گجرات میں زبردست بارش، 12 افراد جاں بحق

Source: S.O. News Service | By Shahid Mukhtesar | Published on 10th August 2019, 5:12 PM | ملکی خبریں | ان خبروں کو پڑھنا مت بھولئے |

گاندھی نگر، 10/اگست (ایس او نیوز؍یو این آئی) گجرات میں بارش کا سلسلہ جاری ہے۔ یہاں گزشتہ 24 گھنٹوں کے دوران ریکارڈ بارش ہوئی ہے جس کے سبب آبی ذخائر طغیانی پر ہیں جبکہ بارش کی وجہ سے پیش آئے حادثات میں کم از کم 12 لوگوں کی موت ہوگئی ہے۔ گزشتہ 24 گھنٹے میں ہی کل سالانہ اوسط بارش کی 11.40 فیصد بارش ہوئی ہے جو آج صبح چھ بجے تک 77.80 فیصد پر پہنچ گئی ہے جبکہ کل یہ 66.40 فیصد تھی۔

گزشتہ 24 گھنٹے کے دوران ریاست کے سبھی 33 اضلاع کے 251 تعلقہ میں بارش ہوئی ہے جس میں سے سب سے زیادہ 380 ملی میٹر بارش ضلع بوتاڈ کے بروالا میں ریکارڈ کی گئی۔ آج صبح چھ بجے تک 32 اضلاع کے 177 تعلقہ میں بارش ہوئی اور سب زیادہ 162 ملی میٹر جام نگر کے کالا واڑ میں درج کی گئی۔ محکمہ موسمیات نے آئندہ 48 گھنٹوں کے دوران بھی ریاست میں تیز سے بہت تیز بارش کا انتباہ دیا ہے۔

بارش کے سبب ندیوں اور باندھوں سے جڑے آبی ذخائر طغیانی پر ہیں۔ کالی 2، اجوا، موتیسر، دھولی دھوجا وغیرہ ڈیموں کے آبی ذخائر خطرے کے نشان سے اوپر ہیں۔ ڈھاڈھر، کراڈ وغیرہ ندیوں میں طغیانی ہے۔ نشیبی علاقوں کو الرٹ جاری کردیا گیا ہے۔ بارش کی وجہ سے معمولات زندگی درہم برہم ہوگئے ہیں۔

راحت اور بچاؤ کے کام بھی تیزی سے جاری ہیں۔ بارش کے دوران احمد آباد شہر کے بوپل علاقے میں آج صبح ایک دیوار گرنے سے ایک مزدور کنبے کے چار لوگوں کی موت ہوگئی۔ کھیڑا ضلع ناڈیاڈ میں کل دیر رات ایک تین منزلہ مکان گرنے سے چار لوگوں کی موت ہوگئی اور پانچ دیگر زخمی ہوگئے۔ سریندر نگر ضلع کے باوڈی گاؤں میں ندی عبور کرنے کے دوران تین لوگ بہہ گئے جبکہ بناس کانٹھا ضلع کے تھراڈ میں بارش کے سبب نرمدا ندی میں ڈوبنے سے ایک نوجوان کی موت ہوگئی۔

این ڈی آر ایف کی ٹیم اور دیگر راحت ایجنسیوں نے سینکڑوں لوگوں کو سیلاب متاثرہ علاقوں سے محفوظ مقامات پر پہنچایا ہے۔ مقامی لوگوں نے جونا گڑھ کے جھانجھرڈا روڈ پر ایک ریلوے انڈر برج کے نیچے پانی میں پھنسی اسکولی بس سے 30 بچوں کو محفوظ باہر نکالا۔ پانی جمع ہونے کی وجہ سے سڑک اور ریل آمد و رفت بھی متاثر ہوئی ہے۔

وزیراعلی وجے روپانی نے حالات کا جائزہ لیا اور راحتی کاموں کی نگرانی کے لئے یہاں ریاست کے ایمرجنسی کنٹرول روم پہنچ کر میٹنگ کی۔

ایک نظر اس پر بھی

ریزرویشن سے متعلق آر ایس ایس اور بی جے پی کے ارادے ٹھیک نہیں: تیجسوی یادو

  بہار اسمبلی میں اپوزیشن لیڈر تیجسوی پرساد یادو نے ریزرویشن کے معاملے پر راشٹریہ سوئم سیوک سنگھ ( آر ایس ایس ) کے چیف موہن بھاگوت کے حالیہ بیان پر پلٹ وار کرتے ہوئے کہا کہ ریزرویشن کو لے کر آر ایس ایس اور بھارتیہ جنتا پارٹی ( بی جے پی ) کے ارادے ٹھیک نہیں ہیں۔

بھٹکل: مرڈیشور میں راہ چلتی خاتون کو اغوا کرنے کی کوشش ہوگئی ناکام؛ علاقہ میں تشویش کی لہر

تعلقہ کے مرڈیشور میں ایک خاتون کو اغوا کرنے کی کوشش اُس وقت  ناکام ہوگئی جب اُس نے ہاتھ پکڑ کھینچتے وقت چلانا اور مدد کے لئے پکارنا شروع کردیا،  وارات  منگل کی شب قریب نو بجے مرڈیشور کے نیشنل کالونی میں پیش آئی۔واقعے کے بعد بعد نہ صرف مرڈیشور بلکہ بھٹکل میں بھی تشویش کی لہر ...

کاروارمیں ریڈ الرٹ کے باوجود کوسٹل سیکیوریٹی پولیس کی انٹر سیپٹر کشتیاں نہیں اتریں سمندر میں!

ابھی دو دن پہلے ملک کی خفیہ ایجنسی نے سمندری راستے سے دہشت گردانہ حملہ ہونے کا خدشہ ظاہر کیا تھا جس کے بعد پوری ریاست کرناٹکا میں اور بالخصوص ساحلی کرناٹکا میں ریڈ الرٹ جاری کیا گیا ہے۔