بہار:موسلادھار بار ش کے بعد ندیوں میں طغیانی، کئی اضلاع میں سیلاب کا خطرہ  

Source: S.O. News Service | By Shahid Mukhtesar | Published on 13th July 2019, 11:04 PM | ملکی خبریں | ان خبروں کو پڑھنا مت بھولئے |

پٹنہ، 13 جولائی(ایس او نیوز/آئی این ایس انڈیا) بہار میں تمام ندیوں میں طغیانی شباب پر ہے، جس سے بہارمیں ایک بار پھر سیلاب کا خطرہ منڈلانے لگا ہے۔ دراصل بہار اور نیپال کے کچھ حصوں میں گزشتہ ایک ہفتے سے ہو رہی مسلسل بارش کی وجہ سے شمالی بہار کے کئی حصے ڈوب ہو چکے ہیں، ندیاں خطرے کے نشان کے قریب پہنچ چکی ہیں۔ بھارت- نیپال سرحد پر بنے کوسی بیراج پر فی الحال پانی کی رفتار 3 ملین 7 ہزار کیوسک ہے، جو اس موسم میں سب سے زیادہ ہے۔نیپال میں ہو رہی بارش کی وجہ سے آنے والے دنوں میں ”بہار کا غم“ کہی جانے والی کوسی ندی میں سطح آب میں اضافہ ہورہا ہے، جس سے شمالی بہار سیلاب کی زد میں آ سکتا ہے۔کوسی براج ایس ڈی او لالہ داس نے کہا کہ نیپال سے جو بھی پانی آتا ہے وہ راست طور پر نیچے کی طرف جاتا ہے، بیراج میں پانی کو روکا نہیں جاتا بلکہ ریگولیٹ کیا جاتا ہے۔ بیراج میں جو 56 گیٹ لگے ہوئے ہیں وہ پانی کو روکنے کے لئے نہیں،بلکہ مشرقی اور مغربی نہر میں آب پاشی کے لئے منتقل کئے جانے کے لیے ہے۔ نیپال میں اب بارش ہوئی ہے تو امکان ہے کہ آگے بھی پانی میں طغیانی بڑھے گی۔کوسی کے علاوہ  باگمتی، بلان اور مہانندا ندیوں میں بھی طغیانی شباب پر ہے۔ گنگا میں بھی مسلسل پانی کی اضافہ ہو رہا ہے، سیلاب کی آہٹ سے ریاست کے کئی علاقوں کے لوگوں کی پریشانی بڑھنے لگی ہے۔ وزیر اعلی نتیش کمار نے بھی جمعہ کو ممکنہ سیلاب کی صورت حال سے نمٹنے کی تیاریوں کا جائزہ  لے کر حکام کے لیے سخت ہدایات جاری کی ہیں۔ 

ایک نظر اس پر بھی

ممتا بنرجی کا پی ایم مودی پر حملہ، موجودہ وقت کو ’سپر ایمرجنسی‘ کا دور قرار دیا

مغربی بنگال کی وزیر اعلی ممتا بنرجی نے عالمی یوم جمہوریت کے موقع پر اتوار کو مرکز کی نریندر مودی حکومت پر شدید حملہ کرتے ہوئے کہا کہ ’سپر ایمرجنسی‘ کے اس دور میں لوگوں کو ان کے حقوق اور آزادی کی حفاظت کے لئے ہر ممکن کوشش کرنی چاہیے۔

سنگھ پریوار زبان کے نام پر لوگوں کو تقسیم کرنے پر آمادہ: وزیر اعلی پنارائی وجين

کیرالہ کے وزیر اعلی پنارائی وجين نے ہندی زبان پر مرکزی وزیر داخلہ امت شاہ کے بیان پر نکتہ چینی کرتے ہوئے اتوار کو کہا کہ سنگھ پریوار نے زبان کے نام پر لوگوں کو تقسیم کرنے کے لئے ایک نئی جنگ کا میدان تیار کر دیا ہے۔

بھٹکل کُندا جزیرہ کے قریب بوٹ ڈوب گئی؛ پانچ ماہی گیروں کو بچالیا گیا

بحرعرب کے کُندا جزیرہ کے قریب ایک ماہی گیری بوٹ ڈوب جانے سے لاکھوں مالیت کا نقصان ہوا ہے، البتہ بوٹ پر سوار پانچوں ماہی گیروں کو ایک دوسری بوٹ کی مدد سے بچالیا گیا ہے۔ واردات اتوار کی شام کو پیش آئی ہے۔

بھٹکل مسلم جماعت بحرین کا سالانہ جلسہ اور عام انتخابات؛ بیلٹ پیپر کے ذریعے 12 اراکین منتخب؛ پیر کو ہوگا عہدیداران کا انتخاب

بھٹکل مسلم جماعت کا سالانہ جلسہ اور عام انتخابات مورخہ 10 ستمبر کوبحرین کے فارم ہاوس میں منعقد ہوا جس میں 12 اراکین انتظامیہ کا انتخاب عمل میں آیا۔  انتخابات کے لئے جناب محمد شکیل مصباح صاحب کو الیکشن کمشنر کی ذمہ داری سونپی گئی تھی جنہوں نے نہایت ہی حسن خوبی کے ساتھ اپنے فرائض ...

بھٹکل میں ٹریفک جرمانہ سے بچاؤ کے لئے واٹس ایپ گروپ کا استعمال:نوجوان لڑکوں کی نئی نئی سوچ

ئے ٹرافک اصول اور عائد کئے جانےو الے جرمانےسے  اگر کوئی زیادہ پریشان یا سرخراب کیا ہےتو وہ تعلقہ کے نوجوان لڑکے ہیں ،جب اپنے روزانہ اخراجات کے لئے ہی اُن کے پاس  پیسے نہیں رہتے ہیں، جیب خالی خالی رہتی ہے ایسے میں ہزاروں روپئے کا جرمانہ عائد کیا جائے گا تو  بائک سوارمشکل میں ...