ہرمن پریت کور ،عرفان پٹھان کورونا وائرس سے متاثر

Source: S.O. News Service | Published on 31st March 2021, 8:41 PM | اسپورٹس |

نئی دہلی،31؍مارچ (ایس او نیوز؍یواین آئی) اسٹار ہندوستانی خواتین بلے باز اور خواتین ٹی 20 کرکٹ ٹیم کی کپتان ہرمن پریت کور کورونا وائرس سے متاثر پائی گئی ہیں۔ کورونا کے ہلکے علامات محسوس ہونے کے بعد انہوں نے اپنا کورونا ٹسٹ کرایا تھا جس کی رپورٹ آج مثبت آئی ۔ہرمن پریت حال ہی میں جنوبی افریقہ کے خلاف لکھنؤ میں کھیلی گئی ون ڈے سیریز میں ٹیم انڈیا کا حصہ تھے حالانکہ چوٹ کی وجہ سے وہ اسکے بعد ٹی ٹوئنٹی سیریز میں ٹیم میں شامل نہیں ہوسکے تھے اور ان کی غیرموجودگی میں ٹی 20 ٹیم کی کپتانی اسرتی مندھانا کو سونپی گئی تھی۔32 سالہ ہرمن پریت نے آج ٹویٹر پر بتایا کہ بدقسمتی سے میں کورونا سے متاثر ہوگئی ہوں۔ فی الحان میں نے انتظامیہ اور اپنے ڈاکٹروں کے ذریعہ بتائے گئے ضابطوں کے مطابق خود کو آئیسولیٹ کرلیا ہے ۔ ان سبھی لوگوں سے گزارش ہے کہ جو گزشتہ سات دن میں میرے رابطے میں آئے ہیں وہ اپنی حفاظت کے لئے کورونا ٹسٹ ضرور کرائیں۔ میری سبھی سے درخواست ہے کہ ماسک لگائیں اور محفوظ رہیں۔واضح رہے کہ ہندوستان میں گزشتہ تین ہفتوں میں کورونا وائرس کے معاملوں میں زبردست اضافہ ہوا ہے ۔

ہندوستان کے سابق تیزگیندباز عرفان پٹھان کورونا وائرس سے متاثر ہوگئے ہیں۔ حال ہی میں رائے پور میں روڈسیفٹی کرکٹ سیریز کھیل کر لوٹنے کے بعد انہوں نے اپنا کورونا ٹسٹ کرایا تھا اور پیر کے روز ان کی کورونا رپورٹ مثبت آئی ۔

عرفان پٹھان نے کہا کہ انہیں کسی بھی طرح کی کوئی علامت نہیں ہے اور فی الحال انہوں نے خود کو ہوم آئیسولیشن میں رکھا ہے ۔ آئی پی ایل 2017 میں اپنے آخری میچ کے بعد گزشتہ تین سیشنوں کی نیلامی میں ان سولڈ رہنے کے بعد جنوری 2020 میں کرکٹ کے سبھی فارمیٹوں سے ریٹائرمنٹ کا اعلان کرنے والے عرفان حال ہی میں رائے پور میں روڈ سیفٹی کرکٹ سیریز میں انڈیا لیجنڈ ٹیم کی طرف سے کھیلے تھے ۔ عرفان کے علاوہ ان کے بڑے بھائی یوسف پٹھان ، کرکٹ کے عظیم سچن تیندولکر اور ایس بدری ناتھ نے بھی روڈسیفٹی سیریز ختم ہونے کے فوراً بعد کورونا متاثر ہونے کا انکشاف کیا تھا ، حالانکہ ان تینوں کرکٹروں نے کورونا وائرس کی ہلکی علامات کی بات بتائی تھی جبکہ عرفان نے انہیں کوئی علامات نہ ہونے کے بارے میں بتایا ہے ۔ واضح رہے کہ ہندوستان، انگلینڈ، ویسٹ انڈیز ، بنگلہ دیش ، جنوبی افریقہ اور سری لنکا کے سابق کرکٹروں کی ٹیم کے بیچ ہوئی روڈسیفٹی کرکٹ سیریز میں مداحوں کی موجودگی کی اجازت دی گئی تھی۔

سابق ہندوستانی بلے باز ایس بدری ناتھ کورونا وائرس سے متاثر پائے گئے ہیں اور انہوں نے خود کو اپنے گھر میں آئیسولیٹ کرلیا ہے ۔ بدری ناتھ حال ہی میں چھتیس گڑھ کے رائے پور میں ہوئی روڈ سیفٹی ورلڈ سیریز کا حصہ تھے ۔ انہوں نے پیر کے روز ٹویٹر پر خود یہ معلومات شیئر کرتے ہوئے کہا ،’’میں خود سبھی احتیاط برتتے ہوئے مستقل طور پر اپنی ٹیسٹنگ کروارہا تھا لیکن میں ہلکی علامات کے ساتھ کورونا کے لئے مثبت پایا گیا ہوں۔ میں ایسے وقت میں کورونا سے متعلق سبھی ضابطوں کا مستقل طور سے عمل کروں گا اور ساتھ ہی اپنے نجی ڈاکٹروں کی صلاح پر خود کو آئیسولیٹ کرکے رہوں گا ‘‘۔

ایک نظر اس پر بھی

آئی پی ایل 2021: حیدرآبادکی لگاتار تیسری شکست ،ممبئی انڈینس کو گیند بازوں نے دلائی جیت

ممبئی انڈینس نے حیدرآباد سنرائزرس کو 13 رن سےشکست دی۔ اوپنر کونٹن ڈی کاک (40)، کپتان روہت شرما (32) اور کیرون پولارڈ (ناٹ آؤٹ 35) کی شاندار پاریوں کے بعد گیندبازوں کے زبردست مظاہرے سے ممبئی انڈینس نے سن رائزرس حیدرآباد کو آئی پی ایل 14 کے مقابلے میں ہفتے کے روز 13 رن سے شکست دے دی۔

آئی پی ایل 2021: راجستھان رائلس نے دلچسپ مقابلہ میں دہلی کیپیٹلس کو دی شکست

راجستھان رائلس نےانتہائی دلچسپ مقابلہ میں دہلی کیپیٹلس کو تین وکٹ سے شکست دی ۔پہلے کھیلتےہوئے دہلی کیپیٹلس نے 20 اوور میں147 رن بنائے جو راجستھا ن رائلس نے آخری اوور کی چوتھی گیند پر بنا لئے اوراس نے یہ ہدف حاصل کرنے میں سات وکٹ گنوائے ۔

پا کستان نے جنوبی آفریقہ کو تیسرے ٹی 20 میچ میں 9  وکٹوں سے شکست دی، سیریز میں 1-2 کی برتری، بابر اعظم نے 122 رنز کی شاندار اننگز کھیلی

پاکستان نے جنوبی آفریقہ کو تیسرے ٹی 20 انٹرنیشنل میچ میں 9  وکٹوں سے شکست دے کر چار میچوں کی سیریز میں دو ایک کی برتری حاصل کر لی ہے۔دونوں ٹیموں کے دوران یہ میچ جنوبی افریقہ کے شہر سنچورین میں کھیلا گیا۔

آئی پی ایل 2021: شہباز احمد کی شاندار کارکردگی، رائل چیلنجرس بنگلورو نے سن رائزرس حیدرآباد کو 6 رن سےشکست دی

سن رائزرس حیدرآباد کو جہاں لگاتار دوسری شکست کا سامنا کرنا پڑا وہیں وراٹ کوہلی کی آر سی بی نے اپنا لگاتار دوسرامیچ جیتا۔ آر سی بی نے ایک دلچسپ مقابلہ میں سررائزرس کو 6 رن سےشکست دی ۔

بھٹکل کے بہترین کھلاڑی رتن نائک کرناٹکا اسٹیٹ کبڈی ٹیم کےلئے منتخب

بھٹکل مسلم یوتھ  فیڈریشن کے زیر اہتمام   حال ہی میں منعقدہ پروکبڈی ٹورنامنٹ میں بہترین کھیل کا مظاہرہ پیش کرکے  پلئیر آف دی ٹورنامنٹ کا خطاب پانے والے رتن نائک کو کرناٹکا اسٹیٹ کبڈی ٹیم کےلئے منتخب کیا گیا ہے۔