نئی دہلی، 22ستمبر (ایس او نیوز؍آئی این ایس انڈیا)سرحد پر گزشتہ سات برسوں میں فائرنگ اور جنگ بندی کی خلاف ورزی کے کتنے واقعات ہوئے اس ضمن میں اہم معلومات سامنے آئی ہیں۔اسے وزارت داخلہ نے شیئر کیا ہے۔بتایا گیا ہے کہ ان برسوں میں سرحد پر فائرنگ اور جنگ بندی کی خلاف ورزی کے 6942 معاملے سامنے آئے۔ان واقعات میں 90 سکیورٹی شہید اور 454 زخمی ہوئے۔یہ معلومات حکومت ہند کی طرف سے کارکن ڈاکٹر نوتن ٹھاکر کو دی گئی ہے۔انہوں نے یہ اطلاع مانگی تھی۔اطلاع کے مطابق سال 2013 سے اگست 2019 کے درمیان جموں کشمیر کے لائن آف کنٹرول اور بین الاقوامی سرحد پر 6942 سرحدپار فائرنگ اور جنگ بندی کی خلاف ورزی کے واقعات ہوئے ہیں۔نوتن نے 2013 سے اب تک پاکستان کی طرف بین الاقوامی سرحد پر کئے گئے حملوں اور فائرنگ کی معلومات مانگی تھیں۔واقعات میں شہید اور زخمی ہوئے سکیورٹی کی معلومات بھی طلب کی گئی تھیں۔وزارت داخلہ کی پبلک انفارمیشن آفیسر سلیکھاکی طرف سے دی گئی معلومات میں یہ بھی بتایا گیا کہ اس مدت میں فوج اورسرحدپروٹیکشن فورس کے 90 سکیورٹی شہید ہوئے جبکہ 454 زخمی ہوئے،سب سے زیادہ (2140) واقعات سال 2018 میں ہوئے، جبکہ اگست 2019 تک 2047 اور سال 2017 میں 971 حملے ہوئے۔سال 2013 میں 347 اور سال 2014 میں 583 حملے ہوئے تھے۔سکیورٹی کے لئے سب سے برا سال 2018 رہا۔اس میں 29 شہید اور 116 زخمی ہوئے۔سال 2016 میں 112 سکیورٹی اور سال 2017 اور 2019 میں اب تک 91 سکیورٹی ہلاک ہوئے۔سال 2013 میں 38 اور 2014 میں 33 سیکورٹی ہلاک ہوئے تھے۔