یلاپور میں کار اور ٹینکر کی بھیانک ٹکر؛ دلہا ہلاک چار دیگر شدید زخمی

Source: S.O. News Service | By I.G. Bhatkali | Published on 18th November 2019, 11:06 AM | ساحلی خبریں | ان خبروں کو پڑھنا مت بھولئے |

یلاپور 18/نومبر (ایس او نیوز) یلاپور نیشنل ہائی وے 63 پر کار اور ٹینکر کے درمیان ہوئی خطرناک ٹکر میں کار پر سوار دُلہا کی موقع پر ہی موت واقع ہوگئی جبکہ کار پر سوار دیگر رشتہ دار شدید زخمی ہوگئے۔ حادثہ اتوار کو ملن ہوٹل  کے قریب واقع ایک موڑ پر پیش آیا۔

مرنے والے کی شناخت ڈانڈیلی کے رہنے والے افروز اقبال شیخ (26) کی حیثیت سے کی گئی ہے جس کی آج پیر کو شادی طئے تھی۔

ذرائع سے ملی اطلاع کے مطابق کار ڈرائیور  کرن کمار ملپّا (26) کار پر سوار  رُبینہ شیخ (27)، افسان امتیاز شیخ (11) اور آرمان امتیاز شیخ(11) شدید زخمی ہوئے ہیں، جنہیں مقامی اسپتال میں ابتدائی طبی امداد کے بعد ہبلی کیمس  میں  داخل کیا گیا ہے۔ بتایا گیا ہے کہ کار پر سوار سبھی لوگوں کا تعلق ڈانڈیلی کے  گاندھی نگر سے ہے۔

ذرائع نے بتایا کہ حادثے میں جاں بحق ہونے والے افروز اقبال شیخ کے والد اور والدہ  پہلے ہی انتقال کرچکے ہیں ۔ افروز کا رشتہ    ہنگل کی ایک لڑکی سے طئے ہوا تھا، اور پیر کو شادی طئے تھی، بتایا گیا ہے کہ سرسی سے شادی کی کچھ خریداری مکمل کرکے  ہنگل جانے کے لئے یہ  سبھی لوگ ڈانڈیلی سے یلاپور، سرسی روڈ ہوتے ہوئے ہنگل  کے لئے نکلے  تھے، جس کے دوران  یلاپور کے مضافات میں یہ حادثہ پیش آیا۔ ٹینکر کے ساتھ ہوئی ٹکر میں کار کے پرخچے اُڑ گئے ہیں۔

ذرائع کی مانیں تو ڈانڈیلی سےیلاپور پہنچنے کے بعد   دُلہا  افروز نے ڈرائیور سے  خود کار ڈرائیونگ کرنے کی خواہش ظاہر کرتے ہوئے  سیٹ تبدیل کی تھی  اور جیسے ہی افروز ڈرائیونگ کرتے ہوئے آگے بڑھا، کچھ ہی دیر میں  یہ بھیانک  حادثہ پیش آیا۔ یلاپور پولس تھانہ میں معاملہ درج کیا گیا ہے، پولس مزید چھان بین کررہی ہے۔

ایک نظر اس پر بھی

بھٹکل تعلقہ کی شرولی ہائی اسکول کے طلبا کاثقافتی و کھیل مقابلوں میں بہترین مظاہرہ

انکولہ تعلقہ شٹگری میں منعقدہ ضلع لیول کھیل مقابلوں میں شرولی ہائی اسکول کی طالبہ لتا پانڈورنگا نائک نے100میٹر کی ہرڈلس  دوڑ میں  دوم مقام حاصل کرتے ہوئے منڈیا ضلع کے ناگ منگلا میں منعقدہ ریاستی سطح کے کھیل مقابلوں میں لگاتار تیسری مرتبہ شرکت کرتےہوئے ریکارڈ قائم کیاہے۔

بھٹکل میں قومی شاہراہ فورلین کی تعمیرسے پیدا ہوئے مسائل کے حل کے لئے عوامی میٹنگ طلب کرنے کا مطالبہ

تعلقہ میں جاری قومی شاہراہ فورلین کے تعمیراتی کاموں سے تعلقہ کے منکولی، ماروتی نگر، مٹھلی ، موڈبھٹکل کے علاقوں کے  عوام بارش کے موسم میں کافی مشکلات سے دوچار ہوئے ہیں، مسائل کے حل پر دوبارہ غوروفکرکرنے کے لئے عوامی میٹنگ کا مطالبہ لےکر بھٹکل منکولی اور ماروتی نگر ترقی کمیٹی ...

بھٹکل اسلامیہ اینگلو ہائی اسکول میں سالانہ ادبی و ثقافتی مقابلوں کا انعقاد : انجمن قابلِ فخر تعلیمی ادارہ ہے : مولانا عبدالعلیم خطیب ندوی

انجمن حامئی مسلمین بھٹکل کے اسلامیہ اینگلو اردو ہائی اسکول بھٹکل میں 10دسمبر 2019بروز پیر کو ہائی اسکول کے عثمان حسن ہال میں طلبا کے درمیان سالانہ ثقافتی مقابلوں کا انعقاد ہوا۔

بھٹکل کے عبدالباقی صدیقہ کرناٹکا لاء یونیورسٹی بنگلورو کبڈی ٹیم کے لئے منتخب : یونیورسٹی بلیو کا خطاب

بنگلورو کی شیشا دری پورم لاء کالج میں ایل ایل بی کے  تیسرے سال میں  زیر تعلیم  بھٹکل کے عبدالباقی ابن عبدالقادر جیلانی  نے کبڈی میں بہترین کھیل کا مظاہرہ پیش کرتے ہوئے صدیقہ کرناٹکا اسٹیٹ لاء یونیورسٹی(کے ایس ایل یو)  کی کبڈی ٹیم(مین) کے لئے منتخب  ہوتے ہوئے یونیورسٹی بلیو کا ...

عصمت دری کی راجدھانی بن گیا ہندوستان پھر بھی خاموش ہیں پی ایم مودی: راہل

 کانگریس کے سنیئر لیڈر راہل گاندھی نے اتر پردیش میں ایک لڑکی کے ساتھ ہوئی عصمت دری معاملے پر وزیراعظم نریندر مودی پر خاموشی اختیار کرنے کا الزام عائد کرتے ہوئے آج کہاکہ ہندوستان دنیا کی عصمت دری کی راجدھانی میں تبدیل ہو رہا ہے ،

یلاپور ضمنی انتخاب میں بی جے پی کے شیورام ہیبار نے درج کی زبردست جیت

ضلع اُترکنڑا کے یلاپور منڈگوڈ اسمبلی حلقے سے ضمنی انتخاب میں بی جے پی کے امیدوار شیورام ہیبار نے 31,406ووٹوں کی اکثریت سے زبردست جیت درج کرتے ہوئے اپنے قریبی حریف کا نگریسی امیدوار بھیمنّا نائک کو شکست دے دی ہے۔

  مسلم متحدہ محاذ، جماعت اسلامی ہند اور کئی تنظیموں کے ایک نمائندہ وفدکا سابق وزیر اعظم ایچ ڈی دیوے گوڈا سے ملاقات اور شہریت ترمیمی بل   کی مخالفت اور دستور کے تحفظ میں تعاون کرنے کی اپیل

مسلم متحدہ محاذ، جما عت اسلامی ہند، سدبھاؤ نا منچ بورڈ آف اسلامک ایجوکیشن کرناٹک، ایف ڈی سی اے، ایس آئی او، اے پی سی آر  اور مومنٹ فار جسٹس جیسے ہم خیال تنظیموں کی قیادت میں مسلم نمائندوں کا ایک وفد 7 / دسمبر 2019  ء  بروز سنیچر، سابق وزیر اعظم شری ایچ ڈی دیوے گوڈا سے ملاقات کرتے ...