ہوناور میں آنگن واڑی کارکن کی خودکشی کا معاملہ : کلیدی ملزم وملانائک گرفتار
ہوناور:18؍اکتوبر(ایس اؤ نیوز) ہوناور تعلقہ کے کاسرکوڈ کی آنگن واڑی کارکن نیتراوتی امبیگا خود کشی معاملے میں کلیدی ملزم وملانائک کو پولس نے گرفتارکرلیا ہے۔ ملزم وملانائک اسی دیہات کی گرام پنچایت ممبر ہے۔
پولس تھانے میں درج کردہ شکایت میں الزام لگایا گیا تھا کہ وملانائک نے نیتراوتی کو سود دینے کے لئے ہراساں کیا تھا جسکی وجہ سے نیتراوتی نے خود کشی کی تھی ۔
ملزمہ کی گرفتاری کے لئے دو مرتبہ بڑے پیمانے پر احتجاج کیا گیا تھا۔لیکن ملزم لاپتہ ہونے کی وجہ سے 6دنوں تک گرفتاری نہیں ہوسکی تھی ، جب کہ پولس ملزم کی تلاش میں ممبئی تک جا کرآنےکی اطلاعات ہیں۔ اس کے بعدپولس نے جال بچھا کر ملزم کے تعلق سے ہر طرح کی جانکاری لینے لگی تو پتہ چلا کہ وہ تعلقہ سےباہر نہیں گئی ہے، اووپونے میں اپنے ایک رشتہ دار کے گھر میں ہی پناہ لینےکی مصدقہ خبر جب پولس کو ملی تو صبح سویرے انہیں گرفتارکرلیاگیا۔
بتایا گیا ہے کہ معاملے کی دوسری ملزم منگلا نائک کو پہلے ہی گرفتار کیاجاچکاہے۔ بھٹکل اے ایس پی نکھیل بی اور سرکل پولس انسپکٹر وسنت آچاری کی رہنمائی میں منکی پی ایس آئی نیتو گوڑے ، ہوناور پی ایس آئی ساویتری نایک اور دیگر عملہ اس کارروائی میں شریک تھا۔