روس سے دفاعی امداد وصول کرنے سے انکار نہیں کیا: الحریری

Source: S.O. News Service | By Shahid Mukhtesar | Published on 28th November 2018, 12:55 PM | عالمی خبریں |

بیروت 28؍نومبر (ایس او نیوز؍ آئی این ایس انڈیا ) لبنانی حکومت نے روس کی جانب سے پولیس کے لیے دی جانے والی دفاعی امداد وصول نہ کرنے کی خبروں کی سختی سے تردید کی ہے۔ وزیراعظم سعد الحریری کے دفتر سے جاری ہونے والے ایک بیان میں بتایا گیا ہے کہ بیروت نے ماسکو کی جانب سے لبنانی پولیس کے لیے لاکھوں گولیاں مہیا کرنے کی پیش کش قبول کرلی ہے۔ادھر لبنان کے ذمہ دار سیاسی ذرائع نے بتایا تھا کہ حکومت نے روس کی طرف سے فراہم کی جانے والی فوجی امداد لینے سے انکار کردیا تھا۔ ذرائع کے مطابق یہ انکار اس وقت کیا گیا جب امریکا کی جانب سے روس کی دفاعی امداد پر اعتراض اور تشویش کا اظہار کیا گیا۔خیال رہے کہ امریکا، لبنانی فوج اور پولیس کا سب سے بڑا معاون سمجھا جاتا ہے۔ چند ماہ قبل روسی فوج کی جانب سے لبنانی پولیس کے لیے بندوق کی گولیاں مہیا کرنے کی پیشکش کی تھی۔ذرائع کا کہنا ہے کہ لبنانی حکومت نے کہا تھا کہ اسے اس نوعیت کے اسلحہ اور ہتھیاروں کی ضرورت نہیں مگر انکار کا اصل سبب امریکی دباؤ تھا۔امریکا، لبنانی فوج کا سب سے بڑا معاون سمجھا جاتا ہے۔ سنہ 2006 کے بعد امریکا نے لبنان کو ڈیڑھ عرب ڈالر کی دفاع امداد فراہم کی ہے۔مبصرین کا خیال ہے کہ روس مشرق وسطیٰ میں اپنے حلیف ممالک کی تعداد میں اضافہ کرنا چاہتا ہے۔ شام میں فوجی مداخلت کے بعد روس کو خطے میں مزید معاونت کی ضرورت ہے اور لبنان کو دفاعی آلات کی فراہمی کی پیشکش اسی مہم کا حصہ ہے۔دوسری طرف امریکا بھی خطے میں اپنے اتحادی ممالک کو روس کے حلقہ اثرمیں جانے سے روکنے کے لیے پوری کوشش کر رہا ہے۔

ایک نظر اس پر بھی

امریکا کا بحرالکاہل میں ممنوع بیلسٹک میزائل کا تجربہ

پینٹاگون نے امریکا اور روس کے درمیان ہوئے ایک معاہدے کے تحت ممنوع قرار دیے گئے میزائل کا تجربہ کرلیا۔مذکورہ معاہدہ گزشتہ برس ترک کردیا گیا تھا، تاہم اس پر اسلحے کی روک تھام کرنے والوں کا کہنا ہے کہ اس تجربے سے ماسکو کے ساتھ اسلحے کی غیر ضروری جنگ شروع ہونے کا خطرہ ہے۔ڈان اخبار ...

 افغان فوجی کی اپنے ہی ساتھیوں پر فائرنگ، 23 ہلاک

افغانستان میں کم از کم ایک فوجی اہلکار نے اپنے ہی ساتھیوں پر فائرنگ کر دی جس کے نتیجے میں 23 فوجی مارے جانے کی اطلاع ہے۔ بتایا گیا ہے کہ یہ کارروائی ممکنہ طور پر طالبان سے تعلق رکھنے والے ایک فوجی نے انجام دی۔جرمن خبر رساں ادارے ڈی پی اے کے مطابق فوج میں بھرتی طالبان کے ایک گروہ ...

  لیبیا فوج کا طرابلس کے قریب ترکی کا جنگی ڈرون طیارہ مار گرانے کا دعویٰ

لیبیا کی قومی فوج کی طرف سے جاری ایک بیان میں طرابلس کے قریب ترکی کا ایک فوجی ڈرون طیارہ مار گرانے کا دعویٰ کیا گیا ہے۔ رپورٹ کے مطابق لیبیائی فوج کے حامی سوشل میڈیا صفحات پر گردش کرنے والے ایک بیان میں کہا گیا ہے کہ ترکی ایک ڈرون طیارہ عین زارہ کے مقام پر مار گرایا گیا۔

شاہ سلمان کے حکم پر کنٹرول اینڈ اینٹی کرپشن کمیشن کا قیام

سعودی عرب کے فرماں روا شاہ سلمان بن عبدالعزیز نے جمعرات کے روز تین شاہی فرامین جاری کیے جن میں مملکت میں مالیاتی اور انتظامی بدعنوانی کے انسداد سے متعلق تنظیمی اور ہیئتی اسلوب کار کی منظوری دی گئی۔ ان فرامین کے تحت مملکت میں کنٹرول اینڈ انویسٹی گیشن بورڈ اور ایڈمنسٹریٹو ...

 عراق مظاہروں میں سیکڑوں ہلاکتیں، سلامتی کونسل کا تحقیقات کا مطالبہ

اقوام متحدہ کی سلامتی کونسل نے عراق میں حکام سے مطالبہ کیا ہے کہ وہ مظاہرین کے خلاف پرتشدد واقعات اور کریک ڈاؤن کے حوالے سے تحقیقات کرائیں۔ اس سے قبل عراق میں انسانی حقوق کے کمیشن نے اعلان کیا تھا کہ ملک میں جاری عوامی مظاہروں اور احتجاج میں سیکڑوں افراد ہلاک ہو چکے ہیں جب کہ ...

نیوزی لینڈ آتش فشاں کا دھماکہ: چھ لاشیں برآمد، ہلاکتوں کی تعداد 22 ہوئی

 نیوزی لینڈ کی فوجی ٹیم نے سیاحوں میں مقبول وہائٹ جزیرے پر حال ہی میں ہوئے آتش فشاں کے دھماکے میں مارے گئے مزید 6 لوگوں کی لاشیں برآمد کی ہیں۔ اس کے ساتھ ہی، اس قدرتی حادثہ میں مارے گئے لوگوں کی تعداد بڑھ کر 22 ہو گئی ہے۔