یتی نرسمہا نند گرفتار، 14؍ دنوں کی عدالتی تحویل، جیل بھیجا گیا

Source: S.O. News Service | Published on 17th January 2022, 11:20 AM | ملکی خبریں | ان خبروں کو پڑھنا مت بھولئے |

نئی دہلی، 17؍جنوری (ایس او نیوز)  ہری دوار دھرم سنسد میں  برادران وطن کو مسلمانوں کی نسل کشی پر اکسانے   کے ملزم یتی نرسمہا نند کو مقامی  عدالت نے ۱۴؍ دنوں کے عدالتی ریمانڈ میں جیل بھیج دیا ہے۔ انہیں سنیچر کی رات گرفتار کیاگیاتھا۔ عام تاثر یہ تھا کہ یہ گرفتاری   ہری دوار کی دھرم سنسد میں مسلمانوں  کے خلاف زہر افشانی کے معاملے میں ہوئی ہے مگر ہری دوار پولیس نے این ڈی ٹی وی سے  گفتگو کرتے ہوئے کہا ہے کہ اسے خواتین کے خلاف قابل اعتراض تبصرو ں کے کیس میں گرفتار کیاگیاتھا۔   پولیس کے مطابق یتی نرسمہا نند کو نفرت انگیز تقریر کے معاملے میں بھی نوٹس جاری کیا جاچکاہےاوراس سلسلے میں بھی جلد ہی انہیں گرفتار کیاجائےگا۔  افسر کے مطابق’’یتی نرسمہا نند کو  فی الحال خواتین کے خلاف نفرت انگیز تبصرہ کےکیس میں گرفتار کیا گیا  ہے،  نفرت انگیز تقریر کے کیس میں نہیں۔ اُس کیس میں انہیں اب تک صرف   نوٹس دیاگیاہے۔  انہیں جلد ہی  اس معاملے میں بھی گرفتار کیا جائےگا،اس کیلئے کارروائی چل رہی ہے۔ ان کا ریمانڈ حاصل کرنے کی درخواست میں ہم نفر ت انگیز تقریر کےمعاملے کو بھی شامل کریں گے۔‘‘  دوسری طرف  یتی کی گرفتاری کے بعد اس   کے حامی مشتعل ہوگئے ہیں ۔ نرسنگھانند کو سروانند گھاٹ سے سنیچر کی شام گرفتار کیا  گیاتھا  جہاں وہ جتیندر نارائن سنگھ تیاگی کی گرفتاری کے خلاف کھانا پینا چھوڑ کر بھوک ہڑتال کررہاتھا۔ اس نے اپنے انشن کو ستیہ گرہ میں تبدیل کرنے کا اعلان کیا تھا مگر اس سے پہلے ہی پولیس نے اسے گرفتار کرلیا۔واضح رہے کہ سپریم کورٹ میں ہری دوار دھرم سنسد معاملے کی شنوائی شروع ہونے اور ریاستی حکومت سے جواب طلب کرلئے جانے کےبعد اتراکھنڈ پولیس پر کارروائی کا دباؤ بڑھ گیاہے۔ 

ایک نظر اس پر بھی

آندھرا پردیش میں گیس سلنڈر پھٹنے سے حادثہ، 4 افراد ہلاک

  آندھرا پردیش کے ضلع اننت پور میں پکوان گیس سلنڈر کے پھٹنے کے نتیجہ میں چار افراد ہلاک اور دیگر دو شدید طور پر جھلس گئے۔ ضلع کے مولاکالیڈو علاقہ کے ایک مکان میں یہ واقعہ پیش آیا۔ گیس سلنڈر کے پھٹنے سے متصل مکان کی چھت گر گئی۔ اس واقعہ میں پڑوس کے مکان کے چار افراد ہلاک ہو گئے، ...

منشیات کیس، بالی ووڈ کے سپر اسٹار شاہ رخ خان کے بیٹے آرین خان کو کلین چٹ

  بالی ووڈ کے سپر اسٹار شاہ رخ خان کے بیٹے آرین خان کو نحری جہاز میں منعقدہ ریو پارٹی میں منشایات کے استعمال کے معاملے میں منشیات مخالف دستے کی ایک خصوصی تحقیقاتی ٹیم ایس آئی ٹی نے کلین چٹ دے دی ہے جسکی تشکیل اس کیس پر انگلیاں اٹھنے کے بعد عمل میں آئ تھی اور اسے ازسرنو تحقیقات کی ...

ہندوستان میں کوئلہ بحران پھر پیدا ہونے کے آثار، شدید بجلی کٹوتی کا خدشہ: رپورٹ

ہندوستان کو رواں مالی سال (2022-23) کی دوسری یعنی ستمبر میں ختم ہونے والی سہ ماہی کے دوران کوئلہ کی شدید قلت کا سامنا کرنا پڑ سکتا ہے، کیونکہ اس وقت بجلی کی طلب زیادہ ہونے کی توقع ہے۔ خبر رساں ادارے روئٹرز کے مطابق وزارت توانائی کی ایک داخلی کمیٹی نے اپنی رپورٹ میں ان خدشات کا اظہار ...

دہلی : اسٹیڈیم میں کھلاڑیوں کا داخلہ روک کر کتے کو اسٹیڈیم میں سیر کرانا آئی اے ایس جوڑے کو پڑا بھاری

  دہلی کے تیاگراج اسٹیڈیم میں کھلاڑیون کا داخلہ روک کر کتے کو سیر کرانا آئی اے ایس جوڑے کو بھاری پڑ گیا ہے۔ مرکزی وزارت داخلہ نے آئی اے ایس جوڑے سنجیو کھیروار اور رنکو دُگا کا تبادلہ کر دیا ہے۔ مرکزی وزارت داخلہ کی جانب سے یہ کارروائی سنجیو کھیروار اور ان کی اہلیہ رنکو دگا کی ...

یاسین ملک کے حوالے سے او آئی سی کے بیان پر ہندستان کا شدید اعتراض

ہندوستان نے جمعہ کو یاسین ملک معاملے میں عدالت کے فیصلے سے متعلق اسلامی تعاون تنظیم کے آزاد مستقل انسانی حقوق کمیشن کے تبصروں پر سخت اعتراض کیا اور کہا کہ ان تبصروں کے ذریعے او آئی سی۔ آئی پی ایچ آر سی نے کشمیر کے علیحدگی پسند لیڈر کی دہشت گردانہ کارروائیوں کی حمایت کی ہے۔

بیلگاوی میں لاری اور کار کے درمیان ٹکر 4 افراد ہلاک 

بیلگاوی ضلع  نیپانی تعلقہ کے استھو اندھی کے قریب    پونے بنگلورو قومی شاہراہ پر  لاری اور کار کے درمیان    اندوہناک سڑک حادثہ میں   4 افراد جائے واردات پر ہی د م توڑ گئے، یہ افسوسناک واقعہ جمعہ کے دن پیش آیا۔

وندیتا شرما کرناٹک کی نئی چیف سکریٹری نامزد

کرناٹک  حکومت نے جمعہ کے دن 1986 زمرہ کی آئی اے ایس افسروند یتا شرما کوریاست کی چیف سکریٹری نامزد کیا ہے، وندیتا  31 مئی کو رخصت پذیر چیف سکریٹری پی روی کمار کی جگہ لیں گی۔وند یتا شرما کی میعادنومبر 2023 تک رہے گی۔

یاسین ملک کے حوالے سے او آئی سی کے بیان پر ہندستان کا شدید اعتراض

ہندوستان نے جمعہ کو یاسین ملک معاملے میں عدالت کے فیصلے سے متعلق اسلامی تعاون تنظیم کے آزاد مستقل انسانی حقوق کمیشن کے تبصروں پر سخت اعتراض کیا اور کہا کہ ان تبصروں کے ذریعے او آئی سی۔ آئی پی ایچ آر سی نے کشمیر کے علیحدگی پسند لیڈر کی دہشت گردانہ کارروائیوں کی حمایت کی ہے۔

گیان واپی مسجد سروے کی ویڈیو برسرعام کرنے کی درخواست منظور، 30 مئی کا انتظار!

گیان  واپی مسجد سروے سے متعلق ایک اہم حکم وارانسی ضلع کورٹ نے آج صادر کیا۔ سروے کی ویڈیو منظر عام پر لانے کی ہدایت دی گئی ہے اور اس کے لیے 30 مئی کی تاریخ مقرر کی گئی ہے۔ یعنی جلد ہی لوگوں کو پتہ چل جائے گا کہ گیان واپی مسجد کے اندر فوارہ ہے یا شیولنگ۔ 30 مئی کو عدالت ویڈیو کے ساتھ ...

غداری معاملے میں ضمانت کے لیے اسپیشل کورٹ پہنچے شرجیل امام

سماجی کارکن شرجیل امام نے جمعہ کو دہلی کی کڑکڑڈوما کورٹ کا دروازہ کھٹکھٹا کر ان کے خلاف درج ملک سے غداری معاملے میں ضمانت کا مطالبہ کیا ہے۔ شرجیل امام کے خلاف یہ معاملہ 2020 میں شہریت ترمیمی قانون (سی اے اے) کے خلاف مظاہرہ کے دوران مبینہ طور پر اشتعال انگیز تقریر دینے کے الزام میں ...