مضافاتی علاقے میں پوسٹ مین کی بھرتی۔ اعلیٰ تعلیم یافتہ امیدواروں کی لگ گئی قطار
کاروار 6/ دسمبر (ایس او نیوز) مضافاتی علاقے میں ڈاکیے کی خدمات انجام دینے کے لئے درخواستیں طلب کی گئی تھیں۔ ’گرامین ڈاک سیوک‘ ے عہدے پر تعیناتی کے لئے صرف ایس ایس ایل سی پاس ہونا کافی تھا۔
بتایا جاتا ہے کہ ریاست میں جملہ 2637 گرامین ڈاک سیوک کی تعیناتی ہوئی ہے۔ ضلع شمالی کینرا کے کاروار زون میں 69اورسرسی زون میں 80 افراد کی بھرتی ہوئی ہے۔تعجب خیز بات یہ ہے کہ ’گرامین ڈاک سیوک‘ کے عہدے کے لئے درخواست دینے اور عہدے کے لئے منتخب ہونے والوں میں انجینئرنگ سمیت دیگر شعبہ جات میں 90%اور اس سے زیادہ مارکس حاصل کرنے والے گریجویٹس بڑی تعداد میں شامل ہیں۔
پتہ چلا ہے کہ اس سے قبل عدالتوں میں ڈی گریڈ کے عہدوں پر تعیناتی کے لئے درخواستیں طلب کی گئی تھیں اس میں بڑی تعداد ایسے نوجوانوں کی تھی جو انجینئرنگ اور دیگر شعبہ جات میں گریجویشن کی ڈگریاں رکھتے تھے۔