ہلیال ولیج اکاؤنٹنٹ رشوت خوری کے الزام میں گرفتار
ہلیال29/جون (ایس او نیوز) رشوت خوری کے الزام میں اینٹی کرپشن بیوریو کے جال میں پھنسنے والے ولیج اکاؤنٹنٹ گریش رندیون کو 11جولائی تک عدالتی حراست میں بھیج دیا گیا ہے۔
بتایاجاتا ہے کہ گریش کو اے سی بی کی ٹیم نے اس وقت رنگے ہاتھوں گرفتار کرلیا تھا جب وہ تعلقہ پنچایت دفتر کے احاطے میں ایک کسان سے تین ہزار رورپے رشوت وصول کررہا تھا۔اے سی بی کی ٹیم گریش کو ہلیال میں گرفتار کرنے کے بعد کاروار لے گئی وہاں اسے عدالت میں پیش کیا گیا۔معلوم ہوا ہے کہ ہلیال تحصیلدار دفتر سے ایک مراسلہ ڈی سی کو بھیجا گیا ہے جس میں گریش کی گرفتاری کے بعد اگلی کارروائی کے تعلق سے رہنمائی طلب کی گئی ہے۔ ڈی سی دفتر کی طرف سے فی الحال عبوری طور پراس مقام پر ایک دوسرے ولیج اکاؤنٹنٹ کو تعینات کیا گیا ہے۔