ہوناور: حوصلہ مند خاتون پولس افسرکا تبادلہ نہ کیاجائے : جگدیپ تنگیری
ہوناور:28؍ ستمبر(ایس اؤ نیوز) اترکنڑا ضلع میں جاری تمام غیر قانونی کارستانیوں کو لگام کستےہوئے ، جرائم پرروک لگا کر عوامی امن ، اعتماد کوبحال رکھنے کےلئے دن رات محنت کرنے والی ، حوصلہ مند ، ایماندار ضلع ایس پی ڈاکٹر سمن پنیکر کو ضلع سے تبادلہ نہ کرنےکا ہوناور بلاک کانگریس صدر جگدیپ تنگیری نے ریاستی حکومت پرزور دیا ہے۔
پریس ریلیز جاری کرتےہوئے انہوں نےکہاہےکہ ایس پی سمن پنیکر کسی ڈر وخوف کے بغیر قانونی نظام پر عمل کرنےو الی ایک عورت ہیں ان کی خدمات کی ضلعی عوام ستائش کرتےہیں ۔ ضلع میں جاری کئی ایک غیر قانون دھندوں کو بند کرنےکے عوض انہیں کئی سماج دشمن عناصر کا سامنا ہے۔ اس طرح سماج دشمن عناصر ، سماج کے چند مفاد پرستوں اور سیاست دان آپس میں متحد ہوکر حکومتی سطح پر ایس پی کے تبادلے کی کوشش کرنا بہت ہی افسوس ناک ہونے کا بلاک کانگریس صدر جگدیپ تنگیری نے خیال ظاہرکیاہے۔ انہوں نے ایماندار افسر ایس پی ڈاکٹر سمن پنیکر کی خدمات ضلع کے لئےبہت ہی ضروری ہیں لہذا انہیں ضلع سے تبادلہ نہیں کئے جانےکا ریاستی حکومت پر زور دیا ہے۔