نئی دہلی،5؍مئی (ایس او نیوز؍پی ٹی آئی) مرکزی حکومت بیرون ملک پھنسے میں ہوئے ہندوستانیوں کی واپسی میں سہولت فراہم کرے گی اور اس کارروائی کا آغاز مرحلہ وار طریقہ پر 7؍ مئی سے ہوگا۔

وزارت داخلہ نے ایک بیان میں کہا کہ صرف متقارب افراد کو سفر کی اجازت دی جائے گی اور ہوائی جہاز و بحری جہازوں کا انتظام کیا جائے گا اور یہ سہولت ادائیگی کی بنیاد پر کی جائے گی۔ہندوستان میں آمد کے بعد ہر ایک کا طبی معائنہ کیا جائے گا اور اس کے بعد انہیں 14 دن کے لئے ایک دواخانہ یا ادارہ جاتی مرکز پر کوارنٹائن کیا جائے گا۔حکومت ہند مرحلہ وار طریقہ پر وجوہات کو ملحوظ رکھتے ہوئے بیرون ملک پھنسے ہوئے ہندوستانیوں کی واپسی میں سہولت پیدا کرے گی سفر کا آغاز 7 ؍ مئی سے ہوگا۔

وزیر داخہ نے کہا ہے کہ حکومت نے ایک اسٹینڈرڈ آپریٹنگ پروٹوکول (ایس او پی ) تیار کیا ہے اور ہندوستانی سفارتخانہ اور ہائی  کمیشنس وطن واپسی کے لئے بے چین شہریوں کی فہرست تیار کررہے ہیں۔بیان میں بتایا گیا ہے کہ یہ سہولت ادائیگی کی بنیاد پر فراہم کی جائے گی۔ سفر کے دوران ان افراد کو پرٹوکولس کی سختی سے پابندی کرنی ہوگی۔ منزل پر پہنچتے ہی ہر ایک کوآروگیہ سیتو ایپ میں اپنا رجسٹریشن کروانا ہوگا۔