جموں وکشمیرمیں دہشت گردانہ حملے کا خطرہ، ہائی الرٹ پرتینوں افواج

Source: S.O. News Service | By Shahid Mukhtesar | Published on 17th August 2019, 11:32 AM | ملکی خبریں | ان خبروں کو پڑھنا مت بھولئے |

جموں،17اگست(ایس او نیوز؍ایجنسی) جموں وکشمیرمیں دفعہ 370 ہٹائے جانے کے بعد وادی کا ماحول خراب کرنے کیلئے پاکستان کی دہشت گردانہ تنظیمیں حملے کا منصوبہ بنا رہی ہیں۔ اسے دیکھتے ہوئے سبھی ہندوستانی فوجیوں اورسکیورٹی اہلکاروں کو ہائی الرٹ پررکھا گیا ہے۔ سرکاری ذرائع نے یہ اطلاع دی ہے۔جموں وکشمیرکے چیف سکریٹری بی وی آرسبرامنیم نے کہا کہ جمعہ کی نمازکے بعد پوری ریاست میں صورتحال ٹھیک رہی۔ انہوں نے کہا کہ آنے والے دنوں میں اورچھوٹ میں اضافہ کیا جائے گا۔ انہوں نے کہا کہ کشمیرمیں مرحلہ واراورمنظم اندازمیں پابندیوں میں نرمی دی جائے گی اورہفتہ کے اختتام تک کشمیرمیں زیادہ ترفون لائنیں بحال کردی جائیں گی اور اسکول اگلے ہفتے کھل جائیں گے۔سبرامنیم نے پریس کانفرنس میں کہا کہ وادی میں جمعہ کو ریاستی حکومت کے دفاترمیں عام طریقے سے کام کاج ہوا اورکئی دفاترمیں تو حاضری اچھی رہی۔ انہوں نے کہا کہ 5اگست کوجب پابندیاں لگائی گئیں، تب سے نہ کسی کی جان گئی اورنہ کوئی زخمی ہوا۔پانچ اگست کوجموں وکشمیرکے خصوصی ریاست کے درجے کومنسوخ کردیا گیا تھا اوراسے مرکزکے زیرانتظام دو خطوں میں تقسیم کردیا گیا تھا۔ سبرامنیم نے کہا جمعہ کی نمازکے بعد ملی رپورٹ کے مطابق پوری ریاست میں سب کچھ پرامن رہا۔ دہشت گردانہ تنظیموں، شدت پسند گروپوں اورپاکستان کے حالات بگاڑنے کی مسلسل کوشش کے باوجود ہم نے کسی کی بھی جان نہیں جانے دی۔

ایک نظر اس پر بھی

بابری مسجد معاملے پر سپریم کورٹ کے فیصلہ سے ناخوش پاپولر فرنٹ کی طرف سے بھی نظر ثانی کی عرضی داخل

بابری مسجد حق ملکیت معاملے میں سپریم کورٹ کی آئینی بنچ کے فیصلے کو چیلنج کرتے ہوئے، پاپولر فرنٹ آف انڈیا نارتھ زون کے سکریٹری انیس انصاری نے بھی 9/ڈسمبر بروز پیر کو سپریم کورٹ میں نظر ثانی کی عرضی داخل کی ہے۔ پی ایف آئی کی جانب سے جاری کردی پریس ریلیز میں بتایا گیا ہے کہ رویو ...

عصمت دری کی راجدھانی بن گیا ہندوستان پھر بھی خاموش ہیں پی ایم مودی: راہل

 کانگریس کے سنیئر لیڈر راہل گاندھی نے اتر پردیش میں ایک لڑکی کے ساتھ ہوئی عصمت دری معاملے پر وزیراعظم نریندر مودی پر خاموشی اختیار کرنے کا الزام عائد کرتے ہوئے آج کہاکہ ہندوستان دنیا کی عصمت دری کی راجدھانی میں تبدیل ہو رہا ہے ،

یلاپور ضمنی انتخاب میں بی جے پی کے شیورام ہیبار نے درج کی زبردست جیت

ضلع اُترکنڑا کے یلاپور منڈگوڈ اسمبلی حلقے سے ضمنی انتخاب میں بی جے پی کے امیدوار شیورام ہیبار نے 31,406ووٹوں کی اکثریت سے زبردست جیت درج کرتے ہوئے اپنے قریبی حریف کا نگریسی امیدوار بھیمنّا نائک کو شکست دے دی ہے۔

  مسلم متحدہ محاذ، جماعت اسلامی ہند اور کئی تنظیموں کے ایک نمائندہ وفدکا سابق وزیر اعظم ایچ ڈی دیوے گوڈا سے ملاقات اور شہریت ترمیمی بل   کی مخالفت اور دستور کے تحفظ میں تعاون کرنے کی اپیل

مسلم متحدہ محاذ، جما عت اسلامی ہند، سدبھاؤ نا منچ بورڈ آف اسلامک ایجوکیشن کرناٹک، ایف ڈی سی اے، ایس آئی او، اے پی سی آر  اور مومنٹ فار جسٹس جیسے ہم خیال تنظیموں کی قیادت میں مسلم نمائندوں کا ایک وفد 7 / دسمبر 2019  ء  بروز سنیچر، سابق وزیر اعظم شری ایچ ڈی دیوے گوڈا سے ملاقات کرتے ...