منکی میں مہاتما گاندھی گرام سوراجیا پروگرام کا افتتاح :ہندوتوا کے نام پر سیاست کرنےو الوں کو چترنجن، تمپانائک اور پریش میستا کا قتل سیاسی اشیاء ہیں : منکال وئیدیا کا خطاب
ہوناور:25؍ اکتوبر(ایس اؤ نیوز) ڈاکٹر چترنجن ، تمپانائک اور پریش میستا کےقتل بی جےپی کے لئے سیاسی اشیاء ہیں، یہ لوگ ہندوتوا کے نام پر سیاست کرتےہیں، آگے اب یہ لوگ اپنی سیاست کےلئے مزید کس کو استعمال کرتےہیں دیکھنا ہوگا۔ ان خیالات کا اظہار بھٹکل حلقہ کے سابق رکن اسمبلی منکال وئیدیا نے کیا۔
وہ یہاں ہوناور تعلقہ کے منکی بلاک کانگریس علاقے کے کاسرکوڈ اور کیلگی نور گرام پنچایت حدود میں منعقدہ مہاتماگاندھی گرام سوراجیا پروگرام کا افتتاح کرنےکے بعد خطاب کررہے تھے۔ انہوں نے ریاست کی بی جے پی حکومت پر جم کر تنقید کرتےہوئےکہاکہ ان تین برسوں میں گرام پنچایت کےلئے ایک بھی گھر منظور نہیں کیا گیا ہے، بی جےپی ہر طرف سے ناکام حکومت ثابت ہوئی ہے۔ اگر کسی کو گھر منظور ہوتاہے تو چند لوگوں کو روزگار ملتاہے ، یومیہ مزدوری ، پتھر کاٹنے والے ، آچاری ، ریت اس طرح کئی طریقوں سے چند لوگوں کو روزگار ملنے کا کا موقع ملے گا۔
بینک، ریلوے ، بی ایس این ایل سب ہاتھوں سے نکل چکے ہیں، بی جےپی والے کہتےہیں کہ کانگریس نے کچھ نہیں کیا ، پھر یہ سب کس نےکیاتھا۔ ہندوستان سے بھگانے کے لئے جس طرح انگریزوں کےخلاف جدوجہد کی گئی تھی اب ملک کے عوام کو چاہئے کہ بی جے پی کو بے دخل کرنےکےلئے بھی اسی طرح کی جدوجہد کی جائے۔ بلاک کانگریس صدر گووندنائک، گرام پنچایت صدر منجو گوڈا، تعلقہ پنچایت ممبر گنپیا گوڈا، صدر گنگادھر گوڈا، راجو نائک منکی، یوتھ کانگریس صدر ہریش گوڈا وغیرہ نے بھی اپنے اپنے خیالات کا اظہارکیا۔ جوجے فرنانڈیز، انپا نائک لیڈران ڈائس پر موجود تھے۔