دو دنوں کے وقفے کے بعد بھٹکل میں پھر زبردست بارش؛ راستے تالاب میں تبدیل؛ درختوں کے گرنے سے مزید کئی مکانوں کو نقصان؛ 18 الیکٹرک کھمبے گرنے سے دو لاکھ کا نقصان

Source: S.O. News Service | By I.G. Bhatkali | Published on 10th August 2019, 9:48 PM | ساحلی خبریں | ان خبروں کو پڑھنا مت بھولئے |

بھٹکل 10/اگست (ایس او نیوز)  گذشتہ دو دنوں تک  تھوڑی بہت راحت دینے کے بعد آج سنیچر کو پھر ایک بار بھٹکل میں زبردست بارش شروع ہوگئی جس سے نہ صرف عام زندگی  درہم برہم ہوگئی بلکہ  کئی راستے تالاب میں تبدیل  ہوگئے۔ رنگین کٹہ نیشنل ہائی وے کے ساتھ ساتھ ، پٹرول پمپ کے سامنے اور شمس الدین سرکل پر بھی کثیر مقدار میں پانی جمع ہوگیا، اسی طرح نشیبی علاقوں بالخصوص اولڈ بس اسٹائنڈ کے قریب،  مین روڈ اور ماری کٹہ روڈ پر بھی  نالے  بھرجانے  کی وجہ سے  کافی وقت تک  پانی سڑکوں پر سے  گذرتا ہوا دیکھا گیا۔

ضلعی انتظامیہ کی جانب سے  آج بھی اسکولوں اور کالجوں میں پہلے ہی چھٹی کا اعلان کیا گیا تھا اس بنا پر تمام تعلیمی ادارے بند رہے جبکہ انجمن نے مسلسل ہورہی بارش کو دیکھتے ہوئے اور عید الاضحیٰ کےایام قریب آنے کے مد نظر  تین روز پہلے ہی  اپنے تمام تعلیمی اداروں میں چھٹی کا اعلان کردیا تھا۔

آج صبح سے جاری طوفانی  اور مسلسل بارش کے نتیجے میں  تین جگہوں پر مکانوں پر درخت گرنے سے مکانوں کو نقصان ہونے کی اطلاع ملی۔ بھٹکل تعلقہ کے بیلکے دیہات میں ماستی سومیا موگیر، مُنڈلی میں  سمپران ڈیسوزا اور ہیبلے ہیرتار میں سومی کوپّیا گونڈا کے مکان پر درخت گرنے سے مکانوں کی چھتوں کو شدید نقصان پہنچا ہے۔

آج ہوئی زبردست بارش سے تعلقہ کے مختلف علاقوں میں جملہ 18 الیکٹرک کھمبے گرنے کی بھی اطلاعات ملی ہیں۔ ہیسکام انجینر نے بتایا کہ   نیرگیدے میں پانچ، آتیباراور آشیکان میں تین، تین، کنڈک اور فردوس نگر میں دو،  دو، تینگار اور مڈل ہتلو میں ایک،ایک کھمبا گرا ہے۔ ہیسکام ذرائع کے مطابق  جملہ 2.05 لاکھ مالیت کا نقصان ہوا ہے۔ مسلسل برستی بارش اور  کھمبوں اور الیکٹرک وائروں پر درختوں کے گرنے سے  بجلی کی انکھ مچولیاں بھی صبح سے شام تک جاری رہی۔

شام کے بعد بارش میں تھوڑی بہت کمی دیکھی جارہی ہے۔

ایک نظر اس پر بھی

انکولہ میں ڈاکٹر انجلی نے بی جے پی پر کیا طنز : مجھے بیرون ضلع کی کہنے والوں کو میرے حلقے میں آنا ہی ہوگا 

انکولہ کے ناڈ ور ہال میں منعقدہ انتخابی تیاریوں کے جائزاتی اجلاس سے خطاب کرتے ہوئے اتر کنڑا حلقے کی امیدوار ڈاکٹر انجلی نمبالکر نے بی جے پی کو آڑے ہاتھوں لیتے ہوئے کہا مجھے اتر کنڑا ضلع سے باہر کی امیدوار بتانے والی بے جے پی کو بھی میرے حلقے میں آنا ہی ہوگا ۔ انہیں شائد پتہ نہیں ...

کمٹہ میں ڈی کے شیوکمار نے کہا : دھرم کسی کی جائداد نہیں ہے ۔ بھگوان کو سیاست میں استعمال کرنا ناقابل معافی ہے

پارلیمانی انتخاب کی تیاریوں کے سلسلے میں کمٹہ میں منعقدہ  جائزاتی اجلاس سے خطاب کرتے ہوئے کے پی سی سی صدر اور نائب وزیر اعلیٰ ڈی کے شیوا کمار نے کہا کہ ہمارا یقین یہ ہے کہ دھرم چاہے جو بھی اس کا نظریہ ایک ہی ہے ، نام چاہے سیکڑوں ہوں ، مگر بھگوان ایک ہی ہے اور پوجا جیسی بھی ہو، ...

بھٹکل شمس الدین سرکل کے قریب بس اور آٹو رکشہ کی ٹکر؛ آٹو ڈرائیور شدید زخمی

  قلب شہر شمس الدین سرکل کے قریب  پرائیویٹ بس اور آٹو کی ٹکر میں آٹو ڈرائیور شدید زخمی ہوگیا جسے   بھٹکل سرکاری اسپتال میں ضروری طبی امداد فراہم کرنے کے بعد زائد علاج کے لئے کنداپور  لے جایا گیا ہے۔ زخمی ڈرائیور کی شناخت جامعہ آباد روڈ، ماسٹر کالونی کے رہائشی  محمد سُہیل ...

بھٹکل میں انجلی نمبالکر نے کہا؛ آنے والےانتخابات بی جے پی اور کانگریس کے درمیان نہیں ، امیروں اور غریبوں کے درمیان اور انصاف اور ناانصافی کے درمیان مقابلہ

  آنے والے لوک سبھا انتخابات میں اصل مقابلہ  بی جے پی اور کانگریس کے درمیان  نہیں ہوگا بلکہ  اڈانی اور امبانی جیسے  سرمایہ داروں  کو تعاون فراہم کرنے والوں اور غریبوں کو انصاف دلانے والوں کے درمیان ہوگا، صاف صاف کہیں تو یہ سرمایہ داروں اور غریبوں کے درمیان  مقابلہ ہے۔ یہ بات ...

دہلی میں شدید گرمی، درجہ حرارت 37 ڈگری سیلسیس تک پہنچا

 دہلی اور اس کے آس پاس کے علاقوں میں درجہ حرارت میں اضافہ درج کیا جانے لگا ہے اور مارچ میں ہی گرمی نے اپنا زور دکھانا شروع کر دیا ہے۔ محکمہ موسمیات کے مطابق بدھ کو قومی راجدھانی میں رواں سال کا گرم ترین دن ریکارڈ کیا گیا۔ دریں اثنا، زیادہ سے زیادہ درجہ حرارت 37 ڈگری سیلسیس تک پہنچ ...

لوک سبھا انتخاب: مالوگم میں صرف ’ایک ووٹر‘ کے لیے الیکشن کمیشن نے اٹھایا بڑا قدم!

لوک سبھا انتخاب کی سرگرمیوں کے درمیان اروناچل پردیش سے ایک دلچسپ خبر سامنے آ رہی ہے۔ اروناچل پردیش میں لوک سبھا اور اسمبلی انتخاب سے قبل الیکٹورل افسران کی ایک ٹیم انجا ضلع کے مالوگم گاؤں پہنچنے والی ہے۔ دراصل اس گاؤں میں 44 سالہ سوکیلا تایانگ تنہا ووٹر ہیں اور وہ خاتون بھی ...

عازمین کیلئے دوسری قسط جمع کرانے کی آج آخری تاریخ

قرعہ اندازی میں منتخب عازمین اورویٹنگ لسٹ کنفرم ہونے والے تمام عازمین کو دوسری قسط کےطور پر ایک لاکھ ۷۰؍ ہزار روپے جمع کرانے کیلئے توسیع شدہ تاریخ کا آج  بروز جمعرات ۲۸؍ مارچ آخری دن ہے ۔ اسی کے ساتھ ایسی خواتین جو محرم کے زمرے میں شامل تھیں، یعنی ان کے شوہروں یا اہل خانہ نے ...

کیجریوال کی گرفتاری کے خلاف آج دہلی ہائی کورٹ میں سماعت، عآپ کا سڑکوں پر احتجاج جاری

دہلی شراب پالیسی معاملہ میں وزیر اعلی اروند کیجریوال کی گرفتاری کے بعد سڑکوں پر احتجاج جاری ہے۔ منگل (26 مارچ) کو عام آدمی پارٹی کے کارکنان وزیر اعظم کی رہائش گاہ کا گھیراؤ کرنے کے لیے سڑکوں پر نکل آئے اور شدید احتجاج کیا، جس پر دہلی پولیس نے سیکورٹی سخت کرتے ہوئے مظاہرین کو ...

لوک سبھا انتخاب 2024: کانگریس نے امیدواروں کی ساتویں فہرست جاری کی، اب تک 197 امیدواروں کا ہو چکا اعلان

لوک سبھا کی 543 سیٹوں کے لیے 19 اپریل سے یکم جون کے درمیان سات مراحل میں ووٹ ڈالے جائیں گے اور اس تعلق سے سبھی سیاسی پارٹیوں کی سرگرمیاں عروج پر ہیں۔ پارٹیاں لگاتار اپنے امیدواروں کے ناموں کا اعلان کر رہی ہیں۔ اس درمیان کانگریس نے امیدواروں کی ساتویں فہرست آج جاری کر دی جس میں ...