ہائی کورٹ نے کووڈ19 کے مفت علاج سے منسلک درخواست پر سماعت کرنے سے کیا انکار 

Source: S.O. News Service | Published on 30th June 2020, 11:02 PM | ملکی خبریں |

نئی دہلی، 30 جون (آئی این ایس انڈیا) دہلی ہائی کورٹ نے منگل کو کوڈ19 کے مفت علاج سے متعلق درخواست پر غور کرنے سے انکار کردیا اور کہا کہ ذمہ داری کے ساتھ مفادعامہ کی درخواست داخل کی جانی چاہئے۔

درخواست میں قومی دارالحکومت کے تمام نجی لیبارٹری اور اسپتالوں میں کووڈ19 کی مفت اسکریننگ اور علاج کی ہدایت دینے کی درخواست کی گئی تھی۔

جسٹس ڈی این پٹیل اور جسٹس پرتیک جالان کی بنچ نے کہا کہ وہ جرمانے عائد کرنے کے ساتھ ہی اس درخواست کو خارج کردے گی۔ اس پر درخواست گزار کے وکیل نے درخواست واپس لینے کے لئے اجازت مانگی۔ درخواست گزار سشانت مشرا نے نجی لیبارٹریوں اور اسپتالوں میں کووڈ19 کے ٹیسٹ اور علاج کے لئے مرکز اور دہلی حکومت کو ہدایت دینے کی مانگ کی تھی۔

عدالت نے کہا کہ امیرلوگوں کے مفاد کے لئے یہ درخواست دائر کی گئی ہے۔ عدالت نے درخواست گزار کو غریبوں کے لئے ایسی درخواست دائر کرنے کا مشورہ دیا، جو کووڈ19 کی جانچ اور علاج کے متحمل نہیں ہیں۔ عدالت نے کہاکہ اس طرح دونوں چیزوں کو آپس میں مت ملاؤ۔ بنچ نے کہا کہ ماگی گئی راحت مرکزی اور ریاستی حکومتوں کے پالیسی ساز فیصلے کے تحت آتی ہے۔ حکومت طے کرے گی کہ مفت علاج اور معاوضے جیسے فوائد کا کون حقدار ہے۔

عدالت نے کہا کہ محاذ پر کام کرنے والے صحت ملازم کی انفیکشن کی وجہ سے موت کی صورت میں دہلی حکومت اس خاندان کو ایک کروڑ روپئے کی رقم فراہم کرتی ہے،اس لئے انہیں اپنا کام کرنے دیں۔ بنچ نے کہاکہ بہتر ہے کہ ہم مداخلت نہ کریں۔ سماعت کے دوران دہلی حکومت نے عدالت کو بتایا کہ وہ اپنے تمام اسپتالوں میں کووڈ 19 کے مریضوں کافری علاج کررہی ہے۔

ایک نظر اس پر بھی

ملک میں کورونا انفیکشن نے پھر بنایا ریکارڈ، 24 گھنٹوں میں ملے 22,771 نئے کیس، 442 لوگوں کی موت

ملک میں کورونا وائرس روز بروز شدید شکل اختیار کرتا جارہا ہے اور گذشتہ 24 گھنٹوں کے دوران ملک میں کورونا وائرس کے ریکارڈ 22،771 نئے کیسز سامنے آئے ہیں ، جس سے متاثرین کی مجموعی تعداد بڑھ کر 6.48 لاکھ ہوچکی ہے۔

ممبئی میں موسلا دھار بارش، 38 مقامات پر پانی بھرگیا، ٹریفک جام سے عوام کو پریشانی

گزشتہ روز صبح ممبئی میں تین گھنٹوں تک جاری رہنے والی شدید بارش کے بعد کم سے کم 38 مقامات پر پانی بھرگیا، جس سے اندھیری اور سائن میں تین مقامات پر بڑے پیمانے پر ٹریفک جام ہوگیا اور ٹریفک کا رخ موڑنا پڑا۔

دہلی میں کورونا کے معاملات 94000سے زیادہ، 2900سے زیادہ لوگو ں کی موت

کورونا وائرس (کووڈ۔19) کا قہر رکنے کا نام نہیں لے رہا ہے اور راجدھانی میں کل 2520نئے معاملے سامنے آنے کے بعد متاثرین کی تعداد جمعہ کو بڑھ کر 94000سے زیادہ ہوگئی ہے اور 59مزید لوگوں کی موت کے ساتھ مرنے والوں کی تعداد 2923ہوگئی ہے۔