مینگلور کے قریب سولیا میں ہائی ٹینشن الیکٹرک کیبل کی زد میں آکر بائک کے ساتھ بائک سوا ر بھی جل کرخاکستر
مینگلور 11/اگست (ایس او نیوز) ضلع دکشن کنڑا کے سولیا میں کلّیری نامی علاقے میں آج منگل صبح 5.30بجے پیش آئے ایک انتہائی دردناک حادثہ میں دو لوگ موقع پر ہی جل کر ہلاک ہوگئے جن میں ایک شناخت اُمیش (45) کی حیثیت سے کی گئی ہے، جبکہ بائک کی پچھلی سیٹ پر سوار اس کے ساتھی کا نام معلوم نہ ہوسکا۔
بتایا گیا ہے کہ اومیش جس راستے سے گزررہا تھا وہاں پر ہائی ٹینشن وائر لٹک رہی تھی۔ انجانے میں وہ اپنی بائک کے ساتھ اس کیبل کی لپیٹ میں آگیا اور پلک جھپکتے میں آگ کے شعلوں میں گر گیا۔ اومیش اس قدر جل گیاتھا کہ اس کو پہچاننا مشکل ہوگیا۔