سرسی11/جولائی (ایس او نیوز) سرسی کی ایک لڑکی ایک 60 سالہ تاجر کو ہنی ٹریپ میں پھنساکر برہنہ تصاویر سوشیل میڈیا پر عام کرنے کی دھمکی دینے اور لاکھوں روپے وصول کرنے والی لڑکی کو بنگلورو پولیس نے سرسی میں اس کے گھر سے گرفتا ر کرلیا ہے۔

موصولہ تفصیلات کے مطابق بنگلورو میں سونے کے زیورات کی دکان چلانے والے ایک شخص کے ساتھ سرسی کی اس لڑکی گزشتہ ایک سال سے دوستی کرلی۔ اس کے بعدکچھ مہینوں تک اس نے بنگلورو میں واقع اس شخص کی زیورات کی دکان پر نوکری کرلی۔ پھر نوکری چھوڑنے کے بعد اس نے اسی شخص کے ساتھ چکمگلورو میں واقع ایک ریسارٹ میں قیام کیا اور وہاں پر دونوں کی برہنہ تصویریں اتاریں۔ اس کے بعد سے اس لڑکی نے دونوں کی برہنہ تصویریں سوشیل میڈیا پر عام کرنے کی دھمکی دیتے ہوے مذکورہ تاجر کو بیلک میل کرنا شروع کیااورتقریباً15 لاکھ روپے وصول کرلیے۔جب اس نے مزید 10لاکھ روپوں کا مطالبہ کیا تو اس شخص نے پولیس کے پاس شکایت درج کروائی تھی جس پر کارروائی کے بعد ہنی ٹریپ کے ذریعے بلیک میل کرنے والی لڑکی کو گرفتار کرلیا گیا ہے۔