نائک نے بھی اپنے خیالات کااظہار کرتےہوئے کہاکہ نئے صدر کا انتخاب صرف عہدے کی منتقلی نہیں بلکہ بوتھ کی سطح پر پارٹی کو مضبوط کرنا ضروری ہے۔ ملک کے غریبوں ، دلتوں ، پسماندہ طبقات کو حقوق دینےو الے دستور کی تبدیلی کے لئے سرگرم قوتوں کے خلاف ووٹ کا استعمال کرنےکی انہوں نے  اپیل کی۔

منکی  بلاک کانگریس صدر چندر شیکھر گوڈا نے نومنتخب صدر گووند ایس نائک کو پارٹی پرچم تھماتے ہوئے عہدہ منتقل کیا۔ ڈائس پر بزرگ کانگریسی آر ایس رائیکر، ایس کے بھاگوت، دیپک نائک، سویتا گوڈا، پشپا جی نائک، الاس نائک، ہوناور بلاک کانگریس صدر جگدیپ تنگیری ، زکریا صاحب وغیرہ موجود تھے۔

یاد رہے کہ بھٹکل ہوناور ودھان سبھا حلقہ کے کانگریس امیدوار کی ہارکے بعد بھٹکل کے ساتھ ساتھ منکی بلاک کانگریس صدر چندر شیکھر گوڈا  نے بھی استعفیٰ دے دیا تھا۔ منکی میں ان کی جگہ پر اب بلاک کانگریس کے صدر کی حیثیت سے گووند نائک کو نامزد کیاگیا ہے۔ گوند ایس نائک نے  نے کانگریس کارکنوں کی موجودگی میں عہدہ سنبھالا۔ واضح رہے کہ اس سے قبل بھٹکل بلاک کانگریس صدر کے طور پر  ایڈوکیٹ سنتوش نائک کو نامزد کیا گیا تھا۔

ایک نظر اس پر بھی

بھٹکل میں مہرشی والمیکی جینتی پروگرام : وید اور پران کسی ایک طبقے تک محدود نہیں : جئے شری موگیر

مہرشی والمیکی نے سماج میں مساوات، بھائی چارگی ، آپسی اعتماد ، پیار و محبت پیدا کرنے والے مہان شخصیت تھے۔ وید اور پران کسی بھی ایک طبقے تک محدود نہیں ہونے کا اترکنڑا ضلع پنچایت صدر جئے شری موگیر نے خیال ظاہر کیا۔

بھٹکل کے وینکٹاپور برج پر لاریوں کی آپسی ٹکر : کوئی جانی نقصان نہیں

سامان سے لدی لاری اور مچھلی سپلائی سواری کے درمیان آپسی تصادم میں دونوں سواریوں کو شدید نقصان پہنچنے اور کرشماتی طورپر ڈرائیور اور کلینر بغیر کسی جانی نقصان سے عافیت پانے کا واقعہ سنیچر کی رات وینکٹاپور پُل پرپیش آیاہے۔

بھٹکل میں آدھار کارڈ کے سینٹرس تمام پنچایت دفتروں میں قائم کرنے کا مطالبہ لے کر کانگریس مائناریٹی کمیٹی کی جانب سے ڈپٹی کمشنر کو میمورنڈم

کانگریس ضلع مائناریٹی کمیٹی کی جانب سے ڈپٹی کمشنر کے نام ایک میمورنڈم دیا گیاجس میں مطالبہ کیاگیا ہے کہ آدھار کارڈ رجسٹریشن اور اس سے متعلقہ دوسری کارروائیوں کے لئے بھٹکل میں آدھار سنٹرز میں اضافہ کیا جائے اور تمام گرام پنچایتوں میں بھی ایسے سینٹرز قائم کیے جائیں۔

بھٹکل میں کی گئی شراب کا نشہ چھوڑنے والوں کی تہنیت

بھٹکل کے نسچل مکھی وینکٹر ا منا مندر میں اکھل کرناٹکا جن جاگرتی ویدیکے، دھرمستھلا گرام ابھیرودّی یوجنے بی سی ٹرسٹ (رجسٹرڈ)شمالی کینرااور کرناٹکا راجیہ مدھیہ پان سمیم منڈلی بنگلوروکے اشتراک سے ضلعی سطح پر گاندھی سمرتی، جن جاگرتی جتھا اور شراب کی لت چھوڑنے والوں کو تہنیت کا ...

کاروار میں مہرشی والمیکی جینتی پروگرام میں طلبا کی تہنیت : جدید ترقی نے زند گی کو بدل کررکھ دیا ہے : ڈی سی

بدلی ہوئی جدید زندگی میں لوگوں کے اصول واقدار میں بھی تبدیلیاں ہوئی ہیں۔ نئی نسل میں پہلے جیسے  بزرگوں کا احترام باقی نہیں رہا،نئی نسل کے نوجوان صرف  ظاہری اصولوں پر اکتفا کرنا افسوس ناک ہے۔ والدین خاص کر اس سلسلے میں نوجوانوں پر توجہ دے کر تربیت و رہنمائی کرنےکی اترکنڑا ضلع ...

ہوناور:قرض داروں کے تقاضے سے تنگ آکرآنگن واڈی کارکن خاتون نے کی خود کشی۔ ہراساں کرنے والوں کے خلاف قانونی کاروائی کا مطالبہ کرتے ہوئے احتجاجی مظاہرہ

بھاری شرح سود پرقرضہ دینے والوں کے تقاضے اور ہراسانی سے تنگ آکرکلسین موٹے کے مقام پر ایک آنگن واڈی کارکن نیتراوتی(31سال) نامی خاتون نے شراوتی ندی میں کود کرجمعہ کے دن خود کشی کرلی۔اس کے خلاف عوام نے تعلقہ اسپتال کے سامنے احتجاجی مظاہرا کرتے ہوئے مطالبہ کیا کہ قرض واپس لوٹانے کے ...