حکومت روپے کو غیر ملکی کرنسی میں تبدیل کرنے والوں کی فہرست جاری کرے: کانگریس

Source: S.O. News Service | Published on 23rd September 2022, 8:51 PM | ملکی خبریں |

نئی دہلی،23؍ستمبر(ایس او نیوز؍ایجنسی) کانگریس نے کہا ہے کہ روپیہ ریکارڈ سطح پر گرنے پر حکومت نے ایک نوٹیفکیشن جاری کیا ہے جس کے تحت تین سال تک مسلسل منافع کمانے والی کمپنیاں روپے کو ڈالر میں تبدیل کر سکتی ہیں۔

کانگریس کے ترجمان گورو بلبھ نے جمعرات کو یہاں ایک پریس کانفرنس میں کہا کہ ڈالر کے مقابلے روپے کے 81 روپے تک پہنچنے کو روکنے کے اقدامات کرنے کے بجائے حکومت الٹا قدم اٹھا رہی ہے۔ انہوں نے کہا، "ریزرو بینک نے 22 اگست کو ایک نوٹیفکیشن جاری کیا، جس کے مطابق ایک ارب ڈالر تک کوئی بھی ہندوستانی شخص یا کمپنی جو 3 سال سے منافع کما رہی ہو وہ ہندوستانی روپے کو ڈالر میں تبدیل کر سکتا ہے۔"

انہوں نے کہا کہ اس کے مطابق کوئی بھی کمپنی جس کا تین سال کا منافع ہے وہ مقامی کرنسی کو بغیر کسی پریشانی کے 8,081 کروڑ روپے تک مقامی کرنسی کو غیر ملکی کرنسی میں تبدیل کر سکتی ہے۔ حکومت کے اس اقدام کو شکوک و شبہات سے بھرپور قرار دیتے ہوئے انہوں نے کہا کہ حکومت کو ایسے لوگوں کی فہرست جاری کرنی چاہیے۔ اس وقت پر نوٹیفکیشن کا آنا ایک بہت بڑا شبہ پیدا کرتا ہے۔

ترجمان نے کہا کہ حکومت کو ایک نوٹیفکیشن کے ذریعے بتانا چاہئے کہ کن کن لوگوں نے، کب کب کون سی کمپنیوں نے پسہ باہر بھیجا ہے ان کی فہرست جاری کرنی چاہئے۔

ایک نظر اس پر بھی

کہاں غائب ہو گئے نوٹ بندی کے بعد چھاپے گئے 9.21 لاکھ کروڑ روپے، آر بی آئی کے پاس بھی تفصیل موجود نہیں!

مرکز کی مودی حکومت نے بلیک منی پر قدغن لگانے کے مقصد سے 2016 میں نوٹ بندی ضرور کی، لیکن اس مقصد میں کامیابی قطعاً ملتی ہوئی نظر نہیں آ رہی ہے۔ اپوزیشن پارٹیوں نے نوٹ بندی کے وقت بھی مرکز کے اس فیصلے پر سوالیہ نشان لگایا تھا،

ہندوستان میں 10 سالوں کے دوران شرح پیدائش میں 20 فیصد کی گراوٹ، رپورٹ میں انکشاف

 پچھلے 10 سالوں میں ہندوستان میں عام زرخیزی کی شرح (جی ایف آر) میں 20 فیصد کی کمی درج کی گئی ہے۔ اس کا انکشاف حال ہی میں جاری کردہ سیمپل رجسٹریشن سسٹم (ایس آر ایس) ڈیٹا 2020 میں ہوا ہے۔ جی ایف آر سے مراد 15-49 سال کی عمر کے گروپ میں ایک سال میں فی 1000 خواتین پر پیدا ہونے والے بچوں کی تعداد ...

الیکشن کمیشن نے تین برسوں میں جموں و کشمیر کی 7 سیاسی جماعتوں کو رجسٹر کیا

الیکشن کمیشن آف انڈیا (ای سی آئی) نے گزشتہ تین برسوں کے دوران جموں و کشمیر کی7 سیاسی جماعتوں کو رجسٹر کیا ہے جن میں کچھ غیر معروف جماعتیں بھی شامل ہیں۔ ای سی آئی ریکارڈس کے مطابق کمیشن نے سال 2019 سے تمام ضروری لوازمات کی ادائیگی کے بعد جموں و کشمیر کی 7 سیاسی جماعتوں کو رجسٹر ...

بامبے ہائی کورٹ سے گوشت کے اشتہارات پر پابندی کی درخواست خارج

بامبے ہائی کورٹ نے ٹی وی اور اخبارات میں نان ویجیٹیرین کھانے کے اشتہارات پر پابندی لگانے کی درخواست خارج کر دی ہے، چیف جسٹس دیپانکر دتہ اور جسٹس مادھو جمدار نے پیر کو جین چیریٹیبل ٹرسٹ کی عرضی کو یہ کہتے ہوئے خارج کر دیا کہ عدالت صرف اس صورت میں مداخلت کر سکتی ہے جب شہریوں کے ...

پی ایف آئی پر پھر چھاپے، شاہین باغ میں دبش، جامعہ میں دفعہ 144 نافذ

نیشنل انویسٹی گیشن ایجنسی (این آئی اے) سے ملی لیڈ کی بنیاد پر، 8 ریاستوں کی پولیس نے آج یعنی منگل کو ملک بھر میں پاپولر فرنٹ آف انڈیا (پی ایف آئی) کے کئی مقامات پر چھاپے مارے۔ نیوز پورٹل ’آج تک‘ پر شائع خبر کے مطابق اسے دوسرے راؤنڈ کا چھاپہ بتایا جا رہا ہے۔