گلبرگہ اوراضلاع حیدر آباد کرناٹک میں زبردست بارش، کم عمر بچے موسمی بخار میں مبتلا، فصلو ں اور املاک کو نقصان

Source: S.O. News Service | Published on 4th August 2022, 9:04 PM | ریاستی خبریں |

گلبرگہ،4؍اگست (ایس او نیوز؍راست) شہر گلبرگہ اور ضلع گلبرگہ کے مختلف تعلقہ جات و مواضعات میں 4اگست کو دوپہر 2بجے سے زبردست بارش کا سلسلہ شروع ہوا جو کافی دیر تک جاری رہا۔ 3اگست کو بھی گلبرگہ میں ایک گھنٹ تک مسلسل موسلہ دھار بارش ریکار ڈ کی گئی۔ اس بار زیادہ بارش کے سبب پانی کے ذخائیر بھر گئے ہیں اور شہر گلبرگہ و تعلقہ جات میں سڑکوں پر پانی جمع ہونے کے سبب ٹریفک متاثر ہورہی ہے۔ فصلوں کو بھی زیادہ  بارش کے سبب نقصان پہنچا ہے۔اس بار موسم باراں میں ضلع گلبرگہ اور علاققہ حیدر آباد کرناٹک کے دیگر اضلاع بیدر، رائیچور ویادگیر وغیرہ میں کم عمر بچے موسمی بخار، کھانسی اور دیگر امراض سے متاثر ہورہے ہیں۔ہسپتال اور دواخانوں پر علاج کروانے کے لئے آنے والے مریض بچوں اور ان کے متعلقین کی زیادہ سے زیادہ تعداد دیکھی جارہی ہے۔ علاقہ حیدر آباد کرناٹک کے اضلاع میں بار بار کی تیز بارش کے سبب برقی سربراہی میں رکوٹیں پڑ ری ہیں۔ضلع یادگیر کے آبی ذخائیر سے پانی خارج کیا جارہا ہے۔ سرگپا تعلقہ ضلع بلاری میں چہارشنبہ کی صبح ایک موٹر گاڑی کے پلٹ جانے کے سبب ایک 25سالہ ڈرائیور پانی میں بہہ  گیا لیکن لیکن آگ بجھانے والے عملہ کے افراد نے دوسرے ڈرائیور 55سالہ احمد کو ڈوپنے سے بچالیا۔ اطلاعات کے بموجب بیجاپور اور بلاری میں تیز بارش کے سبب 8مکانات بھی منہدم ہوچکے ہیں۔ضلع رائچور کے دیہاتوں مسکی اور کویتال میں بھاری بارش کے سبب ایک عارضی پل کے ٹوٹ جانے سے ٹریفک متاثر ہوگئی ہے۔ اسی طرح اتک نور اور ا۔دوترا بنڈی گاؤں اور مستور گاؤں کے اطراف تعمیر کردہ عارضی پل سیلابی پانی کے سبب ٹوٹ گئے ہیں جب کہ نسلا پور اور ہارن ہلی  کے دیہاتوں میں واقع پل پانی میں ڈوب گئے ہیں۔ 

چہارشنبہ کے دن ضلع گلبرگہ کے کئی مقامات تیز بارش سے متاثر ہوے دریاؤں، نالوں اور پلوں میں پانی بھر چکا ہے کاگنا ندی بھی بھر چکی ہے اور تیزی سے بہہ رہی ہے۔ دنڈوتی کے قریب ایک پل دوب جانے اور منہدم ہونے کے قریب ہے۔

ایک نظر اس پر بھی

بنگلور: بی جے پی کو کانگریس کا جواب؛ یوم آزادی کے موقع پر کانگریس کی طرف سے قومی پرچم، کیپ اور ٹی شرٹ بالکل مفت دینے کا اعلان

حکمراں بی جے پی کو کرارا جواب دیتے ہوئے آج  کرناٹک کانگریس کی طرف سے اعلان کیا گیا ہے کہ   یوم آزادی کی 75 ویں سالگرہ کے موقع پر 15 اگست کو  بنگلور کے سنگولی رائینا سرکل سے بسونگڈی  تک فریڈم مارچ نکالا جائے گا اور  اس مارچ میں شرکت کے لئے نام درج کروانے والوں کو  قومی پرچم، ایک ...

فضائیہ کے سربراہ نے بنگلورو میں دیسی طیارے کی پرواز بھری

 فضائیہ کے سربراہ (سی اے ایس) ایئر چیف مارشل وی آر چودھری، بنگلورو کے دو روزہ دورے پر تھے۔ انھوں نے تین مقامی پلیٹ فارمز، ہلکا لڑاکا طیارہ (ایل سی اے) تیجس، ہلکا لڑاکا ہیلی کاپٹر (ایل سی ایچ) اور ہندوستان ٹربو ٹرینر -40 (ایچ ٹی ٹی-40) کی پروازیں بھریں، جنھیں آتم نربھر کے تئیں اپنی ...

سیلاب متاثرین کے معاوضہ کیلئے 300 کروڑ روپئے جاری: آر اشوک

ریاست میں بی جے پی کی سوپر سرکار ہے، کانگریس پارٹی کی طرف سے لگایاجارہاالزام ”سیلاب متاثرین کیلئے معاوضہ فراہم کرنے ریاستی حکومت کے پاس رقم نہیں ہے“بالکل جھوٹا اور بے بنیادہے،سیلاب متاثرین کیلئے مرحلہ وار معاوضہ دئے جانے کا انتظام کیاجارہاہے۔یہ بات ریاستی وزیر برائے ...