اُترکنڑا کے ہلیال اور منڈگوڈ سمیت ریاست کے مختلف مقامات پر بارش ؛ بجلی گرنے سے کسان ہلاک

Source: S.O. News Service | By Shahid Mukhtesar | Published on 28th April 2019, 12:48 PM | ساحلی خبریں | ریاستی خبریں |

بھٹکل 28/اپریل (ایس اونیوز) سنیچر کی شام کو ریاست کرناٹک کے مختلف مقامات پر طوفانی ہواؤں اور بارش کی وجہ سے جانی ومالی نقصانات ہونے کی اطلاعات موصول ہوئی ہیں۔

 ضلع شمالی کینرا کے ہلیال تعلقہ میں نیرلگا گرام میں بجلی گرنے سے ایک کسان ہلاک ہوگیا جس کی شناخت نرسپّا جینت کدم (60) کی حیثیت سے کی گئی  ہے۔ بلاری ضلع کے ہرپن ہلّی، منڈیا ضلع کے پانڈوپور، چامراج نگرضلع کے بنڈی پور کے علاوہ شیموگہ اور کوڈاگو ضلع کے بعض مقامات پر برساتیں ہوئی ہیں۔منڈگوڈ ضلع کے ارشینگیری گرام میں  زبردست بارش ہوئی اور تیز ہواؤں کے وجہ سے ایک پولٹری فارم کی چھت اڑگئی اور پانچ ہزار مرغیاں مرگئیں۔ حضرت علی نامی شخص کے اس پولٹری فارم کو ہوئے نقصان کا انداز ہ پانچ لاکھ روپے لگایاگیا ہے۔اس کے علاوہ اسی علاقے میں 15تا20ایکڑ پر پھیلے آم اور کیلے کے باغات کو بھی نقصان پہنچا ہے۔اس سے باغبانوں کو بھاری نقصان کاسامنا کرنا پڑا ہے۔ہندگند گرام میں بجلی گرنے سے ایک گائے ہلاک ہوئی ہے اور کئی گھروں کی چھتوں کے لئے استعمال ہونے والی سیمنٹ اور ٹِن کی شیٹیں اڑگئی ہیں۔

 بتایا جاتا ہے کہ ہلیال شہر میں آدھے گھنٹے تک تیز ہواؤں کے ساتھ ہونے والی بارش کے دوران کئی بجلی کے کھمبے اور ناریل کے درخت زمین سے اکھڑ کر گرگئے ہیں۔ سرسی، سداپور، یلاپور،  وغیرہ کے اطراف میں گھنے بادل چھا گئے اورپھر ہلکی پھلکی بونداباندی ہوئی ہے۔دھارواڑ، بیلگاوی، گدگ، وجیا پورا اور ضلع شمالی کینرا کے بہت سے مقامات پراوسط درجے کی برسات ہوئی ہے۔ہاویری ضلع کے اطراف میں تیز ہواؤں کے ساتھ بھاری بارش ہوئی۔ بیلگاوی اور خانہ پور کے اطراف میں تیز ہواؤں اور بارش کی وجہ سے بعض مقامات پر درخت اور بجلی کے کھمبے اکھڑنے کی اطلاعات موصول ہوئی ہیں۔ 

ایک نظر اس پر بھی

انکولہ میں ڈاکٹر انجلی نے بی جے پی پر کیا طنز : مجھے بیرون ضلع کی کہنے والوں کو میرے حلقے میں آنا ہی ہوگا 

انکولہ کے ناڈ ور ہال میں منعقدہ انتخابی تیاریوں کے جائزاتی اجلاس سے خطاب کرتے ہوئے اتر کنڑا حلقے کی امیدوار ڈاکٹر انجلی نمبالکر نے بی جے پی کو آڑے ہاتھوں لیتے ہوئے کہا مجھے اتر کنڑا ضلع سے باہر کی امیدوار بتانے والی بے جے پی کو بھی میرے حلقے میں آنا ہی ہوگا ۔ انہیں شائد پتہ نہیں ...

کمٹہ میں ڈی کے شیوکمار نے کہا : دھرم کسی کی جائداد نہیں ہے ۔ بھگوان کو سیاست میں استعمال کرنا ناقابل معافی ہے

پارلیمانی انتخاب کی تیاریوں کے سلسلے میں کمٹہ میں منعقدہ  جائزاتی اجلاس سے خطاب کرتے ہوئے کے پی سی سی صدر اور نائب وزیر اعلیٰ ڈی کے شیوا کمار نے کہا کہ ہمارا یقین یہ ہے کہ دھرم چاہے جو بھی اس کا نظریہ ایک ہی ہے ، نام چاہے سیکڑوں ہوں ، مگر بھگوان ایک ہی ہے اور پوجا جیسی بھی ہو، ...

بھٹکل شمس الدین سرکل کے قریب بس اور آٹو رکشہ کی ٹکر؛ آٹو ڈرائیور شدید زخمی

  قلب شہر شمس الدین سرکل کے قریب  پرائیویٹ بس اور آٹو کی ٹکر میں آٹو ڈرائیور شدید زخمی ہوگیا جسے   بھٹکل سرکاری اسپتال میں ضروری طبی امداد فراہم کرنے کے بعد زائد علاج کے لئے کنداپور  لے جایا گیا ہے۔ زخمی ڈرائیور کی شناخت جامعہ آباد روڈ، ماسٹر کالونی کے رہائشی  محمد سُہیل ...

بھٹکل میں انجلی نمبالکر نے کہا؛ آنے والےانتخابات بی جے پی اور کانگریس کے درمیان نہیں ، امیروں اور غریبوں کے درمیان اور انصاف اور ناانصافی کے درمیان مقابلہ

  آنے والے لوک سبھا انتخابات میں اصل مقابلہ  بی جے پی اور کانگریس کے درمیان  نہیں ہوگا بلکہ  اڈانی اور امبانی جیسے  سرمایہ داروں  کو تعاون فراہم کرنے والوں اور غریبوں کو انصاف دلانے والوں کے درمیان ہوگا، صاف صاف کہیں تو یہ سرمایہ داروں اور غریبوں کے درمیان  مقابلہ ہے۔ یہ بات ...

گھوٹالہ باز جناردن ریڈی کی بی جے پی میں شمولیت مودی حکومت کے بدعنوانی ختم کرنے کے دعووں کی قلعی کھول رہی: کانگریس

کانگریس نے 35 ہزار کروڑ روپے کے غیر قانونی خام لوہا کانکنی گھوٹالہ کے ملزم جناردن ریڈی کے بی جے پی میں شامل ہونے پر آج زوردار حملہ کیا۔ کانگریس لیڈر پون کھیڑا نے نئی دہلی واقع کانگریس ہیڈکوارٹر میں ایک پریس کانفرنس سے خطاب کرتے ہوئے کہا کہ گھوٹالہ باز جناردن ریڈی کی بی جے پی ...

منگلورو میں 'جاگو کرناٹکا' کا اجلاس - پرکاش راج نے کہا : اقلیتوں کا تحفظ اکثریت کی ذمہ داری ہے 

'جاگو کرناٹکا' نامی تنظیم کے بینر تلے مختلف عوام دوست اداروں کا ایک اجلاس شہر کے بالمٹا میں منعقد ہوا جس میں افتتاحی خطاب کرتے ہوئے مشہور فلم ایکٹر پرکاش راج نے کہا کہ ایک جمہوری ملک میں اقلیتوں کو تحفظ فراہم کرنا اکثریت کی ذمہ داری ہوتی ہے ۔

تنازعات میں گھرے رہنے والے اننت کمار ہیگڈے کو مودی نے کیا درکنار

پارلیمانی الیکشن کے دن قریب آتے ہی اننت کمار ہیگڑے نے گمنامی سے نکل کر اپنے حامیوں کے بیچ پہنچتے ہوئے اپنے حق میں ہوا بنانے کے لئے جو دوڑ دھوپ شروع کی تھی اور روز نئے متنازعہ بیانات  کے ساتھ سرخیوں میں بنے رہنے کی جو کوششیں کی تھیں اس پر پانی پھِر گیا اور ہندوتوا کا یہ بے لگام ...

لوک سبھا انتخابات میں بی جے پی نے اننت کمار ہیگڈے کو دکھایا باہرکا راستہ؛ اُترکنڑا کی ٹکٹ کاگیری کو دینے کا اعلان

اپنے کچھ موجودہ ممبران پارلیمنٹ کو نئے چہروں کے ساتھ تبدیل کرنے کے اپنے تجربے کو جاری رکھتے ہوئے، بی جے پی نے سابق مرکزی وزیر اور اُتر کنڑ اکے ایم پی، اننت کمار ہیگڑے کو باہر کا راستہ دکھاتے ہوئے  آنے والے لوک سبھا انتخابات میں  ان کی جگہ اُترکنڑا حلقہ سے  سابق اسمبلی اسپیکر ...

ٹمکورو میں جلی ہوئی لاشوں کا معاملہ - خزانے کے چکر میں گنوائی تھی  تین لوگوں نے جان

ٹمکورو میں جلی ہوئی کار کے اندر بیلتنگڈی سے تعلق رکھنے والے تین افراد کی جو لاشیں ملی تھیں، اس معاملے میں پولیس کی تحقیقات سے اب یہ بات سامنے آئی ہے کہ خزانے میں ملا ہوا سونا سستے داموں پر خریدنے کے چکر میں ان تینوں نے پچاس لاکھ روپوں کے ساتھ اپنی بھی جانیں گنوائی تھیں ۔