ہاشم آملہ کا بین الاقوامی کرکٹ سے ریٹائر ہونے کا اعلان

Source: S.O. News Service | Published on 8th August 2019, 11:38 PM | اسپورٹس | ان خبروں کو پڑھنا مت بھولئے |

کیپ ٹاؤن،8؍اگست (ایس او نیوز؍ایجنسی) جنوبی افریقہ کے مایہ ناز اوپننگ بلے باز ہاشم آملہ نے تمام طرز کی بین الاقوامی کرکٹ سے ریٹائرمنٹ کا اعلان کردیا۔

تفصیلات کے مطابق جمعرات کے روز انہوں نے انٹرنیشنل کرکٹ کے تینوں فارمیٹس سے رخصت لے لی تاہم وہ ڈومیسٹک کرکٹ جاری رکھیں گے۔

ہاشم آملہ نے تینوں فارمیٹس میں جنوبی افریقہ کی نمائندگی کرتے ہوئے اپنے 15 سال پر مشتمل کیریئر میں 349 میچز کھیلے اور 18 ہزار سے زائد رنز اسکور کئے جس میں 55 سینچریاں اور 88 نصف سینچریاں شامل ہیں۔

آملہ نے ٹیسٹ کرکٹ میں 124 میچز کھیل کر 9 ہزار 282 رنز اسکور کئے جس میں 28 سینچریاں اور 41 نصف سینچریاں شامل تھیں۔ آملہ واحد افریقی بلے باز ہیں جنہوں نے ٹیسٹ کرکٹ میں ٹرپل سینچری اسکور کی۔

انہوں نے 181 ون ڈے میچز میں پروٹیز کی نمئندگی کرتے ہوئے 8 ہزار 113 رنز اسکور کئے جس میں 27 سینچریاں اور 39 نصف سینچریاں شامل ہیں۔

انہوں نے 44 ٹی ٹوئنٹی میچز میں ایک ہزار 277 رنز اسکور کئے جس میں 8 نصف سینچریاں شامل تھیں۔

ایک نظر اس پر بھی

آئرلینڈ نے عالمی چیمپئن انگلینڈ کو سیریز کے تیسرے اور آخری یک روزہ میچ میں 7 وکٹوں سے شکست دی

  کپتان اینڈی بال برنی (113) اور افتتاحی بلے باز پال اسٹارلنگ (142) کی شاندار سنچریوں کی بدولت آئرلینڈ نے عالمی چیمپئن انگلینڈ کو سیریز کے تیسرے اور آخری یک روزہ میچ میں سات وکٹوں سے ہراکر زبردست کامیابی حاصل کی ہے۔

کیرالہ میں پیش آیا چٹان کھسکنے کا خطرناک حادثہ۔ 15ہلاک اور60سے زائدافراد ہوگئے لاپتہ۔ ملبے میں دب گئیں 30جیپ گاڑیاں 

کیرالہ کے مشہور تفریحی مقام ’مونار‘ سے قریب ’ایڈوکی‘ میں چٹان کھسکنے کا ایک خطرناک حادثہ پیش آیا جس میں تاحال 15افراد ہلاک ہونے اور 60سے زیادہ لوگ لاپتہ ہونے کے علاوہ 30جیپ گاڑیاں چٹان کے ملبے میں دب کر رہ جانے کی خبر ہے۔

عالمی ادارہ صحت نے کہا؛ سماجی فاصلہ برقرار نہ رکھنے سے بڑھ رہے ہیں کورونا کے معاملات، نوجوان مریضوں کی تعداد میں تین گنا اضافہ

عالمی ادارہ صحت (ڈبلیو ایچ او) کا کہنا ہے کہ سماجی فاصلہ برقرار نہ رکھنے کی وجہ سے گزشتہ پانچ ماہ کے دوران کرونا وائرس سے متاثرہ نوجوانوں کی تعداد میں تین گنا اضافہ ہوا ہے۔ڈبلیو ایچ او کی رپورٹ کے مطابق فروری کے آخر سے لے کر جولائی کے وسط تک، کرونا وائرس کا شکار ہونے والے 60 لاکھ ...

جاپانی ماہرین کا کورونا وائرس کی وبا پر قابو پانے کے لئے سوپر کمپیوٹر کے استعمال کا اعلان

کورونا وائرس کی روکتھام کے اقدامات سے متعلق جاپان کے انچارج وزیر نیشی مورا یاسوتوشی نے امید ظاہر کی ہے کہ حکومت، مصنوعی ذہانت اور دیگر ٹیکنالوجیز کو بروئے کار لاتے ہوئے، انفیکشنز پر قابو پانے کے نئے موثر اقدامات دریافت کرنے میں، رواں ماہ کے آخر تک کامیاب ہو جائے گی۔ جاپانی ...