بنگلور 18/مئی (ایس او نیوز) کرناٹک میں پیر کو ایک ہی دن اب تک کے سب سے زیادہ یعنی 99 کورونا پوزیٹو کیسس سامنے آیئے ہیں جس سے پوری ریاست میں تشویش کی لہر دوڑ گئی ہے۔ آج کے کیسس کے ساتھ ہی  کرناٹک میں کورونا کے معاملات بڑھ کر 1246 ہوگئی ہے۔ اس میں سے  678 کیسس ایکٹیو ہیں اور ان کا مختلف اسپتالوں میں علاج جاری ہے جبکہ 530 لوگ اب تک اسپتالوں سے رخصت ہوچکے ہیں اور کووید سے 37 کی موت بھی ہوچکی ہے۔

آج جو 99 کورونا کے معاملات سامنے آئے ہیں، اُس میں سب سے زیادہ کیسس بنگلور (اربن) کے ہیں جہاں 24 کورونا پوزیٹو کیسس پائے گئے ہیں۔ منڈیا میں 17، اُترکنڑا میں 9، رائچور میں 8، گدگ، یادگیر اور بیجاپور میں 5، ہاسن میں 4, کوپل میں 3، بیلگاوی میں 2 اور میسور، کورگ، بیدر، بیلاری ، داونگیرے میں ایک ایک کیسس آئے ہیں۔

آج جو معاملات سامنے آئے ہیں، زیادہ تر لوگ ممبئی اور چینائی سے لوٹ کر آئے تھے، جبکہ تھوڑے لوگ کنٹیمنٹ زون کے کورونا سے متاثرہ لوگوں کے سکینڈری رابطے والے ہیں۔