بھٹکل میں نجی اسپتال کی نرس کو لگ گیا کورونا کا مرض۔ایس ایس ایل سی کی طالبہ نرس کی بیٹی کو کیا گیا ہوم کوارنٹین
بھٹکل،4؍جولائی (ایس او نیوز) ایک نجی اسپتال میں خدمات انجام دینے والی نرس کو کووِڈ کا مرض لاحق ہونے کے بعدایس ایس ایل سی کا امتحان دے رہی اس کی بیٹی کو امتحان سے باز رکھتے ہوئے ہوم کوارنٹین کیا گیا ہے۔
اس نرس کی جانچ رپورٹ پوزیٹیو آنے سے قبل اس کی بیٹی نے امتحانی مرکز کے جس کمرے میں امتحان دیا تھااس میں بھٹکل تعلقہ کی دیگر 19 اسٹوڈنٹس بھی تھے۔ محکمہ صحت کے افسران ان تمام کی نگرانی کررہے ہیں۔ واقعے کی جانکاری کے بعد اسٹوڈنٹس کو دو گروپوں میں تقسیم کرکے الگ الگ کمروں میں امتحان کے لئے موقع دیا گیا جبکہ نرس کی بیٹی کو امتحان دینے سے باز رکھتے ہوئے ہوم کوارنٹین کردیا گیا ہے۔اس کوسرکاری قانون کے مطابق بعد میں امتحان دینے کا موقع فراہم کیا جائے گا۔