ہونڈا کے سرورس پر سائبر حملہ: بھارت، ترکی اور برازیل میں پلانٹس بند

Source: S.O. News Service | By INS India | Published on 10th June 2020, 8:40 PM | عالمی خبریں |

 لندن،10/جون (آئی این ایس انڈیا) گاڑیاں بنانے والی معروف بین الاقوامی کمپنی ’ہونڈا‘ نے سائبر حملوں کے بعد بھارت، ترکی اور برازیل میں اپنے پلانٹس بند کر دیے ہیں۔ ہونڈا کا کہنا ہے کہ مختلف ملکوں میں قائم اس کے پلانٹس پر سائبر حملے ہوئے ہیں اور کمپنی اس سے ہونے والے نقصانات کا اندازہ لگانے کی کوشش کر رہی ہے۔

ہونڈا کی ایک خاتون ترجمان نے بدھ کو خبر رساں ادارے’اے ایف پی‘ کو بتایا کہ رواں ہفتے کے آغاز میں کمپنی کے ’انٹرنل سرورز‘ پر سائبر حملے ہوئے تھے جن کے ذریعے کمپنی کے سسٹم میں وائرس داخل کیا گیا۔ ترجمان کا کہنا تھا کہ حملوں کے بعد ترکی میں قائم ’فور وہیل‘ گاڑیوں کا ایک پلانٹ اور بھارت اور برازیل میں موٹر سائیکلوں کے پلانٹ بند کیے گئے تھے جو تاحال بند ہیں۔ترجمان نے کہا کہ کمپنی سائبر حملوں کی تحقیقات کر رہی ہے۔میڈیا رپورٹس کے مطابق ’ہونڈا‘ کے 11 پلانٹس سائبر حملوں سے متاثر ہوئے ہیں جن میں امریکہ میں واقع پانچ پلانٹس بھی شامل ہیں۔ البتہ ہونڈا کی ترجمان کا کہنا ہے کہ امریکہ کے پانچوں پلانٹس دوبارہ فعال ہو گئے ہیں۔خیال رہے کہ کرونا کی وبا کے باعث پیدا ہونے والی صورتِ حال سے ’ہونڈا‘ سمیت دنیا بھر کی آٹو کمپنیاں بری طرح متاثر ہوئی ہیں۔ ایک طرف لاک ڈاؤن کے باعث گاڑیوں کی فروخت بری طرح متاثر ہوئی ہے تو دوسری طرف فیکٹریوں اور پلانٹس کی بندش نے بھی آٹو کمپنیوں کو خاصا نقصان پہنچایا ہے۔ ہونڈا کے مطابق کمپنی کو رواں سال مئی میں ہونے والا منافع مئی 2019 کے مقابلے میں 25.3 فی صد کم رہا تھا۔ اس صورتِ حال میں ہونڈا کے سرورز پر سائبر حملے کمپنی کے لیے مزید نقصان کا سبب بن سکتے ہیں۔البتہ ہونڈا کی ترجمان کے بقول ان حملوں سے کمپنی کے دنیا بھر میں پھیلے ہوئے کاروبار پر زیادہ اثر نہیں پڑے گا۔واضح رہے کہ کرونا وائرس کے بعد پیدا ہونے والی صورتِ حال میں سائبر حملوں کا خطرہ بڑھتا جا رہا ہے۔ کیوں کہ دنیا کی بیشتر معاشی سرگرمیاں آن لائن محدود ہو کر رہ گئی ہیں۔ رپورٹس کے مطابق عالمی سطح پر بھی سائبر حملوں میں اضافہ ریکارڈ کیا جا رہا ہے۔ مختلف ممالک بھی یا تو ایک دوسرے پر سائبر حملوں کا الزام عائد کر رہے ہیں، یا خود پر لگے الزامات کی تردید۔ کرونا وائرس پر تحقیق کرنے والے عالمی ادارے بھی سائبر حملوں سے محفوظ نہیں رہے۔

 

ایک نظر اس پر بھی

کرونا وائرس برطانوی معیشت کا پانچواں حصہ چٹ کر گیا

رواں سال کی دوسری سہ ماہی کے دوران برطانوی معیشت میں ریکارڈ گراوٹ نوٹ کی گئی ہے۔ کورونا وائرس کی وجہ سے کاروبار کو شدید نقصان ہوا ہے، جس کی وجہ سے ملک کو ریکارڈ کساد بازاری کا سامنا ہے۔برطانیہ کے قومی شماریاتی ادارے کی طرف سے بدھ کو جاری کیے گئے تازہ اعدادوشمار کے مطابق اپریل ...

فرانس کا ایران سے لبنان میں غیرملکی مداخلت بند کرنے کا مطالبہ

لبنانی دارالحکومت بیروت میں گذشتہ ہفتے ہونے والے قیامت خیز دھماکوں کے بعد فرانسیسی صدرعمانوئل میکروں نے بدھ کے روز اپنے ایرانی ہم منصب حسن روحانی سے ٹیلیفون پر بات چیت کی۔ انہوں‌ نے ایرانی صدر پر لبنان میں غیرملکی مداخلت بند کرنے پر اور دیا اور ساتھ ہی خبردار کیا کہ بیروت میں ...

لبنان کے مرکزی بنک کے گورنر 10 کروڑ ڈالر اثاثوں کے مالک

ایک میڈیا گروپ نے اپنی رپورٹ میں انکشاف کیا ہے کہ لبنان کے سنٹرل بینک کے گورنر کی ملکیت والی غیر ملکی کمپنیاں تقریبا10 کروڑ ڈالر کے اثاثوں کی مالک ہیں۔ یہ انکشاف ایک ایسے وقت میں سامنے آیا ہے جب لبنان کی معاشی بحران میں مرکزی بنک کے گورنر کو بھی ذمہ دار ٹھہرایا جا رہا ہے اور ان کے ...

مشرق وسطیٰ میں کسی بھی اشتعال انگیزی کا بھرپور جواب دیں گے: یونان

ترکی کی جانب سے بحیرہ روم میں تیل اور گیس کے وسائل کی تلاش کے لیے سمندری مشن بھیجے جانے کے بعد یونان اور ترکی کے درمیان کشیدگی میں اضافہ ہوا ہے۔ اسی تناظر میں یونان نے خبردار کیا ہے کہ مشرق وسطیٰ میں کسی بھی اشتعال انگیزی کا بھرپور جواب دیا جائے گا۔ ...

دیر الزور میں ٹارگٹ کلنگ پر قبائلی تشویش، ترکی، شامی فوج اور داعش پر الزام

شامی ڈیموکریٹک فورسز کے کنٹرول میں آنے والے علاقوں میں خاص طور پر ان علاقوں جنہیں عرب قبائل کی جانب سے نشانہ بنایا ہے میں قتل کے واقعات میں نمایاں اضافہ ہوا ہے۔ ان واقعات کے نتیجے میں 'داعش' کے خلاف امریکا کی قیادت میں قائم عالمی اتحاد اور قبائل کے درمیان تعلقات پر منفی اثرات پڑ ...