گلبرگہ میں ایک شخص نے اپنے ہی خاندان کے چار لوگوں کو آگ لگادی۔ دو کی موت، دو کی حالت نازک
گلبرگہ،30؍جون (ایس او نیوز؍راست) شرن اپا نامی ایک شخص نے اپنے ہی خاندان کے چار افراد کو نذر آتش کردیا جس میں سے دو کی موت واقع ہوگئی جبکہ دیگردو کی حالت نازک بتائی گئی ہے۔ واردات نارائین پور گائوں ہنسگی تعلقہ ضلع یادگیر گلبرگہ ڈویژن میں چہارشنبہ کو پیش آئی۔
سپرینٹنڈینٹ آف پولیس چی بی ویدا مورتی نے بتایا کہ ملزم شرن اپا نے خاندانی جھگڑے کے سبب سدرام اپامورال اور مت اپا مورال کے علاوہ اپنی بیوی کے والد اوربھائی کواپنے گھر میں آگ لگادی ۔ یہ واقعہ اس وقت پیش آیا جب شرن اپا اور اور اس کی بیوی کے مابین ایک خاندانی جھگڑے کے ضمن میں بحث جاری تھی ۔ ملزم شرن اپا کا اپنی بیوی ہلی گے اماں سے بھی جھگڑا تھا ۔ ہلی گے اماں کے آیس آر ٹی سی لنگسگور ڈپو میں ایک میکانک کی حیثیت سے خدمات انجام دے رہی ہے اور اس کے نتیجہ میں وہ گزشتہ 14مہینوں سے تنہائی میں زندگی گزار رہی تھی ۔ اس کے نتیجہ میں ملزم شرن اپا نے اپنی بیوی کے افراد خاندان کو وہاں طلب کیا تاکہ بات چیت کے ذریعہ تنازعہ کو حل کیا جاسکے ۔ لیکن مکان سے باہر نکلنے سے قبل اچانک اس نے ڈاکٹر ویدا مورتی کے بیان کے بموجب ان تمام کے جسم پر پٹرول ڈال دیا اور آگ لگادی پھر گھر کے دروازے بھی بند کردئے ۔ اس واقعہ کے فوری بعد چاروں متاثرین کو فوری طور پر لنگسگور کے تعلقہ ہسپتال میں شریک کروایا گیا ۔ جہاں 35سالہ ناگ اپا زخموں کی تاب نہ لاکر چل بسا ۔ بعد ازاں مابقی تین متاثرین کو رائیچور انسٹی ٹیوٹ ٹ آف میڈیکل سائینس میں داخل کیا گیا جہاں 65سالہ شرن اپا سارور کی بھی موت واقع ہوگئی ۔ ذرائع کے بموجب سدرام اپا مرال اور مٹ اپا مرال کی حالت نازک ہے ۔ نارائین پور پولیس نے ملزم کو گرفتار کرکے معاملہ درج کرلیا ہے ۔ مزید تحقیقات جاری ہیں ۔