ایس ڈی پی آئی کی طر ف سے منگلور میں عوامی اقتدار کانفرنس؛ ریاستی صدر نے خطاب کرتے ہوئے کہا؛ ملالی مسجد کی مٹی کو بھی نہیں لگانے دیں گے ہاتھ
منگلورو،29؍ مئی (ایس او نیوز) سوشیل ڈیموکریٹک پارٹی آف انڈیا (ایس ڈی پی آئی) کرناٹک نے مرحوم کے ایم شریف کے نام سے منسوب اسٹیج پر کننور گراؤنڈ، منگلورو میں 'عوامی اقتدار کانفرنس 'کا انعقاد کیا۔ جس میں خطاب کرتے ہوئے ایس ڈی پی آئی ریاستی صدرعبدالمجید نے زور دے کر کہا کہ ایس ڈی پی آئی کارکنان مینگلور کی ملالی مسجد کی مٹھی بھر مٹی کو بھی ہاتھ لگانے نہیں دیں گے۔ انہوں نے کہا کہ ایس ڈی پی آئی ہندوستان کو فاشزم سے بچانے اور ہندوستان کو ایک خود مختار جمہوریہ کے طور پر برقرار رکھنے کیلئے پر عزم ہے۔
آگے کہا کہ ریاست کرناٹک میں کانگریس اور جے ڈی ایس سنگھ پریوار سے خوفزدہ ہیں۔ لیکن ایس ڈی پی آئی سنگھ پریوار سے خوفزدہ نہیں ہے۔ انہوں نے کہا کہ ریاست میں تمام سماج دشمن سرگرمیوں کو قانونی شکل دی گئی ہے۔ مذہبی مقامات تحفظ ایکٹ 1991کسی بھی مذہبی مقام کے خلاف سازشوں کی اجازت نہیں دیتا ہے۔ لیکن اس ضلع میں سنگھ پریوار کے شرپسندوں نے ملالی جامع مسجد پر جھوٹی کہانیاں گھڑی ہیں۔ انہوں نے پولس پر زور دیا کہ ایسے عناصروں کے خلاف پولس کو مقدمہ درج کرنا چاہئے۔ یہ وہ غدار ہیں جنہوں نے بلاری میں بی جے پی لیڈر جناردھن ریڈی کی قیادت میں صدیوں پرانے سوگالما دیوی کے مندر کو تباہ کیا تھا۔ وہ اب مسجدوں کے نیچے مندر تلاش کررہے ہیں۔ اے ایس آئی سے سروے کرانے کا مطالبہ کرکے وہ ملالی مسجد پر دعوی کررہے ہیں۔ ایس ڈی پی آئی ریاستی صدر عبدالمجید نے اس بات پر زور دیکر کہا کہ ایس ڈی پی آئی کارکنان ملالی مسجد کی ایک مٹھی بھر مٹی کو بھی ہاتھ نہیں لگانے دیں گے۔
سنگھ پریوار لیڈرا کو مخاطب کرتے ہوئے انہوں نے کہا کہ اگر اُن میں ہمت ہے تو وہ بی جے پی لیڈرس جناردھن ریڈی اور بی سری راملو کے خلاف احتجاج کرکے دکھائیں جنہوں نے بلاری میں کان کنی کے دوران دھماکہ دار اشیاء کا استعمال کرتے ہوئے ایک مندر کو نقصان پہنچایا تھا۔ انہوں نے سوال کیا کہ کیا اُن کے اندر اتنی ہمت ہے کہ وہ ایسوں کے خلاف کاروائی کرسکے ؟ انہوں نے کہا کہ بی جے پی کارپوریٹ والوں کے ساتھ ہے، وہ عوام کے ساتھ نہیں ہے۔
اس موقع پر خطاب کرتے ہوئے ایس ڈی پی آئی کے نیشنل جنرل سکریٹری الیاس محمد تمبے نے کہا کہ کرناٹک میں حالات اتنے خراب ہیں کہ بی جے پی سرکار 40 فیصد کمیشن لیتی ہے، انہوں نے طنز کرتے ہوئے کہا کہ کانگریس کو اس بات سے تکلیف ہے کہ کانگریس حکومت صرف 30 فیصد کمیشن ہی لے رہی تھی۔
کانفرنس کا افتتاح ایس ڈی پی آئی قومی جنرل سکریٹری الیاس محمد تمبے، ایس ڈی پی آئی کیرلا کے ریاستی صدر اشرف مولوی، قومی سکریٹری الفانسو فرانکو، ریاض فرنگی پیٹ، ریاستی جنر ل سکریٹریان بی آر بھاسکر پرساد، ویمن انڈیا موؤمنٹ کی ریاستی صدر شاہدہ تسنیم، ایس ڈی پی آئی ریاستی نائب صدر دیوانور پتنن جیا، ریاستی سکریٹری افسر کوڈلی پیٹ، کیمپس فرنٹ آف انڈیا ریاستی صدر عطاء اللہ نے کیا۔
اس موقع پر ایس ڈی پی آئی ریاستی جنرل سکریٹری عبداللطیف پتور، ریاستی آرگنائزنگ سکریٹری مجید تمبے، ریاستی سکریٹری اشرف ماچار، شفیع بلارے، ریاستی کمیٹی کے اراکین عطاء اللہ جوکٹے، کے جلیل، ریاض کڈمبو، زینت بنٹوال ، اُترکنڑا کے صدر توفیق بیری سمیت کافی دیگر ذمہ داران اسٹیج پر موجود تھے۔ اقبال بلارے اور زاہڈ ملرنے کانفرنس کی میزبانی کی۔ اس کانفرنس میں ایس ڈی پی آئی کارکنان اور خواتین سمیت ہزاروں افراد شریک رہے۔