بھٹکل 17/اپریل (ایس او نیوز) گرین ویلی نیشنل اسکول اینڈ پی یو کالج شیرور کے طلبا نے سکینڈ پی یو سی میں اس بار بھی شاندار کامیابی درج کرتے ہوئے لگاتار صد فیصد کامیابی درج کرنے کا سلسلہ جاری رکھا ہے۔ اسکول پرنسپال کے مطابق کالج نے لگاتار گیارہویں مرتبہ صد فیصد کامیابی درج کی ہے۔
کالج سے جملہ 60 اسٹوڈینٹس نے پی یو سی دوم کا امتحان دیا تھا، جس میں سے 27 طلبا نے امتیازی (ڈسٹنکشن) نمبرات سے کامیابی حاصل کی ہے جبکہ بقیہ 33 طلبا فرسٹ کلاس سے کامیاب ہوئے ہیں۔
کالج سے فاطمہ نہالا نے شعبہ سائنس میں 96.77 فیصد کے ساتھ پوری کالج میں ٹاپ کیا ہے۔96.17 فیصد کے ساتھ سنمائی نے دوسرا مقام اور جمال الدین عاطف نے 92.33 فیصد کے ساتھ تیسرا مقام حاصل کیا ہے۔ شعبہ کامرس میں حیفا پروین 93 فیصد کے ساتھ پوری کالج میں اول مقام پر ہے تو فاطمہ نوسین 92.67 فیصد کے ساتھ دوسرے مقام اور محمد شان 91.50 فیصد کے ساتھ تیسرے مقام پر ہے۔
دیگر امتیازی نمبرات سے کامیاب ہونے والوں میں فوزیہ بیگم ، کامل احمد دامودی، محمد زید تحسین، محمد مُعز الطاف ، محمد شمیس کولا، صالح سلمان جوباپو، عائشہ ساریہ منیگار، فاطمہ اسریٰ دامیس، نبھان احمد،رائید، فاطمہ ریحاب، مہک کٹنگری، مریم مبُین منّا، محمد فاہزکسما، محمد عاکف قاسمجی، محمد ماویہ، رُبان عبدالرشید اور سارم شامل ہیں۔