بھٹکل : کنٹینمنٹ علاقوں میں گھر گھر پہنچ کر کیا جارہا ہے کووڈ ٹیسٹ

Source: S.O. News Service | Published on 19th June 2021, 11:37 AM | ساحلی خبریں |

بھٹکل ،19؍ جون (ایس او نیوز) بھٹکل تعلقہ میں کووڈ معاملات میں روز بروز کمی آتی جارہی ہے، اس کے باوجود تعلقہ انتظامیہ کی جانب سے اس پر قابو پانے کے اقدامات مسلسل کیے جارہے ہیں۔
    
تازہ اقدام کے طور پر شہر کے کنٹینمنٹ علاقوں میں گھر گھر پہنچ کر کووڈ ٹیسٹ کرنے کی مہم چلائی جارہی ہے۔ کل ٹی ایم سی حدود میں واقع منکولی علاقے میں محکمہ صحت کے عملہ نے لوگوں کے گھروں تک جا کر کووڈ جانچ کی کارروائی انجام دی۔ اس موقع پر ٹی ایم سی کے چیف آفیسر دیوراجو نے بتایا کہ شہری علاقے میں کورونا معاملات کم ہیں ، اس کے باوجود کنٹینمنٹ علاقوں میں جانچ کا کام کیا جارہا ہے۔ گزشتہ ہفتہ چوتھنی کے علاقے میں یہ کارروائی کی گئی تھی۔ جن وارڈس میں زیادہ معاملے سامنے آئے ہیں وہاں لازمی طور پر گھروں تک پہنچ کر جانچ کا کام کیا جائے گا۔
    
اس کارروائی میں ٹی ایم سی اسٹاف کرن، اودئے، محکمہ صحت کے کارکنان، آشا کارکنان اور پولیس عملہ وغیرہ موجود تھے۔

ایک نظر اس پر بھی

بھٹکل اور ہوناور میں جماعت اسلامی ہند کے زیراہتمام ’سوہاردا افطار کوٹا‘کاانعقاد: برادران وطن نے کیا مسجد اور نماز کا بھی  نظارہ

جب ہم آپس میں ایک دوسرے سے ملتےہیں ، بس میں سفر کرتےہیں تو دنیا بھر کی باتیں کرتے ہیں، سیاست، معیشت، تجارت، بازار وغیرہ پر بہت ساری باتیں کرتےہیں جب کبھی مذہب کے متعلق بات کریں تو فوراً ٹوک دیتے ہیں کہ نہیں صاحب ہم سب آپس میں اچھے ہیں یہ مذہب کی باتیں کیوں؟ ۔ جب کہ سچائی یہ ہے کہ ...

انکولہ میں ڈاکٹر انجلی نے بی جے پی پر کیا طنز : مجھے بیرون ضلع کی کہنے والوں کو میرے حلقے میں آنا ہی ہوگا 

انکولہ کے ناڈ ور ہال میں منعقدہ انتخابی تیاریوں کے جائزاتی اجلاس سے خطاب کرتے ہوئے اتر کنڑا حلقے کی امیدوار ڈاکٹر انجلی نمبالکر نے بی جے پی کو آڑے ہاتھوں لیتے ہوئے کہا مجھے اتر کنڑا ضلع سے باہر کی امیدوار بتانے والی بے جے پی کو بھی میرے حلقے میں آنا ہی ہوگا ۔ انہیں شائد پتہ نہیں ...

کمٹہ میں ڈی کے شیوکمار نے کہا : دھرم کسی کی جائداد نہیں ہے ۔ بھگوان کو سیاست میں استعمال کرنا ناقابل معافی ہے

پارلیمانی انتخاب کی تیاریوں کے سلسلے میں کمٹہ میں منعقدہ  جائزاتی اجلاس سے خطاب کرتے ہوئے کے پی سی سی صدر اور نائب وزیر اعلیٰ ڈی کے شیوا کمار نے کہا کہ ہمارا یقین یہ ہے کہ دھرم چاہے جو بھی اس کا نظریہ ایک ہی ہے ، نام چاہے سیکڑوں ہوں ، مگر بھگوان ایک ہی ہے اور پوجا جیسی بھی ہو، ...

بھٹکل شمس الدین سرکل کے قریب بس اور آٹو رکشہ کی ٹکر؛ آٹو ڈرائیور شدید زخمی

  قلب شہر شمس الدین سرکل کے قریب  پرائیویٹ بس اور آٹو کی ٹکر میں آٹو ڈرائیور شدید زخمی ہوگیا جسے   بھٹکل سرکاری اسپتال میں ضروری طبی امداد فراہم کرنے کے بعد زائد علاج کے لئے کنداپور  لے جایا گیا ہے۔ زخمی ڈرائیور کی شناخت جامعہ آباد روڈ، ماسٹر کالونی کے رہائشی  محمد سُہیل ...