بیدر کے بسواکلیان کی 8سالہ طوبیٰ زینب کا عظیم کارنامہ؛ صرف 20مہینوں میں حفظ قرآن کی تکمیل

Source: S.O. News Service | Published on 1st August 2021, 2:01 PM | ریاستی خبریں | ان خبروں کو پڑھنا مت بھولئے |

    گلبرگہ یکم اگست(ایس او نیوز؍شاکر ایم اے حکیم )  کرونا وباء میں لاک ڈاؤن کے سبب سارے مدارس بند تھے جس کے باعث ہونہار نسل کا کافی تعلیمی خسارہ ہوا۔  بہت سارے بچوں نے اس دوران ٹی وی، موبائیل اور دیگر مشغولیات میں اپنا قیمتی وقت ضائع کیا۔ لیکن چند والدین نے ان اوقات کو غنیمت جانتے ہوئے اپنی اولاد کو صحیح رخ پر گامزن کیا  اور اس طرح ان بچوں نے اپنے وقت کا صحیح استعمال کیا۔ ان ہی میں سے بسواکلیان بیدر ضلع ریاست کرناٹک کی ایک ہونہار، کم عمر، آٹھ سالہ لڑکی طوبیٰ زینب ہے جس نے اپنے والد محترم حافظ محمد عمران صدر جمعیت علماء بسوا کلیان سے شرف تلمذ حاصل کرتے ہوئے لاک ڈاؤن کے دوران صرف بیس مہینوں کے قلیل عرصہ میں معہ تجوید حفظ قرآن پاک کی سعادت حاصل کی۔ ( ماشاء اللہ، اللہ اس بچی کو نظر بد سے بچائے اور اس کو اپنے حفظ و امان میں رکھے)

طوبیٰ زینب کا یہ قابل ستائش اور عظیم کارنامہ ہے اور قرآن پاک کا واضح معجزہ ہے کہ ایک آٹھ سالہ لڑکی نے اتنے کم عرصہ میں قرآن جیسی ضخیم و عظیم کتاب کو سینہ میں بسالیا۔ یہ کم سن لڑکی دیگر بچوں کے لئے مثال اورملت اسلامیہ کے لئے بڑے فخر اور اعزاز کی بات ہے۔ اس پر مسرت موقع پر مولانا محمد تصدق ندوی،جنرل سیکریٹری جمعیت علماء بیدر نے حافظ محمد عمران اور ان کی  کمسن دختر حافظہ طوبیٰ زینب کو دل کی گہرائیوں سے مبارک باد پیش کی ہے۔ اللہ تعالیٰ اس حافظہ کو تا حیات قرآن سینہ سے لگائے رکھنے اور اس پر عمل کرنے کے ساتھ ساتھ اس کو دوسروں تک پہنچانے کی توفیق عطا فرمائے۔اٰمین

ایک نظر اس پر بھی

کرناٹک میں پی یو سی دوم کے نتائج کا اعلان ؛ 18،414 طلبا میں سے 5،507 طلبا کا میاب

پی یو سی دوم کا چیلنجنگ امتحان لکھنے والے طلبا کے نتائج ظاہر کردئے گئے  ہیں۔ جملہ 18،414 طلبا نے امتحان کے لئے اپنا اندراج کرویا تھا۔ ان میں سے 17،470 پرائیویٹ طلبا ، 351 رپیٹرس ، 592 فریشریس  طلبا نے امتحان میں شرکت کی ۔

بنگلورو: 5سالہ بچی کی عصمت پر حملہ، مقامی لوگوں کا پولیس تھانہ پر احتجاج

کل رات یہاں سنجے نگر پولیس تھانے کے سامنے ایک سو سے زیادہ افراد اکٹھا ہوگئے اور احتجاج کرنے لگے۔ وہ اس 25سالہ فرد کو ان کے حوالے کرنے کا مطالبہ کر رہے تھے جس نے ایک 5 سالہ معصوم بچی پر جنسی حملہ کیا تھا۔

سدانند گوڈا کی جانب سے ’جعلی ویڈیو‘ کے خلاف سائبر پولیس میں شکایت، اشاعت پر پابندی اور خاطیوں کو گرفتار کرکے سخت سے سخت سزا دینے کا مطالبہ

سابق وزیر اعلیٰ اور حال تک مرکزی وزیر رہ چکے ڈی وی سدانند گوڈا نے کل یہاں پولیس میں ایک شکایت درج کروائی ہے جو ایک ویڈیو کلپنگ کے بارے میں ہے جس میں انہیں دیکھا جا سکتا ہے۔

کرناٹک میں نظم و ضبط کی صورتحال انتہائی خراب، وزیر اعلیٰ کو جان سے مارنے کی کھلے عام دھمکی حالات کی عکاس:کانگریس

کرناٹک میں دن بدن بگڑتی ہوئی نظم و ضبط کی صورتحال پر کانگریس نے ریاستی حکومت کو نشانہ بنایا ہے اور کہا ہے کہ وزیر اعلیٰ بسوراج بومئی کو کھلے عام جان سے مارنے کی دھمکی دی جا رہی ہے اور حکومت اس طرح کی دھمکی دینے والے عناصر کے خلاف فوری کارروائی کرنے میں ٹال مٹول سے کام لے رہی ہے۔

کرناٹک میں پی یو سی دوم کے نتائج کا اعلان ؛ 18،414 طلبا میں سے 5،507 طلبا کا میاب

پی یو سی دوم کا چیلنجنگ امتحان لکھنے والے طلبا کے نتائج ظاہر کردئے گئے  ہیں۔ جملہ 18،414 طلبا نے امتحان کے لئے اپنا اندراج کرویا تھا۔ ان میں سے 17،470 پرائیویٹ طلبا ، 351 رپیٹرس ، 592 فریشریس  طلبا نے امتحان میں شرکت کی ۔