جے اسلم باشاہ نے کہا؛ ہندوستان ہندوؤں کا نہیں بلکہ ہندوستانیوں کا ہے، حکومت کا مسلم خواتین کے تحفظ کا دعوی کرنا مضحکہ خیز

Source: S.O. News Service | By I.G. Bhatkali | Published on 30th December 2018, 8:33 PM | ملکی خبریں | ان خبروں کو پڑھنا مت بھولئے |

چنئی 30/ڈسمبر ( پریس ریلیز/ایس او نیوز)تمل ناڈو کانگریس کمیٹی اقلیتی شعبہ کے ریاستی چیئرمین و آل انڈیا کانگریس کمیٹی رکن ڈاکٹر جے اسلم باشاہ نے اپنے جاری کردہ اخباری اعلامیہ میں لوک سبھا میں طلاق ثلاثہ بل منظور کئے جانے کے تعلق سے اپنا ردعمل ظاہر کرتے ہوئے کہا  کہ 56 ماہ کی نریندرمودی حکومت تمام شعبوں میں ناکام ہوکر عوام کی ناراضگی کا شکار ہے۔ایسی  صورتحال میں بی جے پی نے آر ایس ایس کی شاباشی حاصل کرنے کیلئے طلاق ثلاثہ بل کو غیر ضروری عجلت میں منظور کیا ہے ۔

انہوں نے کہا کہ طلاق ثلاثہ بل منظور کرنے والی نریندر مودی حکومت کو شہری حقوق کے نفسیات تک کی پہچان نہیں ہے کہ کسی کو مار کر رلایا تو جاسکتا ہے لیکن ہنسایا نہیں جاسکتا ۔ڈاکٹر جے اسلم باشاہ نے مزید کہا کہ ماضی میں راجا رام موہن رائے،ایس ایم نرسمہم،پی وینکٹ راما شاستری،دیش مک اگرکار،جیوتی با پھولے،ساوتری بائی،ڈاکٹر امبیڈکر ،پریار راما سوامی،ڈاکٹر متو لکشمی ریڈی،سوامی راما لنگر،بسویشورا نارائن گرو ،جیسے اصلاح کاروں نے تنگ مذہبی نظریات کے خلاف جب تحریک چھیڑی تھی تو انہوں نے اسلامی مذہبی قوانین کی کبھی  بھی تنقید نہیں کی،  بلکہ انہوں نے  عصر حاضر کے شہری حقوق قوانین کے مقابلے میں اسلامی قوانین کو قابل قبول قرار دیا۔ مگر اسلام کی ترقی پسند قوانین پر دخل اندازی کرکے نریندر مودی حکومت نے ثابت کردیا ہے کہ وہ ایک رجعت پسندمذہبی بنیاد پرست ہیں۔

کشمیر کے ایک مندر کے اندر ایک معصوم بچی آصفہ کو سات دن تک بند کرکے اس کی عصمت ریزی کرکے اس کا قتل کرنے والے،گائے کا گوشت رکھنے کے جھوٹے الزام میں معصوموں کا قتل کرنے والے،مردہ گائے کا چمڑی نکالنے کے جرم میں دلتوں کا قتل کرنے والے، فرضی انکاؤنٹرکے ذریعے بے گناہوں کا قتل کرنے والے اور ملک بھر میں اقلیتوں کے خلاف لگائے گئے جھوٹے الزامات سے اقلیتوں کو تحفظ فراہم کرنے سے قاصر رہی نریندر مودی حکومت پر جے اسلم بادشاہ نے جم کر حملہ کیا اور کہا کہ  ایسی حکومت کا  مسلم خواتین کا تحفظ کرنے کی بات کرنا مضحکہ خیز ہے۔

انہوں نے مزید کہا  کہ پارٹی میں اپنا اثر و رسوخ کھونے والے اور عوام کی نفرت کے شکار بنے نریندرمودی اپنی ساکھ کو برقرار رکھنے کیلئے اس طرح کے مسودہ کو  منظور کرکے آر ایس ایس جیسے بنیادپرستوں کی نظروں میں اچھا بننے کی کوشش کررہے ہیں۔ وہ دن دور نہیں ہے کہ ہندوستا ن کے عوام نریندر مودی کو سمجھائیں گے کہ ہندوستان ہندوؤں کا ملک نہیں ہے بلکہ ہندوستانیوں کا ملک ہے اور تمام سیکولر ہندوستانی مل کر ذات پات ، مذہبی اختلافات سے پرے ایک سیکولربھارت کی تعمیر کریں گے۔ 

ایک نظر اس پر بھی

بہار: ٹرانسپورٹروں سے ساز باز کے الزام میں 13 پولس افسران سمیت 45 جوان معطل

بہا رمیں ٹرانسپورٹروں سے ساز باز کر کے امتناع کے باجود دار الحکومت پٹنہ کے مہا تما گاندھی سیتو سے ریت ، پتھر ، گٹی اور تعمیراتی اشیاءلدی ٹرکوں کی آمدورت کی اجازت دینے کے الزام میں تیرہ پولیس افسران سمیت 45 جوانوں کو معطل کر دیا گیا ہے ۔

دہلی: کانگریس دفتر میں منایا گیا مولانا ابوالکلام آزاد کا یوم پیدائش

 مولانا ابو الکلام آزاد کے یوم پیدائش پر آج دہلی پر دیش کانگریس دفتر میں منعقد پروگرام میں آج ریاستی صدر سبھاش چوپڑہ نے ان کی تصویر پر پھول چڑھاکرانہیں خراج عقیدت پیش کی۔پروگرام میں موجود کانگریس کارکنان نے بھی مولانا آزاد کی تصویر پر پھول چڑھائے۔

بھٹکل میں واقع کتّور چنّما رہائشی اسکول کے 2اساتذہ کو ملا اعزاز

ضلع شمالی کینرا کے ہائی اسکول ہیڈماسٹروں اور کمپوزٹ پی یو کالجوں کے پرنسپالوں کی تنظیم کی طرف سے ہوناور میں منعقدہ تعلیمی کانفرنس و تہینتی اجلاس کے دوران بھٹکل تعلقہ کے کتور چنمارہائشی اسکول کے ۲ اساتذہ کی تہنیت کی گئی اور انہیں اعزاز سے نوازا گیا۔

گریٹر نوئیڈا میں دو سڑک حادثوں میں 10 کی موت، ایک ہی خاندان کے تھے 6 لوگ

مغربی یوپی کو ہریانہ سے جوڑنے والے ایسٹرن پیرفیرل ایکسپریس وے پر اتوار دیر رات ہوئے حادثہ میں 6 لوگوں کی موت ہو گئی۔مرنے والوں میں 2 خواتین اور 2 بچے بھی شامل ہیں۔اس کے علاوہ 8 لوگ بری طرح زخمی ہوئے ہیں۔یہ حادثہ گریٹر نوئیڈا کے تھانہ مقام 5 علاقے میں ہوا۔

اسپین میں جنسی تعلقات کے ذریعہ ڈینگو پھیلنے کا انکشاف

ڈینگو کے بارے میں عام خیال یہی ہے کہ یہ صرف مچھروں کے ذریعے انسانوں میں پھیلتا ہے لیکن اسپین کے محکمہ صحت نے جنسی تعلقات کے ذریعے ایک شخص کے ڈینگو سے متاثر ہونے کی تصدیق کی ہے۔اب تک سامنے آنے والا یہ دنیا کا اپنی نوعیت کا پہلا کیس ہے۔ اسپین کے دارالحکومت میڈرڈ کے علاقائی محکمہ ...

مہاراشٹرا کی سیاست میں زبردست گہماگہمی ؛ شیوسینا کے واحد مرکزی وزیر اروند ساونت نے مودی کابینہ سے دیا استعفی؛ کیا ٹوٹے گا شوسینا ۔ بی جے پی اتحاد؟

مہاراشٹر میں حکومت تشکیل کرنے کو لے کر شیوسینا اور بھارتیہ جنتا پارٹی (بی جے پی) میں جاری تنازعہ گہرا ہونے کے بعد شیوسینا نے پیر کو مرکز میں حکمراں این ڈی اے سے الگ ہونے کا من بنا لیا ہے، ساتھ ہی شیوسینا کے مرکزی وزیر اروند ساونت نے استعفی دینے کا اعلان کیا ہے۔

ہندوستان نے بنگلہ دیش کو آخری ٹی ٹونٹی میچ میں 30 رنز سے شکست دے کر سیریز 2-1 سے اپنے نام کر لی ، دیپک چھاہر کی ریکارڈ ساز باؤلنگ

ہندوستان  نےبنگلہ دیش کو تیسرے اور آخری ٹی ٹونٹی انٹرنیشنل کرکٹ میچ میں 30 رنز سے شکست دے کر سیریز 2-1 سے اپنے نام کر لی۔ بنگلہ دیشی ٹیم 174 رنز کے ہدف کے تعاقب میں آخری اوور کی دوسری گیند پر 144 رنز بنا کر آؤٹ ہو گئی۔ محمد نعیم کی 81 رنز کی اننگز بھی ٹیم کو شکست سے نہ بچا سکی، ...