دھوکہ بازوں کی جائیداد قرق کرنے کیلئے تمل ناڈو کی مانند قانون بنایاجائے گا: ایم بی پاٹل

Source: S.O. News Service | By Shahid Mukhtesar | Published on 16th June 2019, 12:44 PM | ریاستی خبریں |

بنگلورو،16؍جون (ایس او نیوز)آئی ایم اے گروپ آف کمپنیز کے کروڑ ہا روپئے دھوکہ دہی معاملہ سے متعلق تحقیقات کرنے حکومت نے خصوصی تحقیقاتی ٹیم (ایس آئی ٹی) تشکیل دی ہے۔ علاوہ ازیں ان اداروں کے تمام جائیداد قرق کرتے ہوئے تحویل میں لینے کیلئے متعلقہ محکموں کا تعاون لیا جائے گا۔ یہ باتیں ریاستی وزیرداخلہ ایم بی پاٹل نے کہیں۔ بروز ہفتہ ودھان سودھا میں اخباری نمائندوں سے بات چیت کے دوران ایم بی پاٹل نے کہا کہ کروڑوں روپئے گھوٹالہ کے ملزم جہاں کہیں بھی ہوان کو ڈھونڈ کر گرفتار کرنے کی ہدایت دی گئی ہے۔ اس معاملہ سے متعلق کل ایک اعلیٰ سطح کے افسروں کے اجلاس میں تبادلہ خیال کیا گیا۔ آئی ایم اے کے ڈائرکٹرز اوراہلکاروں کوحراست میں لے کر ایس آئی ٹی کے افسر پوچھ گچھ کررہے ہیں۔ انہوں نے مزید کہا کہ پڑوسی ریاست تمل ناڈو میں اس قسم کے دھوکہ باز ی کے واقعات پیش آنے پر متعلقہ افراد کی جائیداد قرق کرنے کااختیار وہاں کی پولیس کو دیا گیا ہے۔ اس طرح کا قانون ریاست میں بھی لانا زیر غور ہے۔ یہ ذمہ داری ریاستی چیف سکریٹری کودی گئی ہے۔ انہوں نے کہا کہ مالیاتی مسائل محکمہ پولیس کے دائرہ کار میں نہیں آتے۔ دھوکہ دہی،شکایت، ایف آئی آر درج کئے جانے کے بعد وہ معاملہ ہمارے پولیس محکمہ کے دائرہ کارمیں آتا ہے۔ انہوں نے کہا کہ اس قسم کی پونزی کمپنیاں مختلف محکموں کے ذریعہ اجازت حاصل کرکے کاروبار شروع کرتی ہیں۔ آئندہ اس قسم کا دھوکہ اور گھپلہ بازی نہ ہونے کیلئے اس قانون کے جاری کرنے کا فیصلہ کیا گیا ہے۔

 

ایک نظر اس پر بھی

گھوٹالہ باز جناردن ریڈی کی بی جے پی میں شمولیت مودی حکومت کے بدعنوانی ختم کرنے کے دعووں کی قلعی کھول رہی: کانگریس

کانگریس نے 35 ہزار کروڑ روپے کے غیر قانونی خام لوہا کانکنی گھوٹالہ کے ملزم جناردن ریڈی کے بی جے پی میں شامل ہونے پر آج زوردار حملہ کیا۔ کانگریس لیڈر پون کھیڑا نے نئی دہلی واقع کانگریس ہیڈکوارٹر میں ایک پریس کانفرنس سے خطاب کرتے ہوئے کہا کہ گھوٹالہ باز جناردن ریڈی کی بی جے پی ...

منگلورو میں 'جاگو کرناٹکا' کا اجلاس - پرکاش راج نے کہا : اقلیتوں کا تحفظ اکثریت کی ذمہ داری ہے 

'جاگو کرناٹکا' نامی تنظیم کے بینر تلے مختلف عوام دوست اداروں کا ایک اجلاس شہر کے بالمٹا میں منعقد ہوا جس میں افتتاحی خطاب کرتے ہوئے مشہور فلم ایکٹر پرکاش راج نے کہا کہ ایک جمہوری ملک میں اقلیتوں کو تحفظ فراہم کرنا اکثریت کی ذمہ داری ہوتی ہے ۔

تنازعات میں گھرے رہنے والے اننت کمار ہیگڈے کو مودی نے کیا درکنار

پارلیمانی الیکشن کے دن قریب آتے ہی اننت کمار ہیگڑے نے گمنامی سے نکل کر اپنے حامیوں کے بیچ پہنچتے ہوئے اپنے حق میں ہوا بنانے کے لئے جو دوڑ دھوپ شروع کی تھی اور روز نئے متنازعہ بیانات  کے ساتھ سرخیوں میں بنے رہنے کی جو کوششیں کی تھیں اس پر پانی پھِر گیا اور ہندوتوا کا یہ بے لگام ...

لوک سبھا انتخابات میں بی جے پی نے اننت کمار ہیگڈے کو دکھایا باہرکا راستہ؛ اُترکنڑا کی ٹکٹ کاگیری کو دینے کا اعلان

اپنے کچھ موجودہ ممبران پارلیمنٹ کو نئے چہروں کے ساتھ تبدیل کرنے کے اپنے تجربے کو جاری رکھتے ہوئے، بی جے پی نے سابق مرکزی وزیر اور اُتر کنڑ اکے ایم پی، اننت کمار ہیگڑے کو باہر کا راستہ دکھاتے ہوئے  آنے والے لوک سبھا انتخابات میں  ان کی جگہ اُترکنڑا حلقہ سے  سابق اسمبلی اسپیکر ...

ٹمکورو میں جلی ہوئی لاشوں کا معاملہ - خزانے کے چکر میں گنوائی تھی  تین لوگوں نے جان

ٹمکورو میں جلی ہوئی کار کے اندر بیلتنگڈی سے تعلق رکھنے والے تین افراد کی جو لاشیں ملی تھیں، اس معاملے میں پولیس کی تحقیقات سے اب یہ بات سامنے آئی ہے کہ خزانے میں ملا ہوا سونا سستے داموں پر خریدنے کے چکر میں ان تینوں نے پچاس لاکھ روپوں کے ساتھ اپنی بھی جانیں گنوائی تھیں ۔