ہبلی : ٹیپو جینتی کے بعد سری رام سینا نے عید گاہ میدان پر چھڑکا گائے کا پیشاب
ہبلی ،12؍ نومبر (ایس او نیوز) عید گاہ میدان میں ٹیپو جینتی منائے جانے کے بعد شری رام سینا نے وہاں پر کنکا جینتی منانے کی اجازت مانگی تھی اور میونسپل کاپوریشن نے انہیں 3 گھنٹے تک پروگرام چلانے کی اجازت دی تھی ، جس کے بعد سری رام سینا چیف پرمود متالک نے ٹیپو جینتی کی وجہ سے میدان ناپاک ہونے کی بات کہتے ہوئے وہاں پر گائے کا پیشاب چھڑک کر اسے پاک یا شدھ کرنے کی کارروائی انجام دی ہے۔
کنکا جینتی منانے کے لئے شری رام سینا کے کارکنان نے میدان میں پنڈال لگایا تھا ۔ پروگرام کے آغاز سے قبل میدان میں گائے کے پیشاب کا چھڑکاو کرتے ہوئے پرمود متالک نے کہا کہ ٹیپو ایک مذہبی جنونی تھا اور اس کی جینتی منانے کی وجہ سے میدان ناپاک ہوگیا تھا۔
ترقی پسند دانشوروں کی طرف سے سری رام سینا کے اس اقدام کی سخت مذمت کی جا رہی ہے ۔