حجاج کرام کی وطن واپسی کا سلسلہ شروع ہوا جاری، تقریباً 1350حجاج کرام کی وطن واپسی

Source: S.O. News Service | By Shahid Mukhtesar | Published on 19th August 2019, 12:41 PM | ملکی خبریں |

نئی دہلی،19؍اگست (ایس او نیوز؍ایجنسی) حج بیت اللہ2019 ء کے مقدس فریضہ کی ادائیگی کے بعد حجاج کرام کی وطن واپسی کا سلسلہ 17/اگست2019سے جاری ہے اور اب تک کل 05پروازیں جدہ سے دہلی آچکی ہیں جن میں تقریباً1350حجاج کرام کی وطن واپس پہونچ چکے ہیں۔گزشتہ شام ایئرانڈیا کی فلائٹAI-5002سے دہلی پہنچنے والے 420 حجاج کرام کے دستے کودہلی اسٹیٹ حج کمیٹی کے چیئرمین عاصم احمد خان نے استقبال کرتے ہوئے تہنیت پیش کی۔

آپ کو بتادیں کہ 17/اگست2019 سے حجاج کی وطن واپسی کا شروع ہونے والا سلسلہ 30/اگست 2019تک جاری رہے گا۔اس درمیان ایر انڈیا کی کل 64پروازیں حجاج کرام کو لے کر دہلی کے اندرا گاندھی انٹرنیشنل ایئرپورٹ کے حج ٹرمنل پر آئینگی۔اس سال ہندوستان سے حج بیت اللہ کے لیے جانے والے کل1,39,960عازمین میں سے 22,551عازمین دہلی ایمبارکیشن پوائنٹ سے حج کے مقدس سفرپرروانہ ہوئے تھے۔دہلی سے حج بیت اللہ جانے والے عازمین کا تعلق دہلی کے علاوہ مغربی اترپردیش، ہریانہ، اتراکھنڈ، پنجاب، ہماچل پردیش, چنڈی گڑھ اورجموں کشمیر سے ہے

دہلی اسٹیٹ حج کمیٹی کے چیئرمین عاصم احمد خان کی اطلاع کے مطابق دہلی حج کمیٹی دہلی امبارکیشن پوائنٹ پر انتظام اور انصرام کے لیے ذمہ دار ہونے کی حیثیت سے حسب دستور گذشتہ برسوں کی طرح اس سال بھی حجاج کرام کی تمام تر سہولیات کی یقین دہانی اور فراہمی کے لیے ہر وقت مصروف ہے اور دہلی کے اندرا گاندھی انٹرنیشنل ایئرپورٹ پر حجاج کی واپسی اور انہیں سہولت کے ساتھ اپنے احباب اور رشتہ داروں تک پہنچانے کے لیے تمام تر ضروری اقدامات کر رہی ہے۔ علاوہ ازیں دور درا ز کے صوبوں اور علاقوں کے حجاج اور انہیں لینے کے لیے دہلی آنے والے ان کے رشتہ داروں اور اہل خانہ کے قیام کے لیے حج منزل میں پہلے کی طرح مناسب انتظامات کیے گیے ہیں جہاں ریلوے ریزرویشن کے خصوصی کاؤنٹر اور حکومتِ دہلی کی طبی ٹیم بھی خدمات پر مامور ہے۔

اسی طرح دہلی سرکار کے ڈاکٹروں کی ایک خصوصی ٹیم ایرپورٹ پر بھی اپنی خدمات انجام دے رہی ہے۔اس کے علاوہ دہلی اسٹیٹ حج کمیٹی نے اس سال پہلی بار سول ڈیفینس ٹیم کے ساتھ بھارت اسکاوٹ ایند گائیڈ کے 60رضاکاروں کی خدمات بھی حاصل کی ہیں۔ایئرپورٹ پر حجاج کی سہولیات اور انہیں بہ آسانی ان کے رشتہ داروں تک پہنچانے کے لیے حج کمیٹی کے ایگزیکٹو آفیسر جناب اشفاق احمد عارفی،ڈپٹی ایگزیکٹو آفیسر جناب محسن علی، حج کمیٹی آف انڈیا دہلی لائزن آفس انچارچ سلطان عالم اور حج کمیٹی کے اسٹاف و دیگررضاکاران شب و روز اپنے حسن خدمت کی انجام دہی میں مصروف ہیں۔

ایک نظر اس پر بھی

ہندوؤں کو اقلیتی درجہ دینے کا مطالبہ کرنے والی عرضی سپریم کورٹ سے خارج

سپریم کورٹ نے لفظ اقلیت کی تعریف کرنے اور ملک کی 9 ریاستوں میں اقلیتوں کی شناخت کےلئے ہدایت جاری کرنے سے متعلق عرضی جمعرات کو خارج کر دی۔ عرضی میں مطالبہ کیا گیا تھا کہ جن ریاستوں میں ہندوؤں کی تعداد کم ہے وہاں انہیں اقلیتی درجہ فراہم کیا جائے۔

اپہار آتشزدگی سانحہ: متاثرین کی ’كيوریٹو عرضی‘ خارج، انسل برادران نہیں جائیں گے جیل

سپریم کورٹ نے اپہار سینما آتشزدگی سانحہ میں لاپروائی کے مجرم اورملک کے جانےمانے بلڈر انسل برادران کو بڑی راحت دیتے ہوئے آتشزدگی شکار کی ایسوسی ایشن کی كيوریٹو عرضی خارج کردی ہے۔ اب سشیل انسل اور گوپال انسل کو جیل نہیں جانا پڑے گا۔

دہلی: ڈاکٹر کفیل کی رہائی کے لئے یوپی بھون پر مظاہرہ، جامعہ کے متعدد طلبا پولیس حراست میں

اتر پردیش میں سیاسی اور سماجی کارکنان کے خلاف استعمال کیے جانے والے سخت قوانین کے خلاف جامعہ ملیہ اسلامیہ کے طلبہ نے جمعرات کو یہاں اتر پردیش بھون کا گھیراؤ کرنے کی کوشش کی لیکن پولیس نے انھیں حراست میں لے لیا۔

کیرالہ: وزیر اعلیٰ وجین کا سڑک حادثے میں 20 افراد کی موت پر تعزیت کا اظہار

 کیرالہ کے وزیراعلی پنارائی وجین نے جمعرات کو تمل ناڈو کے تروپور ضلع کے اویناشی کے نزدیک قومی شاہراہ پرایک لاری کے کیرالہ ریاستی ٹرانسپورٹ کارپوریشن (کے ایس آرٹی سی) کی بس سے ٹکرانے کی وجہ سے ہوئے حادثے میں 20 افراد کی موت پر گہرے دکھ کا اظہار کیا ہے۔