ہلیال: آوارہ کتوں کو پکڑنے کا معاملہ - چیف آفیسر کے خلاف کیس درج
ہلیال ،27؍ ستمبر (ایس او نیوز) آوارہ کتوں کو پکڑ کر جنگل میں چھوڑنا ہلیال ٹی ایم سی کے چیف آفیسر پرشورام شیندے کو مہنگا پڑا کیوں کہ اس کارروائی کو ظالمانہ انداز میں انجام دئے جانے کا الزام لگاَتے ہوئے چیف آفیسر کے خلاف پولیس میں معاملہ درج کیا گیا ہے ۔
بتایا جاتا ہے کہ کتوں کو ظالمانہ انداز میں پکڑنے کی شکایت بعض مقامی لوگوں کی طرف سے ریاستی محکمہ مویشی پالن کے پاس شکایت درج کی گئی تھی ۔ اس پر کارروائی کرتے ہوئے ریاستی محکمہ مویشی پالن کی طرف سے چیف آفیسر کے خلاف شکایت درج کرنے کا حکم جاری ہوا ۔ اسی کے مطابق مویشیوں کے ڈاکٹر خالد علی نداف نے پولیس اسٹیشن میں معاملہ کروایا ۔