میں چار دہوں سے آر ایس ایس کا سخت مخالف ہوں: سدرامیا
گلبرگہ،13؍اکتوبر(ایس او نیوز؍راست) قائد اپوزیشن کرناٹک اسمبلی و سابق چیف منسٹر کرناٹک، ممتاز کانگریسی قائد سدرامیا نے کرناٹک اسمبلی میں بھارتیہ جنتا پارٹی کے قائیدین اور آر ایس ایس پر سخت تنقید کرتے ہوئے کہا کہ وہ گزشتہ چار دہوں سے یعنی 1977سے آرایس ایس کی سختی کے ساتھ مخالفت کرتے آرہے ہیں۔
قائد موصوف گلبرگہ میں سنگولی راماینا کے مجسمہ کی گل پوشی کے بعد صحیفہ نگاروں سے خطاب کررہے تھے۔سدراما اس موقع پر وزیر دیہی ترقیات کرناٹک کے ایس ایشور اپا کے اس بیان کا جواب دے رہے تھے کہ آر ایس ایس کے خلاف بیان دینا آگ سے کھیلنے کے مترادف ہے۔ انھوں نے اس توقع کا اظہار کیا کہ دو اسمبلی حلقوں میں جو ضمنی انتخابات منعقد ہونے جارہے ہیں ان میں کانگریس کو ضرور کامیابی حاصل ہوسکے گی۔
