لکھنؤ،20؍اپریل (ایس او نیوز؍ایجنسی)  اتر پردیش حکومت نے پیر کی شام الہ آباد ہائی کورٹ کی اس ہدایت پر عمل درآمد سے انکار کر دیا جس میں ریاست کے پانچ اہم شہروں لکھنؤ، الہ آباد، ورارانسی، کانپور اور گورکھپور میں گزشتہ شب سے 26 اپریل تک لاک ڈاؤن نافذ کر کو کہا گیا ہے۔ کورونا کیسز میں تیزی سے ہو رہے اضافہ کے درمیان ہوئی کورٹ نے یہ حکم جاری کیا تھا۔

الہ آباد ہائی کورٹ کے لاک ڈاؤن نافذ کرنے کے حکم پر یوپی حکومت نے کہا ہے کہ وہ اس حکم پر عمل نہیں کرے گی کیونکہ اسے لوگوں کی زندگی کے ساتھ ان کے ذریعہ معاش کی بھی حفاظت کرنی ہے۔ یوپی حکومت نے کہا ہے کہ شہروں میں فی الحال ’مکمل لاک ڈاؤن‘ نافذ نہیں کیا جائے گا۔

عدالت عالیہ نے ریاستی حکومت کو یہ یقینی بنانے کی ہدایت دی تھی کہ دوا کی دکانوں کو چھوڑ کر کرانے کی دکانیں اور دیگر ایسے کاروباری ادارے جہاں تین سے زیادہ ملازمین ہیں، 26 اپریل 2021 تک بند کئے جائیں۔ اسی طرح تمام مالز، شاپنگ کمپلیکس، ریستران، کھان پان کی دکانیں بھی 26 اپریل تک بند رکھنے کی ہدایت دی گئی تھی۔ اس کے علاوہ تمام مذہبی مقامات اور شادی کو چھوڑ کر کسی بھی سماجی تقاریب کے انعقاد کو بھی اجازت نہ کئے جانے کی ہدایت دی گئی تھی۔

تاہم ہائی کورٹ نے یہ بھی کہا تھا کہ وہ اپنے اس حکم کے ذریعے ریاست پر لاک ڈاؤن مسلط نہیں کر رہی۔ خیال رہے کہ کورونا انفیکشن کی دوسری لہر کے دوران ریاست میں بڑی تعداد میں نئے معاملوں کی تشخیص کی جا رہے ہے اور فعال معاملات کی تعداد ایک لاکھ 91 ہزار سے تجاوز کر چک یہے۔ یوپی میں اس انفیکشن کی وجہ سے اب تک 9800 سے زیادہ افراد اپنی جان گنوا چکے ہیں۔