سری نگر میں 10000 لوگوں کے احتجاج کی خبروں کو وزارت داخلہ نے کیا مسترد
نئی دہلی، 10 اگست(ایس او نیوز/آئی این ایس انڈیا) سرینگر میں جمعہ کے موقع پر 10000 لوگوں کے احتجاج کرنے کی میڈیا رپورٹس کو وزارت داخلہ نے مسترد کیا ہے۔وزارت نے ایسی خبروں کو من گھڑت اور بے بنیاد قرار دیا ہے۔وزارت داخلہ کے ترجمان نے بیان جاری کرکے کہا کہ ہزاروں لوگوں کے خلاف مزاحمت کرنے کی خبریں غلط ہے۔وزارت نے کہا کہ جمعے کے موقع پر سری نگر اور بارہ مولہ میں چھٹ پٹ احتجاج ہوئے تھے، لیکن ان میں 20 سے زیادہ لوگ شامل نہیں تھے۔بتا دیں کہ ایک نیوز ایجنسی کی جانب سے جاری کی گئی خبر میں سرینگر میں جمعہ کے موقع پر 10000 لوگوں کے آرٹیکل 370 کے خلاف احتجاج کی بات کہی گئی تھی۔اس دوران حکومت نے عید کے موقع پر بھی جمعہ کی طرح ہی کسی حد تک سختی برقرار رکھنے کا فیصلہ لیا گیا ہے۔گھاٹی میں عید کے موقع پر مرحلہ وار طریقے سے دفعہ 144 کو ختم کیا جائے گا۔اگرچہ پابندیوں کو مکمل طور پر ہٹانے کی حالت 15 اگست کے بعد ہی پیدا ہوگی۔